Предыдущая публикация
Гөлфия Исхакова
Бар ышаныч Аллаһка
Сизәсезме? Югалды бит...
Вирус дигән яман чир.
Алып китте яшен, картын
Моңлы, зарлы калды җир.
Кыргыйланды сыман халык,
Югалтты дуслык җебен.
Ышаныч бетте күпләргә -
Җибәрә, диеп, “Төтен”.
Бар ышаныч тик Аллаһка,
Ул бирә җанга тынлык.
Булганына –Шөкер! – дими,
Һаман алга омтылдык.
Онытылды дус, туганнар,
Онытылды дөньясы...
Туймады акчага байлар,
Мактап чит ил “букчасын”.
Чирдән тынды әлегә ил,
Дер селкетеп барчасын.
Китте байлар чит илләргә,
Сакларга зур вилласын.
Бәяләр менә көннән-көн,
Ашамлыкның барсына –
Сабырлык сорап яшибез:
Әй, йөрәк, син, ярсыма!
Түздек инде, тагын түзик!
Илгә килсен тынычлык.
Булганга – зарланмый яшик,
Беркем күрмәсен ачлык.
Берләшик без элеккечә,
Һәркемне якын итеп.
Туганнарның, дус-ишләрнең –
Күңле булмасын китек.
Кайтмасын кире вируслар,
Дуслыкта булсын байлык.
“Акча” диеп, дөнья кумыйк.
Ул бит бары бер айлык.
Матурлыкны күреп яшик,
Табигатькә сокланып.
Безнең өчен һәр таң саен,
Кояш чыксын нурланып.
Следующая публикация
Комментарии 6
Твлрческих успехов и побед , милая моя роднуленька Гульфия - Ханум .