Аз Ҳазрати Абуҳурайра разияллоҳу анҳу ривоят аст ки Расули Акрам саллаллоҳу алайҳи ва саллам фармуданд:
""Қаҳрамон касе нест ки ҳарифашро бар замин занад, балки қаҳрамон дар ҳақиқат касе аст ки ба ҳангоми хашм бар нафси худ контрол дошта бошад""(ривояти Бухорӣ ва Муслим)
шарҳ:
мафҳум ин аст ки бузургтарин ва нерумандтарин душмани одамӣ, нафси уст.
маълум аст ки хусусан ҳангоми хашм, контроли он, бисёр душвор ва гарон аст. лизо фармуданд: "" Шоистагии лақаби қаҳрамонӣ ва нерумандиро касе дорад ки ба ҳангоми хашм, бар нафси худ комилан мусаллат бошад ва нафс, уро ба анҷоми корҳои иштибоҳ ва беҷо водор накунад""
аз ин ҳадис маълум мешавад ки хости Аллоҳ ва Расули У ин нест ки дар қалби одамӣ кайфияти хашм ва ғазаб пайдо нашавад (зеро ба ҳангоми сухан ва ё амали хилофи табиат, пайдоиши он кайфият дар қалб, амре фитрӣ ва табиӣ аст ва паёмбарон: ҳам аз он мустаснӣ нестанд)
балки хости онон ин аст ки ҳангоми вуруди он кайфият дар қалб, бар нафс контроли комил дошта бошад ва ин тавр набошад ки одамӣ мағлуби он кайфияти нафсонӣ гашта ва нафс, уро ба анҷоми аъмол ва ҳаракоте водор кунад ки бо шаъни бандагӣ мухолиф бошад.
#ахлоқ
Присоединяйтесь к ОК, чтобы подписаться на группу и комментировать публикации.
Нет комментариев