Роўна 40 год таму не стала выбітанага беларускага пісьменніка Уладзіміра Караткевіча.
Ягоны лёс і жыццё знітаваныя ў тым ліку з Брэстам і Брэсцкай вобласцю.
На фота, калі вы не пазналі, вуліца Савецкая ў Баранавічах, а на ёй пісьменнікі Уладзіміры: злева Калеснік, а справа Караткевіч. Здымак зроблены пісьменнікам Янкам Брылём ў 1963 у часе вандроўкі літаратараў па Беларусі.
Але адной вандроўкай справа не сканчаецца. Праз чатыры гады Уладзімір Сямёнавіч наведае Брэст з лекцыяй. Менавіта тады падчас сустрэчы са студэнтамі ў 1967 годзе ён пазнаёміцца са сваёй будучай жонкай.
Яму тады было 37, калі ён сустрэў Валянцінуу Нікіціну. Знаёмства, па ўспамінах Вячаслава Рагойшы, надарылася асаблівым.
На той момант яна працавала ў Брэсцкім педінстытуце, выкладала гісторыю КПСС. У вольны час яна захаплялася дэтэктывамі, у тым ліку любіла і «Дзікае паляванне караля Стаха». Другога лістапада 1967 года ва ўніверсітэце мелася быць сустрэча з Караткевічам. Аднак Валянціна пра яе не ведала, бо на той момант гэта не надта афішыравалі. Студэнты надта прасіліся адпусціць іх на сустрэчу, і выкладчыца пайшла з імі. Там і адбылася першая сустрэча, а пасля ўжо каханне і шлюб. Такое вось жыццё.
Нет комментариев