Старэйшы інспектар аддзела культуры Брэсцкага гарвыканкама Уладзімір Цярлецкі паведаміў у эфіры БТ аб планах кансервацыі з элементамі рэстаўрацыі ўнікальнага гістарычнага будынка, на гэта звярнула ўвагу «Наша Ніва».
Руіны касцёла і кляштара бернардзінак сёння знаходзяцца на тэрыторыі Валынскага ўмацавання Брэсцкай крэпасці. Помнік беларускага барока перажыў знішчэнне старога горада расійскімі ўладамі пад будаўніцтва крэпасці, але ў XX стагоддзі ён быў ператвораны ў руіны.
Кляштар бернардзінак у Бярэсці быў заснаваны Аленай Копаць з Дольскіх у 1624 годзе. Тады ён быў цалкам драўляны. У той жа час побач з жаночым кляштарам пачалося ўзвядзенне мураванага мужчынскага кляштара пры фінансавай падтрымцы канцлера Льва Сапегі.
У 1720-я гады на месцы драўлянага касцёла жаночага кляштара пачалося будаўніцтва мураванага храма, аўтарамі якога сталі архітэктары Б. Мазуркевіч і А. Даўгяла. Ён быў завершаны толькі ў 1750 годзе і асвечаны пад тытулам Беззаганнага Зачацця Найсвяцейшай Дзевы Марыі. У 1781 годзе побач з касцёлам быў збудаваны мураваны кляштарны корпус.
Бернардзінскія кляштары разам утваралі ўнікальны архітэктурны ансамбль Замухавечча, праз які праходзіла адна з галоўных дарог Берасця, што вяла ў Валынь.
Присоединяйтесь к ОК, чтобы подписаться на группу и комментировать публикации.
Нет комментариев