ՀԱՅ(Ք)-ի
ԿԵՆՍԱԿԱՆՈՆԱԳԻՐ
/սահմանադրություն/
/Նախագիծ/
ԵՐԵւԱՆ – 2015 թվ.
ՀՌՉԱԿԱԳԻՐ
1․ Նվիրյալ հայերը , արտահայտելով իրենց կամքը, ձգտելով ստեղծագործել ՍԻՐՈ և ԲԱՐԵԿԱՄՈՒԹՅԱՆ պայմաններում` ապահովելով համագործակցության վճռականությունը, նկատի ունենալով համայն հայության բարեկեցության ու զարգացման ընդհանուր անվտանգության շահերը, որոշում են նոր հիմունքներով կառուցել իրենց հարաբերություները` նախաձեռնելով մի նոր ընթացք` ՀԱՅ(Ք)*:
2. ՀԱՅ(Ք)-ն ազգային վերածնության միջավայրն է: ՀԱՅ(Ք)-ն ընթացք է ազգամիության:
3. Այս նախագծի էությունը կայանում է` ազգային նշանակության խնդիրներն ուսումնասիրելու և լուծելու համար համայն հայության ջանքերը միավորելու մեջ:
4. Նախագծին կարող են միանալ բոլոր շահագրգիռ անձիք, ովքեր գիտակցում են հայ ժողովրդի հոգևոր վերածննդի, բարձրակենցաղ կյանքի կերտման անհրաժեշտությունը:
5. ՀԱՅ(Ք)-ը նոր տիպի և որակի գործընթաց է, որը կոչված է համախմբելու հայ ժողովրդի բոլոր խավերի ու շրջանակների ողջախոհությունն ու հայրենասիրությունն անկախ նրանց քաղաքական, կրոնական ու գաղափարական հայացքներից, հանուն ազգային գիտակցական վերածնության, համահայկական նշանակության խնդիրների լուծման և բարձրակենցաղ կյանքի կերտման:
6. ՀԱՅ(Ք)-ը հայության ամբողջական համահավաք և հայահավաք համակարգ է:
7. ՀԱՅ(Ք)-ը աշխարհով մեկ ցրված հայության միասնական Հայրենիք է, նոր տիպի և որակի առաքելություն կրող երկիր՝ Արարչապետական ՀԱՄԱՊԵՏՈՒԹՅՈՒՆ:
ՄԵՆՔ ՈՒԺԵՂ ԵՆՔ ՄԻԱՍԻՆ
---------------------------------------------------------------------------------------------
* սույն կենսականոնագրում ՀԱՅՔ-ը նկատի է առնված որպես աշխարհագրական տարածք՝ երկիր մոլորակը, իսկ փակագծով նշված ՀԱՅ(Ք)-ը՝ Հայեր՝ հայություն. (Ք)-ն հայերենում հոգնակի դարձնող տառն է. ՀԱՅ(Ք),
ԳԼՈՒԽ 1. ԿԵՆՍԱԿԱՆՈՆԱԳՐԻ ՀԻՄՈՒՆՔՆԵՐԸ /ՀԵՆՔԸ/
ՀԱՅՔ-ը համայն հայությանը Արարչի շնորհած Երկիր մոլորակ բնօրրանն է, իսկ Հայաստանը՝ հայրական օջախը:
Տիզերքն ընդունելով մի ամբողջական օրգանիզմ, իսկ այդ ամբողջական օրգանիզմի բնական մասերը՝ միգամածությունները (գալակտիկաները), որոնցից յուրաքանչյուրն էլ, որպես մի առանձին ամբողջական օրգանիզմ ունի իր բնական մասերը, որոնք անվանվում են ԱՐԵԳԱԿՆԱՅԻՆ ՀԱՄԱԿԱՐԳ:
Դա էլ մի ամբողջական օրգանիզմ է՝ իր արեգակով և իր մոլորակներով: Ավելորդ է ասել, որ Արարիչը ոչինչ չի ստեղծում իզուր ու աննպատակ, ուրեմն հստակ է, որ Արեգակնային համակարգի օրգանիզմում յուրաքանչյուր մոլորակ ունի իր որոշակի դերը, որով լրացնում և ամբողջացնում է այդ օրգանիզմը: Ուստի կենտրոնանալով Երկիր մոլորակի վրա՝ չենք կարող անտեսել որ Արեգակնային համակարգում այն ունի իր յուրահատուկ դերն ու նշանակությունը և այդ համակարգի մեջ ներկայանում է մի որակական ամբողջություն՝ բնական օրգանիզմ՝ իր մարդկային, կենդանական, բուսական և այլ մասերով: Եվ, անշուշտ, Երկրի օրգանիզմը այնքանով է առողջ ու կենսունակ, որքանով առողջ են նրա մյուս բնական մասերը և որքանով են նրանք գտնվում ներդաշնակ համակեցության մեջ:
Նույն տրամաբանությամբ առաջնորդվելով՝ մարդկությանը դիտարկում ենք մի ամբողջական օրգանիզմ: Այն էլ, իր հերթին բաղկացած է իր բնական մասերից՝ ցեղերից՝ որպես որակական ամբողջություններ, որոնք էլ իրենց հերթին տարբերվում են միմյանցից:
Մարդկային յուրաքանչյուր ցեղ՝ որպես օրգանիզմ նույնպես իր բնական մասերն ունի, որ կոչվում է ազգ: Ազգը մի բնական ամբողջություն է Ցեղի օրգանիզմի մեջ: Ազգը, որպես Ցեղի բնական մաս իր մեջ կրում է ցեղային ընդհանուր որակները: (Հայտնի է կան արիական ազգեր, սեմական ազգեր, չինական ազգեր, սլավոնական ազգեր և այլք):
Մեկ անգամ ևս հիշենք, որ Արարիչը ոչինչ չի ստեղծում իզուր ու աննպատակ, ուրեմն հստակ է, որ Ազգը լինելով իր Ցեղածառի բնական ճյուղերից մեկը, իր մեջ կրում է Ցեղածառի որակները և սնվում իր Ցեղածառից՝ ուստի կկորցնի իր կենսունակությունը՝ հեռանալով իր արմատներից: Այսինքն՝ ամեն մի Ազգ Ցեղի օրգանիզմում պետք է ներկայանա որակական ամբողջություն իր որակական հատկանիշներով: Ազգը Ցեղի մեջ իր բնական դերն ունի և պետք է ճշգրիտ կատարի այդ դերը, այլապես վերածվում է ժողովրդի, դադարում իր արարչական դերը կատարելուց:
Արարչական իր որակական դերն ունի Արի Ցեղը, որը որպես մարդկության ամբողջական օրգանիզմի բնական մաս, մեծ պատասխանատվություն է կրում Տիեզերքի առջև, քանզի իր բնական դերի ճշգրիտ կատարումից է կախված նաև մյուս բնական Ցեղերի բնական դերերի ճշգրիտ կատարումը:
Արի Ցեղը՝ Ար մենը, ինչպես անվանումն է հուշում՝ Արի, որ նշանակում է Արորդի՝ Արարչածին և արարող, փաստորեն Մարդկություն կոչվող օրգանիզմում արևի դեր է կատարում՝ սնելով օրգանիզմը արարումի ջերմությամբ, լույսով ու զորությամբ: Եվ այդ Արևի ինչ-ինչ չափի խավարումը դժվարացնում է կենաց ջերմությամբ սնել մյուս Ցեղերին, ուստի և խոչընդոտում է մյուս Ցեղերի բնական դերի ճշգրիտ կատարումը:
Իսկ Արի Ցեղի՝ Արմենի արմատն, անշուշտ, որտեղ այն աճում է կոչվում է Արարատ (արարման տեղ) և որին կարող են միանալ Ար մենները և որից էլ կարող են սնվել, այսուհետ կանվանենք Հայրական Օջախ:
Այսօր Արարատում ապրում է մեկ Արի ԱԶԳ, դա Արմեն –Հայն է: (աշխարհը Հայերին Արմեն է անվանում, Հայաստանը՝ Արմենիա):
Ըստ ավանդության՝ Արարիչը Արարատում արարել է առաջին երկրային Աստված Արիին: Եվ Արիից սերված սերունդները նրա անունով կոչվում են Արի կամ Արմեն՝ Արի մարդ՝ Արիներ:
Այսպիսով՝ և՛ Արմենը, և՛ Հայամարդը նույն իմաստն ունեն և նշանակում են մարդ-Աստված:
Այսպիսով Ար մենը Արի Ցեղածառի Արմատն է և ծնողը Արի Ազգերի, փաստորեն, նաև մյուս ազգերի՝ քանզի առաջին երկրայինը մարդը Ար մենն է: Ըստ այդմ, Արի Ազգերը ըստ էության ծագումով Հայեր են, քանզի Արարատից Արի-Հայերի տոհմից են տարածվել այլ ցամաքներ ու կազմավորել տարբեր Ազգային ամբողջություններ: Իհարկե, դարերի ընթացքում այդ Ազգերը ձեռք են բերել բավական տարբերիչ հատկություններ:
Ազգերը, լինելով Ցեղածառի ճյուղեր, աճելով իրենց արմատից, տարածվում են Հարաբերական Ցամաքի վրա և այս կամ այն հատվածում ծիլ են տալիս: Երկրի այն հատվածը, որտեղ ձևավորվում է Ցեղի Ազգը և որտեղ այդ Ազգի սկիզբն է, Ազգային Հայրենիքն է:
Ազգային Հայրենիքների և Ցեղային Բնահայրենիքի միաժամանակյա գոյությունը ոչ թե մերժում, այլ լրացնում և ամբողջացնում է Ցեղային օրգանիզմը: Եթե, օրինակ՝ Ար մենները Հարաբերական Ցամաքում կառուցում են իրենց Ազգային Տները, ապա Արարատը նրանց համար Հայրական օջախ է, (սա տարածվում է մնացած բոլոր Ցեղերի և Ազգերի վրա, քանզի մարդկության նախահայր է Արիացի /Արմեն/ ն): Եվ որքան Ար մենները զգում են իրենց Հայրական օջախը և որքանով կապված են նրա հետ, այնքան կենսունակ են, այնքան զորեղ են և այնքան ամբողջական են լինում:
Այսպիսով մարդկության նախահայր լինելով Ար մենի համար հայրենիք է հանդիսանում երկիր մոլորակը՝ ՀԱՅՔԸ, իսկ հայրական օջախ՝ Արմենիա-Հայաստանը:
Ուստի, Ար մենը որպես ավագը բոլոր ազգերի, առաջինը հենց ինքն է պատասխանատու մարդկություն կոչվող օրգանիզմի առողջացման համար և հենց ինքը՝ որպես Արմատ, պարտավոր է վերականգնել մարդկության ներդաշնակությունը, սկսելով իր առողջացման գործընթացը և ստանձնելով իր արարչական առաքելությունը:
ԳԼՈՒԽ 2. ԿԵՆՍԱԿԱՆՈՆԱԳՐԻ ԸՆԴՀԱՆՈՒՐ ԴՐՈՒՅԹՆԵՐ
1. Հայքը համայն հայության Երկիր մոլորակ բնօրանն է, իսկ Հայությունը՝ Հայքի (մոլորակի) բնիկները: Այլ խոսքով բոլոր Ար մենների համար Հայքը Հայրենիք է և հայրական օջախն է Հայաստանը, քանի որ բոլոր Ար մենների սաղմնային հայրենիքը գտնվում է Կենաց գոտում՝ Հայաստանում:
2. Ար մեն են բոլոր այն հայերը, ովքեր ընդունում են ՀԱՅ(Ք)-ի կենսականոնագիրը և առաջնորդվում դրանով:
3. Բոլոր Արմենները իրավունք ունեն հավասարապես օգտվելու ՀԱՅ(Ք)-ի հնարավորություններից՝ զարգացնելու իրենց այլազան ընդունակությունները Հանուն Հայքի՝ ունենալով ՀԱՅ(Ք)-ի կառավարության ողջ աջակցությունը մոլորակի նորագույն պատմության մեջ իրենց արժանի տեղն զբաղեցնելու հեռանկարով:
4. ՀԱՅ(Ք)-ն իր գործունեությունը ծավալում է՝ առաջնորդվելով սույն կենսականոնագրի գաղափարական դրույթներով, Հայքի տարածքային պետություններում (սփյուռքում) գործող իրավական նորմերի համադրումով:
5. ՀԱՅ(Ք)-ն ունի օրհներգ, դրոշ, դրոշմանիշ, պաշտոնաթուղթ և իր գործունեությամբ ու նվիրատվությամբ ձեռք բերված ֆինանսական միջոցները, համաձայն սույն կենսականոնագրի, տնօրինելու իրավունք:
6. Հայքի արարչապետությունը (ազգային պետությունը) Հայաստանն է, որի պետական սահմանադրությունը ժամանակի ընթացքում նույնպես պետք է բխեցվի սույն կենսականոնագրից:
7. Հայքի հիմնադիր արարչապետությունը ՝ Հայաստանը պետք է վերականգնվի Ի սկզբանե Արարչատուր աշխարհագրական տարածքներում և որպես Արարչական օրենքների երկիր:
8. Հայքի մայրաքաղաքը Տաթևն է:
9. Հայքի արարչապետության մայրաքաղաքը՝ Երևանը
10. Յուրաքանչյուր Ար մեն պարտավոր է ընդունել ՀԱՅ(Ք)-ի որդեգրած Արարչածին գաղափարական սկզբունքները, սույն կենսականոնագիրը և առաջնորդվի դրանցով:
11. Յուրաքանչյուր չափահաս Արմեն, ընդունելով սույն կենսականոնագրի դրույթները, իր դիմումի համաձայն ստանում է Հայքի Արարչապետության անձնագիր: (Անչափահասի համար պարտադիր է օրինական ներկայացուցչի երաշխավորությունը):
12. Հայքի Արարչապետությունում` բոլորն ունեն լիակատար ազատություն կրոնի, քաղաքական և այլ համոզմունքների հարցերում, եթե չեն խաթարում սույն կենսականոնագրի հիմնարար դրույթները:
13. Հայքի Արարչապետությունում` յուրաքանչյուր Ար մենի արժանիքներն ու արժանապատվությունը, անձնական ու ընտանեական կյանքը, Ար մարդու իրավունքներն ու պարտականությունները բարձրագույն արժեքներ են ու անձեռնամխելի:
14. Ար մենն իրավունք ունի՝
1. Ընտրելու և ընտրվելու ՀՎԿ-ի կազմում
2. Մասնակցելու Հայքի հանրաքվեներին:
3. Ներկայացնելու առաջարկություններ ՀՎԿ-ի աշխատանքների բարելավման, ՀՎԿ-ի գործունեության հետ կապված ցանկացած հարցի վերաբերյալ:
Ար մենը պարտավոր է՝
1. Կատարել սույն կենսականոնագրի, ՀՎԿ-ի ղեկավար մարմինների որոշումների պահանջները:
2. Կատարել սույն կենսականոնագրով սահմանված Հայքավճարը: (ազգային տուրք):
ԳԼՈՒԽ 3. ՀԱՅ(Ք)-Ի ՆՊԱՏԱԿՆԵՐԸ
ՀԱՅ(Ք)-ի նպատակներն ու խնդիրներն են՝
1. Համայն հայության՝ Արմենների միաբանումը՝ որպես հարազատ եղբայրներ, Ար մենների Աստվածային առաքելության վերստանձնումը ի նպաստ Երկիր մոլորակի՝ Հայքի վրա ապրող կյանքերի ներդաշնակեցման ու բարեկեցության:
2. Ապահովել ազգի անվտանգությունը՝ ապահով գոյությունն ու լինելիությունը,
3. Կենտրոնացված հնարավորություններով, մշակութային ու հոգևոր արժեքների գերակայությամբ՝ կազմակերպել տնտեսության բոլոր ոլորտների համաչափ ու հետևողական զարգացումը:
4. Իրականացնել համազգային համագործակցություն տնտեսական, սոցիալական, մշակութային համահայկական տարաբնույթ խնդիրների լուծման, ինչպես նաև իրար նկատմամբ հարգանքի տարածման և քաջալերման գործում՝ անկախ քաղաքական հայացքներից կամ դավանանքից:
5. Սույն կենսականոնագրով նախատեսված նպատակներն իրականացնելու համար ձևավորել Համազգային վստահության կառավարություն (ՀՎԿ):
ԳԼՈՒԽ 4. ՀԱՅ(Ք)-ի ԿԱՌԱՎԱՐՄԱՆ ՄԱՐՄԻՆՆԵՐԸ, ԴՐԱՆՑ ԻՐԱՎԱՍՈՒԹՅՈՒՆՆԵՐԸ, ԽՆԴԻՐՆԵՐԸ, ԳՈՐԾՈՒՆԵՈՒԹՅԱՆ
ՀԻՄՆԱԿԱՆ ՈՒՂՂՈՒԹՅՈՒՆՆԵՐԸ
1. ՀԱՅ(Ք)-ի գլխավոր մարմիններն են ՀԱՅ(Ք)-ի Վեհաժողովը, Իմաստունների պալատը , Նախարարների խորհուրդը , Կառավարությունը և Բարոյական ատյանը:
2. ՀԱՅ(Ք)-ն իր գործունեությունը ծավալում է հիմնավորապես ազգանվիրական և մարդասիրական զգացումով՝ Հայքաբնակների բարոյական շահագրգռվածության հիման վրա:
3. ՀԱՅ(Ք)-ի գերագույն ղեկավար մարմինը ՀԱՅ(Ք)-ի Վեհաժողովն է:
ա/ Վեհաժողով հրավիրվում է առնվազն տարին մեկ անգամ՝ հաստատելու ՀՎԿ-ի նախարարների խորհրդի ընդունած ՀԱՅ(Ք)-ի ռազմավարական ծրագիրը և լսելու Նախարարների խորհրդի նախորդ օրացույցային տարվա հաշվետվությունը:
բ/ արտահերթ Վեհաժողով կարող է հրավիրվել Ար մենների ձայների 1/3 ով:
Վեհաժողովն իրավազոր է՝
ա/ հաստատելու ՀԱՅ(Ք)-ի կենսականոնագիրը, դրանում կատարելու փոփոխություններ և լրացումներ:
բ/հաստատելու ՀՎԿ-ի Նախարարների խորհրդի ընդունած ՀԱՅ(Ք)-ի ռազմավարական ծրագիրը կամ հետ ուղարկելու այն:
գ/ Յուրաքանչյուր չորս տարին մեկ ընտրելու ՀՎԿ-ի Նախարարների խորհրդի նախագահություն, որոնք հաշվետու են ՀԱՅ(Ք)-ի Վեհաժողովին:
դ/ հաստատելու Ար մենների ամսավճարների (ազգային տուրք) չափը:
ե/ անվստահություն հայտնելու ՀՎԿ-ին
զ/ լուծելու …
Վեհաժողովի կազմը՝
ա. Վեհաժողովը միապալատ է և կազմված այնքան պատվիրակներից, որքան անհրաժեշտ կլինեն, որպեսզի Վեհաժողովի անդամների ընդհանուր թվում հավասարապես պահպանվի ՀԱՅՔԻ՝ տարածքային պետությունների /համայնքներ/ արդար ներկայացուցչությունը:
բ/ Յուրաքանչյուր տարածքային պետություն /համայնք/ ունի ոչ ավել քան երեք ներկայացուցիչ:
գ/ Յուրաքանչյուր տարածքային պետություն /համայնք/, ինքնավար է և ինքն է որոշում իր ներկայացուցիչ-պատվիրակների ներկայացման կամ հետ կանչման կարգը:
դ/ Վեհաժողովը ընտրում է նախագահություն չորս տարի ժամկետով:
Վեհաժողովի անցկացման կարգը՝
ա/ Վեհաժողովի յուրաքանչյուր նիստ և տվյալ նիստի օրակարգը նախապես /ավելի քան երկու ամիս առաջ/ պատշաճ կերպով ծանուցվում է յուրաքանչյուր պատվիրակի:
բ/ Յուրաքանչյուր նիստ սկսվում է պատվիրակների թվակազմի հաշվառումով:
գ/ Վեհաժողովի յուրաքանչյուր նիստ նախապատրաստում և համակարգում է Վեհաժողովի նախագահը իր երեք տեղակալների հետ միասին:
դ/ Վեհաժողովի որոշումներն ընդունվում են բաց քվեարկությամբ, Վեհաժողովին ներկա պատվիրակների ձայների պարզ մեծամասնությամբ, բացառությամբ ՀԱՅ(Ք)-ի կենսականոնագրում փոփոխություններ կամ լրացումներ անելու և ՀՎԿ-ին անվստահություն հայտնելու վերաբերյալ որոշումների, որոնց ընդունման համար պահանջվում է Բոլոր պատվիրակների ձայների առնվազն 75%-ը:
ե/ Վեհաժողովը պարտավոր է անցկացնել համաՀԱՅ(Ք)ական հանրաքվե՝ այն որոշումների ընդունման համար, երբ անհրաժեշտ է ձայների 75%-ը:
4. ՀԱՅ(Ք)-ի Վեհաժողովը ձևավորում է մշտական գործող Իմաստունների Պալատ՝ կազմված 8 կամ 12 անձից, ովքեր տիրապետում են խորքային գիտելիքների /էզոթերիկներ, պարահոգեբաններ, էպոսագետներ, արտառոց հատկանիշներով օժտված մարդիկ/:
Իմաստունների Պալատը՝
ա/ համաձայն Տիեզերքի օրենքների սահմանում և հիմնավորում է Ար մենի՝ Հայի համամարդկային առաքելությունը:
բ/ տալիս է Արմենի լատենտ ունակությունների և ներուժի բացման բանալիներ:
գ/ անմիջականորեն զբաղվում է ՀԱՅ(Ք)-ի կենսականոնագրի կատարելացմամբ ի նպաստ Արմենների կրթական, գիտական, ստեղծագործական, բարոյական և հոգևոր զարգացման…
բ/ մասնակցում է ՀՎԿ-նախարարների խորհրդի ռազմավարական ծրագրերի մշակման աշխատանքներին և ըստ անհրաժեշտության (ՀՎԿ-ի Նախարարների խորհրդի հրավերով):
գ/ կարող է միջամտել Արարչապետության բոլոր գործողություններին, կասեցնել ամեն մի ատյանի որոշում:
5. ՀԱՅ(Ք)-ի նախարարների խորհուրդը՝
ա/ Նախարարների խորհուրդը բաղկացած է բոլոր նախարարությունների նախարարներից:
բ/ Նախարարների խորհուրդը գործում է որպես` կառավարությունների մի համահավաք, որտեղ քննարկվում են ՀԱՅ(Ք)-ի առջև ծառացած խնդիրները և ձևավորվում վերոնշյալ խնդիրների համընդհանուր լուծումները:
գ/ Նախարարների խորհուրդը իր նիստերը հրավիրում է ոչ պակաս քան երեք ամիսը մեկ անգամ՝ քննարկելու նախարարությունների գործունեությունը, ընթացիկ իրավիճակները, հեռանկարային զարգացման խնդիրներ: Անհրաժեշտության դեպքում ՀԱՅ(Ք)-ի վեհաժողովի պահանջով կարող է հրավիրվել արտահերթ նիստ:
5.1. Նախարարների խորհրդի նախագահը՝
ա/ մարմնավորում է ՀԱՅ(Ք)-ի գործադիր իշխանությունը
բ/անձամբ ձևավորում է կառավարություն և իր աշխատակազմը:
գ/ ղեկավարում է ՀՎԿ-ի աշխատանքները, կազմակերպում նախարարությունների ներդաշնակ գործունեությունը:
դ/ մշակում և Վեհաժողովին է ներկայացնում ՀԱՅ(Ք)-ի տնտեսական զարգացման առաջիկա տարեկան ծրագիրը և բյուջեյի կատարումը:
ե/ տնօրինում է ՀԱՅ(Ք)-ի բյուջեն:
զ/ աշխատանքի է ընդունում և ազատում կառավարության հաստիքային աշխատողներին:
է/ կազմակերպում է ՀՎԿ-ի և նախարարների խորհրդի աշխատանքը և պատասխանատվությունկրում դրանց վիճակի և գործունեության համար:
ը/ հաշվետու է Վեհաժողովին:
6. ՀԱՅ(Ք)-ի Համազգային Վստահության Կառավարության՝ ՀՎԿ-ն`
ա/ նպաստում է Արմենների համակողմանի զարգացմանը, նոր սերնդի ազգային, բարոյական և համամարդկային արժեքների ոգով դաստիարակմանը, Հայքի հասարակական կյանքում սոցիալական դերի ակտիվության:
բ/ ներկայացնում է Արմենների շահերը և դրանց պաշտպանումը Հայքի տարածքային պետություններում և այլ մարմիններում:
գ/ միավորում է մարդկության ջանքերը՝ նպաստելու Հայքում սիրո և բարեկամական միջավայրի ապահովմանը:
6.1. Կենսականոնագրով սահմանված նպատակներին հասնելու և առաջադրված խնդիրների լուծման համար ՀՎԿ-ն իրավասու է՝
ա/ որոշելու իր կառուցվածքը
բ/ ստեղծելու ոլորտային նախարարություններ, գիտական ընկերություններ, կազմակերպելու համահայկական և միջազգային սեմինարներ, գիտաժողովներ, փառատոներ, ՀԱՅ(Ք)-ի առօրյան հագեցած և բովանդակալից դարձնող այլ միջոցառումներ:
դ/ կազմակերպելու համատեղ աշխատանք Հայքի տարածքային պետությունների իշխանությունների հետ, մասնակցելու դրանց կառավարմանը իր ներկայացուցիչ-պատվիրակների միջոցով:
դ/ Հայքում գործող այլևայլ պետությունների կառավարման որակի բարձրացման և գործունեության արդյունավետության վերաբերյալ նախապատրաստել առաջարկություններ և նպաստել դրանց ընդունմանն ու հետևողական իրականացմանը
ե/ մշակել նախագծեր՝ ՀԱՅ(Ք) հիմնադրամը լրացնելու համար
զ/ …
6.2. ՀՎԿ-ի կողմից կնքված ռազմավարական նշանակության պայմանագրերը և համաձայնագրերը վավերացվում են ՀԱՅՔ-ի Վեհաժողովի նախագահի կողմից:
6.3. ՀՎԿ-ի գործունեության սկզբունքները
ա/ Հայքի /մոլորակի/ շահի գերակայություն, գերագույն առաքինություն, նպատակի սրբազանություն, ստանձնած պարտականությունների կատարում, միմյանց նկատմամբ հարգանքի ու սիրո ապահովում՝ անկախ պաշտոնական կամ ստեղծագործական արժանիքներից:
բ/ ՀՎԿ-ն համագործակցում է բոլոր այն կազմակերպությունների հետ, որոնք գործում են հանուն Հայքի, հանուն մարդկության հոգևոր վերածննդի ու բարձրակենցաղ կյանքի կերտման:
6.4. ՀՎԿ-ի գործառույթները՝
ա/ Իմաստունների Պալատի աջակցությամբ իրականացնում է ՀՎԿ-ի կառավարումը և իրագործում Վեհաժողովի որոշումները:
բ/ Իմաստունների Պալատի օժանդակությամբ կազմում և ՀԱՅ(Ք)-ի Վեհաժողովին է ներկայացնում իր գործունեության տարեկան ծրագիրը, ներկայացնում նախորդ տարվա հաշվետվությունը, ՀԱՅՔ հիմնադրամի /բյուջեի/ մշակված տարբերակը:
6.5. ՀՎԿ-ն իրավունք ունի՝
ա/ միջնորդելու ԲԱՐՈՅԱԿԱՆ ԱՏՅԱՆԻՆ՝ կարգազանց անձանց նկատմամբ կիրառված կարգապահական տույժերն ու կիրառված միջոցները մեղմելու կամ …
բ/ հիմնելու ՀԱՅ(Ք)-ի բարձրագույն պարգևներ /շքանշան, մրցանակ…/, պատվավոր կոչումներ …
գ/ …
6.6. ՀՎԿ-ն պարտավոր է
ա/ համագործակցության եզրեր գտնել Հայրենի ֆորմալ պետության և Հայքի տարածքային պետությունների կառավարությունների հետ, նպաստել դրանց օրենսդրական փոփոխություններին ի շահ Հայքի /մոլորակի ներդաշնակության/:
բ/ աջակցել ՀԱՅ(Ք)-ի կենսականոնագրից բխող ծրագրերի իրականացմանը, անկախ նախաձեռնության հեղինակներից:
գ/ աջակցել յուրաքանչյուր Ար մենի դեմ կատարված ոտնձգություների, խախտված իրավունքների հարցում, անկախ նրանից Հայքի որ տարածքում է կատարվել և որ տարածքային պետության իրավասության տակ է գտնվում դա:
դ/ Ապահովել Ար մենների իրավունքների և պարտականությունների իրացումը:
ե/ դիմել ԲԱՐՈՅԱԿԱՆ ԱՏՅԱՆԻՆ կարգազանց Ար մենների նկատմամբ պատասխանատվության միջոցներ կիրառելու համար:
7. ՀԱՅ(Ք)-ի Բարոյական Ատյանը՝
7.1. Բարոյական ատյանը բաղկացած է տասնհինգ անդամներից, որոնցից
ա/ յոթը ՝ մշտական անդամներ (գեղագետ, բարոյագետ, մշակութաբան, հոգեբան, իմաստաբան, բժիշկ )
բ/ ութը՝ ոչ մշտական անդամներ (իրավաբան, սոցիոլոգ)
գ/ լուծում է սույն կենսականոնագրով իրեն իրեն վերապահված վիճելի հարցերը:
դ/ ՀԱՅ(Ք)- համակարգի այն քաղաքացին, որը պարբերաբար խախտում է սույն
կենսականոնագրում բովանդակող սկզբունքները, կարող է Բարոյական ատյանի հանձնարարականով վտարվել համակարգից. /որոշումը պարտադիր իկատարման է այդ քաղաքացու համայնքի ղեկավարության կողմից:
ե/ կասեցնել նրա իրավունքներն ու արտոնությունները: Այդ իրավունքներն ու
արտոնությունները կարող են վերականգնվել միայն Բարոյական ատյանի կողմից:
զ/ այն ընթացքում, երբ Բարոյական ատյանը որևէ վեճի կամ իրավիճակի առնչությամբ իրականացնում է սույն կենսականոնագրով իրեն վերապահված գործառույթները, ՀԱՅ(Ք)-ի ՀՎԿ-ն այդ վեճի կամ իրավիճակի վերաբերյալ չի կարող որևէ հանձնարարական ներկայացնել, եթե Բարոյական ատյանը չդիմի այդպիսի խնդրանքով:
ԳԼՈՒԽ 5. ՀԱՅ(Ք)-ի ԱՆՎՏԱՆԳՈՒԹՅԱՆ ԿՈՄԻՏԵ /ՀԱԿ/
1. Անվտանգության կոմիտեն բաղկացած է տասնմեկ անդամներից, որի կազմը նշանակում է ՀՎԿ-ի նախարարների խորհրդի նախագահը:
1.1. ՀԱԿ-ի պարտականությունները
ա/ ՀԱՅ(Ք)-ի անվտանգությունը, պատիվը, արժանապատվությունը և օրինական շահերը հակաիրավական գործողություններից պաշտպանելու նպատակով անհրաժեշտ միջոցառումների կազմակերպում:
բ/ զանգվածային միջոցառումների ժամանակ հակահասարակական արարքների և սադրանքների կանխարգելման ծառայության կազմակերպում, դժբախտ դեպքերի հետևանքով տուժած նաև անօգնական վիճակում գտնվող անձանց առաջին բժշկական կամ այլ օգնության ցուցաբերում:
բ/ Իր պարտավորությունները կատարելիս Անվտանգության կոմիտեն գործում է
ՀԱՅ(Ք)-ի նպատակների ու սկզբունքների համաձայն: Այդ պարտավորությունները կատարելու համար Անվտանգության կոմիտեն անհրաժեշտությունից դրդված կարող է համագործակցել Տարածքային պետության ֆորմալ իրավապահ մարմինների հետ:
գ/ Մշակում է իր կանոնակարգը որն հաստատվում է Վեհաժողովի կողմից:
ԳԼՈՒԽ 6. ԱՅԼ ՀՐԱՏԱՊ ՆԱԽԱՐԱՐՈՒԹՅՈՒՆՆԵՐ ԵՎ ԿԱՌՈՒՅՑՆԵՐ
1. Համազգային խնդիրների նախարարություն
2. Արտակարգ իրավիճակների նախարարություն
/Արագ արձագանքման խմբեր՝ ՀԱՅ(Ք)-ի համայնքների /քաղաքացիների/ խնդիրներին:
ա/ շտապ բուժ օգնություն , բ/շտապ տեխնիկական սպասարկման ծառայություն
գ/ փրկարար ծառայություն և այլն
3. ՀԱՅ(Ք)-ի օրինապահության նախարարություն
Կարգազանց Հայքեցիների նկատմամբ Բարոյական ատյանին միջնորդելու կարգով կարող է կիրառվել`
1.նախազգուշացում
2.զգուշացում
3.նկատողություն
4.տուգանք
5.խիստ նկատողություն
6. անցանկալի անձ-ի հայտարարում:
7. ՀԱՅ(Ք)-ի քաղաքացիությունից զրկում:
4. Լուսավորության նախարարություն
(մշակում է մանկապատանեկան հայեցի դաստիարակության հայեցակարգ, հիմնում անվճար մանկապարտեզներ արվեսի և արհեստագործական դպրոցներ)
5. Ազգային մշակույթի, գիտության և կրթության նախարարություն
(մշակել մշակութային –գիտա-կրթական ազգային հայեցակարգ)
Հիմնել՝
ա/ Ազգային արվեստների կենտրոններ, պատկերասրահ-լաբորատորիաներ,
Արհեստների դպրոց
բ/ Մանկապատանեկան Դյուցազնադպրոց
գ/ Գիտա-կրթափորձարարական արտադրամաս
դ/ էքստրասենսոր օժտվածների դպրոց-ակումբ:
6. Մասայական միջոցառումների, ազգային ծեսերի նախարարություն
7. Առողջապահպանության նախարարություն
(մշակում է համազգային ֆիզիկական և հոգևոր առողջացման հայեցակարգ, ստեղծում ուսումնական և հոգե-մարմնակրթական համապատասխան կառույցներ)
8. Ամբարի նախարարություն
(<<Գանձարան>> որտեղ ամբարվում են ինչ հնարավոր է ազգային ծեսերի այլևայլ տոնակատարությունների, բարեգործությունների նպատակով)
9. Ազգային Տնտեսության նախարարություն
(Մշակում և կազմակերպում է տնտեսական ինքնակազմակերպման այնպիսի համակարգ, որտեղ հիմնականում ՀԱՅ(Ք)-քաղաքացիներն են առևտրատնտեսական հարաբերություներ հաստատում միմյանց հետ):
10. Սոցիալական հարցերի նախարարություն /սոցապ, առողջապահություն, աշխատանք, բնապահպանություն/
(Կարգավորում է սոցիալական ապահովվածության, առողջապահության, Հայքեցիների աշխատանքի տեղավորման հարցերը):
11. Արտաքին կապերի նախարարություն
12. Ֆինանսների նախարարություն (բյուջե, նվիրատվություններ, գործարարու-թյան ֆինանսավորում, վարկավորում, աջակցություն)
(ՀԱՅ(Ք)-ի ֆինանսական միջոցները գոյանում են ամսավճարներից, նվիրատվությունից, տնտեսական գործունեությունից):
13. ՀԱՅՔ հիմնադրամ
14. <<ՀԱՅՔ>> համահայկական հեռուստատեսություն
ՀՎԿ-ն լիազորված է ստեղծել նաև այլ օժանդակ մարմիններ, որոնք նա անհրաժեշտ կհամարի իր գործառույթներն իրականացնելու համար:
ԳԼՈՒԽ 7. <<ԽԱԽՏՈՒՄՆԵՐ ԿԱՏԱՐԱԾ ՀԱՅ(Ք)-ի ՔԱՂԱՔԱՑԻՆԵՐԻՆ ՊԱՏԱՍԽԱՆԱՏՎՈՒԹՅԱՆ ԵՆԹԱՐԿԵԼՈՒ ԿԱՐԳԸ
1. Խախտումներ կատարած ՀԱՅ(Ք)-ի քաղաքացիներին պատասխանատվության ենթարկելու լիազորությունները տրված են Բարոյական ատյանին, որը լսելով կարգազանց անձի բացատրությունը որոծում է նրան պատասխանատվության ենթարկելու հարցը և տույժի չափը.
ա/ նախազգուշացում
բ/ զգուշացում
գ/ նկատողություն
դ/ տուգանք
ե/ <<անցանկալի անձ>>-ի հայտարարում՝ ՀԱՅ(Ք)-ի քաղաքացիությունից զրկում:
2. Պատասխանատվության միջոցներից մեկը տուգանքն է, որի չափը որոշվում է յուրաքանչյուր անգամ՝ կատարած արարքի աստիճանով՝ անհատականացման սկզբունքով:
3. Եթե ՀԱՅ(Ք)-ի քաղաքացին ՝/ անկախ ՀԱՅ(Ք)-ում զբաղեցրած դիրքից/ իր պարտականությունների կատարման ընթացքում ՀԱՅ(Ք)-ի ն վնաս է պատճառում (ապրանքը փչացնելու, գույքը ջարդելու կամ գործնական անտարբերության հետևանքով), ապա նա պետք է այն փոխհատուցի:
4. Ողջամիտ ժամկետում տուգանք չվճարելու և պատասխանատվությունից խուսափելու դեպքում, կարգազանց անձը Բարոյական ատյանի կողմից հայտարարվում է <<անցանկալի անձ>> և ենթարկվում է ՀԱՅ(Ք)-ի պարսավանքի:
5. <<անցանկալի >> հայտարարված անձը զրկվում է ՀԱՅ(Ք)-ի քաղաքացիությունից:
6. ՀԱՅ(Ք)-ի այն քաղաքացին, որը վճարվող անդամավճարի (Ազգային տուրք) պարտքեր ունի, զրկվում է որոշակի արտոնություններից , եթե պարտքերի գումարը հավասար է վերջին վեց ամսվա համար այդ քաղաքացուց ստանալիք անդամավճարի ընդհանուր գումարին, եթե գերազանցում է այդ գումարի չափը ապա կարող է ենթակվել պատասխանատվության, եթե վերջինս չհիմնավորի, որ ուշացումը տեղի է ունեցել իրենից անկախ հանգամանքների բերումով:
ԳԼՈՒԽ 8. ՀԱՅ(Ք)-ի ԲՅՈՒՋԵՆ ԵՎ ԴՐԱ ՕԳՏԱԳՈՐԾՄԱՆ ԿԱՐԳԸ
1. ՀԱՅ(Ք)-ն իր գործունեությունը ծավալում է հիմնականում ազգանվիրական սկզբունքներով՝ իր քաղաքացիների թե՜ բարոյական, թե՜ մասնագիտական շահագրգռվածության հիման վրա:
2. Առաջին ֆինանսավորումը դա՝
1. Ազգային տուրքն է
ա/ դեռևս աշխատանք չունեցողը՝ ամսեկան 500 դրամ
բ/ յուրաքանչյուր աշխատողի աշխատավարձի 2 % -ի չափ:
Առաջին և երկրորդ կետերը պարտադիր են յուր. Ար մենի համար:
2. նվիրատվություններ գույքի և այլնի տեսքով:
3. բիզնես եկամուտներ, ՀԱՅ(Ք)-ի ստեղծածով:
4. հանգանակություններ:
3. Բյուջեյից ստեղծվում են հետևյալ հիմնադրամները, ուր եկամուտները բաշխվում են նշված տոկոսաչափերով՝
• ՀԱՅ(Ք)-ի սոցիալ-տնտեսական զարգացման հիմնադրամ ------ %
• Կրթության և մշակույթի զարգացման հիմնադրամ ------ %
• Միջոցառումների կազմակերպման հիմնադրամ -------- %
• Ընթացիկ ծախսերի հիմնադրամ ------- %
•
•
ՀԱՅ(Ք)-ի ընդհանուր կառույցը
ՀԱՅ(Ք)-ի տարածքային պետություններն են Հայքի /մոլորակի/ բոլոր պետությունները և ինքնավար հանրապետությունները, որտեղ և ՀԱՅ(Ք)-ը կունենա համայնքներ:
Հայքի արարչապետությունը ՝ Հայաստանը:
ՀԱՅ(Ք)-ն իր տարածքային պետություններում ձևավորում է (ոչ ֆորմալ) կառավարություն, որի գործունեությունը անմիջապես համակարգում է Հայքի արարչապետության (ոչ ֆորմալ՝ Համազգային Վստահության Կառավարությունը՝ ՀՎԿ) կառավարությունը:
ԳԼՈՒԽ 9. ՀԱՅ(Ք)-Ի ԵՎ ՆՐԱ ՔԱՂԱՔԱՑՈՒ ՍԿԶԲՈՒՆՔԱՅԻՆ ՎԱՐՔԱԿԱՆՈՆՆԵՐ
ՀԱՅ(Ք)-ի ներքին հարաբերությունները կարգավորվում են սույն վարքականոնի միջոցով `
1. Կյանքը հավիտենական արժեք է: Հայքում բոլոր կենսակիրների ներդաշնակ համակեցությունը վեր է ամեն ինչից, բոլոր կենսակիրներից՝ մարդը, գերարժեք է:
2. Բոլոր մարդիկ եղբայրներ են, քանի որ սերում են միևնույն նախահորից, և միմյանց հանդեպ վարվում են որպես եղբայրներ:
3. ՀԱՅ(Ք)-ը առաջնորդվում է <<Մեկը բոլորի համար, բոլորը՝ բոլորի>> նշանաբանով: ՀԱՅ(Ք)-ի խնդիրը բոլոր Ար մենների խնդիրն է, որևէ Ար մենի խնդիրը բոլորի խնդիրն է:
4. ՀԱՅ(Ք)-ում գործում է միայն մեկ` համամարդկային մարդասիրական Աստվածատենչ գաղափարասածություն:
5. Յուրաքանչյուր Ար մեն հավասարապես պետք է կրի և՛ պատասխանատվությունը, և՛ հեղինակությունը, և՛ հարգանքն ու պատիվը:
6. Անընդունելի են Ար մենի դաժանությունը, ագրեսիան, չարությունը, նախանձը, ստախոսությունը, բամբասելը, փնթփնթալը, դժգոհություններ տարածելը…
7. Ար մենին հարիր է ազնվությունը, բարությունը, գթասրտությունը, կարեկցությունը…
8. Սույն սկզբունքային վարքականոնի խախտումների դեպքերում հարցերը լուծվում են Բարոյական ատյանի միջոցով:
9. Յուր. Ար մեն մեկ այլ Ար մենի հետ սույն վարքականոնականոնի շրջանակներում վեճ ունենալու դեպքում անձամբ կարող է դիմել Բարոյական ատյան:
10. ՀԱՅ(Ք)-ը տեր է յուրաքանչյուր Ար մենի և պաշտպան է նրա դեմ կատարված ոտնձգություների, խախտված իրավունքների հարցերում, անկախ Հայքի որ տարածքում է կատարվել և որ տարածքային պետության իրավասության տակ է գտնվում դա:
ԳԼՈՒԽ 10. ԱՆՑՈՒՄԱՅԻՆ ԴՐՈՒՅԹՆԵՐ
1. Մինչ ՀԱՅ(Ք)-ի սույն կենսականոնագիրը Հանրաքվեի միջոցով ուժի մեջ մտնելը <<Հանուն Հայրենիքի, Հանուն Հայքի>> համահայկական շարժումը ծրագրին համահայկական հնչեղություն տալու անհրաժեշտությամբ կազմակերպում է
ա/ հանդիպումներ, քննարկումներ, ասուլիսներ, կլոր սեղաններ…
բ/ ըստ համայնքների հավաքագրում /հայտադիմում-գրանցաթերթիկների լրացմամբ/ համախոհների, ձևավորում ՀԱՅ(Ք)-ի Վեհաժողովի պատվիրակություն
գ/ համախոհների հետ մշակում ՀԱՅ(Ք)-ի համայն հայությանը ուղղված ուղերձ-հռչակագիրը
դ/ երեքհարյուր թվակազմ գրանցված համխոհների առկայության դեպքում հրավիրում Վեհաժողով, հռչակում ՀԱՅ(Ք)
դ/ ՀԱՅ(Ք)-ի հռչակումից հետո կազմակերպում համա ՀԱՅ(Ք)ական հանրաքվե սույն կենսականոնագիրն ընդունելու վերաբերյալ
ե/ Ձևավորում ՀԱՅ(Ք)-ի կառավարություն
2. Մինչև սույն կենսականոնագրի ընդունումը , Համազգային վստահության կառավարության ձևավորումը, ոչ ոք իրավունք չունի հանդես գալու ՀԱՅ(Ք)-ի անունից , որևէ անձ չի կարող ունենալ ՀԱՅ(Ք)-ի անունից խոսելու օրինական և բարոյական իրավունք։
_________________________________________________________--
Կենսականոնագիրը կազմեց և համազգային քննարկման ներկայացրեց ՆԱՌ-ը
Присоединяйтесь к ОК, чтобы подписаться на группу и комментировать публикации.
Комментарии 1