Предыдущая публикация
Աշխարհում պիտի լինի գոնե մեկը, ով կկարողանա քո մեջ տեսնել այն ամենը, ինչը դու գուցե երբեք էլ չտեսնես կամ չցանկանաս տեսնել, իսկ տեսնելուց հետո չհամարձակվես ու չցանկանաս ընդունել...
Աշխարհում պիտի լինի մեկը, ով կտեսնի քո սխալներն ու կփորձի ուղղել, ոչ թե գլուխն ավազի մեջ թաղել...
Պիտի լինի մեկը, ով մյուսների նման աչք չի փակի սխալիդ վրա ու գլուխդ շոյելով մինչև լույս չի գովի, չէ որ եթե մոր քաղցր լեզուն չլիներ ձու գողացող որդին ձի չէր գողանա ու մահապատժի ենթարկվեր: Ինքնաքննադատությունը հասունացնում է մարդուն, իսկ ճիշտ պահին ստացած ապտակը սթափեցնում ու հեռու պահում սխալ ուղուց, որովհետև մարդը սխալական է, իսկ անտեղի գովքը նրան տանում է կործանման...
Աշխարհում պիտի լինի գոնե մեկը, ով կաղոթի հավերժությանդ համար, ով ոչ թե խոսքով քեզ լավը կցանկանա, այլ դաղով ցույց կտա լավի տեղը, ով կսովորեցնի տարբերել դաղերը` խաղերից...
Следующая публикация
Комментарии 1