Գիշերներս երկարել են մամ , բայց քո ոտքին գլուխս դնելով չեմ երկարացնում գիշերս , այլ քեզ պես ես էլ իմ փոքրիկին եմ խնամում ....
Հասկանում եմ քեզ մամ , հասկանում եմ , թե ինչ ես զգում ու զգացել ամեն անգամ երբ ինձ տեղ է ցավել , հասկանում եմ ինչ դժվար օրեր ես ունեցել հենց իմ պատճառով , քանի անքուն գիշեր ու անհանգիստ օրեր ես ունեցել ինձ համար, մամ ....
Սկսել եմ հասկանալ , թե ինչի հանգիստ չէիր նստում , ինչի քո մասին չէիր մտածում , անգամ հիվանդ ժամանակ դու քեզ հիվանդ չէիր համարում մամ , հասկացել եմ , որ դու ժամանակ չունեիր քեզ խնամելու համար .... մամ, մենք քո ժամանակը մեզանով էինք արել ։
Տարիները անցան.... օրերը գնացին ու մենք մեծացանք .... մենք մեծացանք բոլորի համար, բայց ոչ երբեք Քո , դու նորից մեզ խնամելու մասին ես մտածում , դու նորից մեր հաց ուտել ու տաք հագնվելու մասին ես մտածում մամ ու քեզ խնամելու ժամանակ նորից չունես ....
Ախ , իմ մամ ... իմ նուրբ ու միշտ ուժեղ մամ ջա՜ն ....այս ամենը հասկացա միայն այն ժամանակ, երբ ես ինքս էլ մայր դարձա, երբ իմ մասին մտածելու ժամանակ չունեցա, երբ կարևորեցի մի միայն երեխայիս խնամքը, գիշերներս կորցրեցի երեխայիս հանգիստ քունը ապահովելու համար ... ես մայր դարձա , բայց քեզ համար միշտ նույն փոքր աղջիկն եմ , քո անպաշտպան ու օգնությանդ կարիքը ունեցողը, ես չմեծացա քո համար , դու նորից ամեն օր ու ժամ մտածում ես իմ մասին ` հաց կերել եմ, թե չէ, տաք եմ հագնվել , քնել եմ ... մամ ես քեզ սիրում եմ շատ ....
Մամ, ուզում եմ գլուխս դնեմ ծնկիդ ու կտրվեմ ամեն ինչից , որ գամ մոտդ ու վերջ ` աշխարհն արդեն իմն է.... ես ուզում եմ ձեռքերդ նորից համբուրեմ , քեզ գրկեմ ու քնեմ , մամ .... ճիշտ է , մեծացել եմ , բայց մամ, ես քո փոքրն եմ չէ ? Գրկիր ինձ , համբուրիր ճակատս, խաղա մազերիս հետ, այնքան `մինչև գտնեմ խաղաղ քունս , իսկ դու .... ես գիտեմ , որ դու չես քնի, ու կանես ամեն բան, որ իմ քունը հանգիստ լինի , կանես ամեն ինչ, որ խաղաղվեմ հենց քո համբույրից , հենց քո գրկում , հենց քո սրտի տակ մամ, իմ մամ ջան ....
Ես քո փոքրն եմ ....գրկի ինձ ու ասա բարի լույս...
Присоединяйтесь к ОК, чтобы подписаться на группу и комментировать публикации.
Нет комментариев