თავი 24.
Გაბრაზებული დავითი თავის გულუბრყვილობას დასცინოდა. ვერ წარმოედგინა, რომ სიკეთე და კაცთმოყვარეობა , ბოლოს თვითონ მას გაამწარებდა .დავითს ბევრჯერ უფიქრია ლელაზე,მის დარდზე და სიყვარულზე შვილის მიმართ.ის
არასდროს იკადრებდა ლელას შეწუხებას და უხეშ ჩარევას შვილთან ურთიერთობაში.
რადგან ლელას ის აღმზრდელ დედათ თვლიდა, ამიტომაც ყოველთვის მისი მადლიერი იყო. არ უნდოდა ამ ქალის მიმართ უმადური ყოფილიყო ,რადგან მან სანაქებო შვილი გაზარდა.მაგრამ მდგომარეობა სულ სხვანაირად შემობრუნდა თავის გულუბრყვილობით და სიკეთით შვილს კარგავდა ,რომელიც დედამ მოტყუებით წაიყვანა საზღვარგარეთ და არავინ იცოდა რამდენ ხანს და რა მოხდებოდა ამის შემდეგ. ყველაზე ძლიერ ის ამწარებდა ,რომ ამ საქმეში მანუჩარი
იყო გარეული და შურისძიების მსხვერპლი მისი შვილი .მას არაფრად მიაჩნდა ის ,რომ მანუჩარს ლელა მოეწონა და მასთან უნდოდა სასიყვარულო ხრიკების გაბმა, მაგრამ რა შუაში იყო აქ გიორგი,ვერ წარმოედგინა.მანუჩარს უნდოდა ერთი გასროლით ორი კურდღელის მოკვლა , დაპატრონებოდა ლელას და შური ეძია დავითზე.გამწარებული დავითი ადგილს ვეღარ ვპოულობდა, ახლა უკვე მისთვის სულერთი იყო ლელას დედობრივი გრძნობაც და მის მიმართ მადლიერი დამოკიდებულებაც. დავითი ამ ბოროტებას არავის აპატიებდა, მისი შვილი სათამაშო არ იყო ვიღაცეების ხელში ,მას უნდა დაბრუნებინა შვილი და
ლელა მის თვალში უკვე აღარაფერს წარმოადგენდა. გადაწყვიტა ყველა ღონე ეხმარა,რათა საფრანგეთში წასულიყო და შვილი დაებრუნებინა. ამ საქმეში დამხმარედ ლაშა ეგულებოდა ,რომელიც ძმასავით ამოუდგებოდა მხარში და ყოველ ღონეს იხმარდა მისთვის შვილი დაებრუნებინა.დიდი იმედი ჰქონდა მარიამისა, რომელიც გაუგებდა უთანაგრძნობდა და გვერდში დავუდგებოდა.გადაწყვიტა საბოლოოდ თავისი ბედი მარიამისთვის დაეკავშირებინა,რადგან ახლა ძნელი და გაუსაძლისი იყო მარტოობა,მარიამის სითბო და ადამიანური გაგება სჭირდებოდა მის მარტოსულ ცხოვრებას . დათა პატარა ბიჭივით იყო შეყვარებული და ერთი წუთით აღარ უნდოდა ამ ქალის გარეშე ცხოვრება. ერთერთი შეხვედრის დროს ლაშასთან ,ისევ წამოიწყო საუბარი ნიშნობაზე.
--ლაშა შენი იმედი მაქვს,მირჩიე რამე,პატარა ბიჭი ხომ არ ვარ ისევ ისევ პაემნებზე ვიარო,და სადარბაზოებში ველოდო ჩემს საყვარელ ქალს. დამეხმარეთ ,მინდა მარიამის ხელი ვითხოვო და ხელის მომკიდეთ მინდა დაგპატიჟო. მარიამს ხომ არავინ ყავს ამიტომ მინდა მისი ხელი შენ და მის დაქალებს ვთხოვო. ლაშას გაეღიმა და პატარა ბიჭივით აწურული დავითი მეგობრულად დაამშვიდა.
--კარგით ყმაწვილო ამ ყველაფერს მარიამს გადავცემ და პატარა სუფრაზე გადავწყვეტთ მოგცემთ თუ არა ქალს. -გაეცინა ლაშას და დავითი მკაცრად აათვალიერ-ჩაათვალიერა.ერთი კვირის შემდეგ მარიამთან საოჯახო სუფრაზე ელისოს და ლალის დავითმა და ლაშამ მარიამის ხელი სთხოვეს და ,როგორც ელისო ამბობდა დედოფლის საკადრისი ნიშანიც მიიღეს .დავითმა ბაჯაღლოს ნიშნობის რგოლი ბრილიანტის სამეული და ძვირფასი საგვარეულო სანაჯური მიართვა მარიამს და ისეთი მოწიწებით სთხოვა ცოლობა ისეთ ლამაზი და რომანტიკული გარემო შეიქმნა ხელის თხოვის დროს თითქოს ყველა სუნთქვა შეკრული ელოდებოდა მარიამის პასუხს და როდესაც მარიამმა გაიღიმა და ხელის ლამაზი მტევანი დათას გაუწოდა ,სუნთქვაშეკრულ ელისოს აღელვებისგან თავბრუ დაეხვა და სკამზე მიესვენა. ყველას შეეშინდა ლაშამ აღარ იცოდა რა ექნა და შეშინებულმა სამზარეულოდან წყალი მოიტანა და ელისოს შეშინებული თვალებით შესცქეროდა.
--ეხლავე სასწრაფოს გამოვიძახებ,რა მოუვიდა ეს ბოლო ერთი თვეა სულ გული უხდება ცუდად და როცა გონზე მოდის ჩემი დანახვა არ უნდა. ჩაილაპარაკა შეშინებულმა ლაშამ და ელისოს ხელი გულზე მიიკრა.
--ელისო ბავშვს ელოდება. -ჩაილაპარაკა მარიამმა და თავი დახარა.
--რა ,რას ამბობ ,ბავშვს ელოდება? წამოიძახა ლალიმ და ელისოს წინ მუხლებზე დადგა და ცრემლიანი თვალებით მიაცქერდა.--ელო საყვარელო თვალი გაახილე ნუ გვაშინებ მართლა გამოიძახეთ სასწრაფო ,რა უაზროდ მიყურებ?- შესძახა ძმას ლალიმ, დაბნეულმა ლაშამ კი ტელეფონზე სასწრაფოს ნომრები აკრიფა და ყურმილი მარიამს მიაწოდა,რომელმაც სასწრაფო ეკიპაჟი გამოიძახა.
--როდის აქეთია ,რომ ეს იცით?
ხმა აუკანკალდა ლაშას.
--ორი კვირეა იცის და მერე შენი ცოდნა ,არ ცოდნით რა შეიცვლება.?
თვალები გაახილა ელისომ და ისეთი ხმით იკითხა ლაშა გაშრა შეეშინდა ახლა ელისო ისეთ რამეს ეტყოდა ,რასაც არასდროს ელოდა მისგან.
--დაფიქრდი ელო ასე, რომ არ გამხდარიყავ აქამდე არ უნდა მცოდნოდა.-ვერ წყნარდებოდა ლაშა.
--კარგი გაიგე მერე რა გნებავს ვაჟბატონო რას გვიბრძანებთ ერთი. შენ ამ ბავშვთან არაფერი გესაქმება ის ჩემი შვილია და არც გაბედო რამე ისეთი თქვა ,რაც ჩემს შვილს შეურაცხყოფს. -ისე გაუმკაცრდა ხმა ელისოს დაჭრილ ვეფხვს დაემსგავსა.
--დამშვიდდი ელო ,შენი ნერვიულობა არ შეიძლება საყვარელო ,ჩემო დედიკო, ჩემო ლამაზო-ეფერებოდა ლალი და პატარა ბავშვივით ტიროდა.ლაშა და დავითი ერთმანეთს დაბნეულები შესცქეროდნენ.
--ნუთუ მე ღირსი არ ვიყავი მცოდნოდა ,რომ მეც მეღირსა მამობა.?
--არ იყავი ყმაწვილო და ეხლა კარგად დაიმახსოვრე ვიღაცის ქმარი ,ჩემი ძმისშვილის მამა ვერ იქნება.-ხმა გაუმკაცრდა ლალის და ძმას გაბრაზებულმა შეხედა.
გამოძახებული მედპერსონსლი ოთახში შემოვიდა და ელისოს წნევა გაუზომეს.
--წნევა ძალიან დაბალია ამას გამოუწვევია თავბრუსხვევა.-ჩაილაპარაკა ექიმმა.
--ექიმო ის ფეხმძიმედ არის.და ეს წნევის დავარდნაც ამის ბრალია.-
--რამდენი ხნის ხართ,ეს ცუდად გახდომის პირველი შემთხვევაა.-იკითხა ექიმმა და ელისოს მიაცქერდა .
--უკვე მეორე თვეში ვარ -ჩაილაპარაკა ელისომ და თვალები დახუჭა.
--მაშინ მე ვერაფერს გაგიკეთებთ პირდაპირ გადაგიყვანთ გინეკოლოგიაში. ეს მათი კომპეტენციაა ორი თვე უკვე საყურადღებოა, უკვე ექიმის მეთვალყურეობის ქვეშ უნდა იყვეთ. მოდი გაამზადეთ პატიენტი და წავიყვანთ.
--კარგით ექიმო ,თქვენ გადაიყვანეთ და ყველაფერს იქ მოვიტანთ.- ლაშა დაბნეული შესცქეროდა ექიმებს დ ელისოს და აღარ იცოდა რა ექნა.- ლალი შენ და ლაშა გაჰყევით , მე და დავითი ყველაფერს წამოვიღებთ.
ელისო წაიყვანეს,ლალი და ლაშა სასწრაფოს გაჰყვა.
--მარიამ ნუთუ შენ იცოდი ეს ყველაფერი. -გაკვირვება გაისმა დავითის ხმაში.
--ვიცოდი დავით და ისიც ვიცი,რომ ელო ამერიკაში მიდის ერთი თვის შემდეგ.
--რას ამბობ მარიამ ნუთუ ისე მიდიოდა ლაშას არ ეუბნეოდა?
--არა დავით, არ ეუბნეოდა და მართალიც იყო,ხედავ ლალიმ რა უთხრა ლაშას,სხვისი ქმარი ჩემი ძმისშვილის მამა ვერ იქნებაო.სწორეა ლალი ,ვერ იქნება.
ამდენი წელია ერთად არიან და ამ ხნის მანძილზე ,ისევ იმ გატუტუცებულ ქალთან ცხოვრობდა და სულაც არ ფიქრობდა ელისოს ბავშვზე.ეს კარგად იცის ელისომ და
სულაც არ აპირებს სამადლო ქმარი ჰყავდეს. ამიტომ ამერიკაში მიდის სამსახურიც და სახლიც ელოდება. ეს ყველაფერი ბედის ამბავია თორემ,ისე წავიდოდა ამერიკაში ელო საერთოდ ვერაფერს გაიგებდა შენი ლაშა.-გაბრაზებას ვერ მალავდა მარიამი.
--ვერ გცნობ მარიამ ნუთუ მამას შვილს უმალავდით. ?
--ვუმალავდით,რადგან მაგ ბავშვის ღირსი არ არის.ის დედაა და თავის პატარას არვის დააჩაგვრინებს.
--ნუთუ ლაშას ხელში დაიჩაგრება?-იკითხა გაკვირვებულმა დათამ.
--დაიჩაგრება დათა იმ წუთიდან დაიჩაგრება ,როცა ლაშას გაქსუებული მეუღლე დამცინავად ნაბიჭვარს დაუძახებს.-ცრემლი გაერია მარიამს ხმაში.
--ე.ი.შენ იძახი ლაშამ ოჯახი უნდა დაანგრიოს?
--მისი ოჯახი დიდი ხანია დანგრეულია .ის მაშინ დაინგრა, როცა პირველი აბორტი გაიკეთა იმისთვის სენ- ტროპეში წასულიყო და სამუდამოდ უშვილობისთვის გასწირა თავი.მაშინ ლაშას ბებომ თინამ გადაარჩინა,
მეორედ მაშინ დაინგრა,როცა ლალის უხეშად განუცხადა ეგ სამაჯური ხელზე რომ გიკეთია მე მეკუთვნის ,რადგან საგვარეულოაო.მერე კი ის სამაჯური დუბაიში იმიტომ გაყიდა ერთი ჩემოდნით მეტი ტანსაცმელი ეყიდა.
კი/გეთანხმები დიდი ხანია მათი გზები გაიყარა მაგრამ შვილს სუფთა გარემო სჭირდება.,როგორ ფიქრობ გიორგის, რომ დავიბრუნებთ ცოტა მაინც არ უნდა შევიცვალოთ . ბიჭს ისეთი სუფთა აურა უნდა დახვდეს სახლიდან გარეთ გასვლა კი არ უნდა უხაროდეს უნდა ეზარებოდეს, რადგან სახლში თავისები უნდა ეგულებოდეს. შვილისთვის ნამდვილი ერთგული ძლიერი და მოსიყვარულე მამა უნდა იყო და არა
მწარმოებელი ,რომელთა სპერმა საყინულეში ინახება.დათა თავდახრილი უსმენდა და გრძნობდა,
მარიამი მართალი იყო. მას კი ეგონა ,რომ მარტო თვითონ დადიოდა მოუგვარებელი და დაუწყობელი ცხოვრებით,რომელსაც მარტო სევდა და ტკივილი მოჰქონდა .აი ლაშა ეს დარდიმანდი,საქმის მცოდნე და უღალატო მეგობარიც გახვეული იყო სასიყვარულო სკანდალში და ,როგორ გავიდოდა ამ აბდა უბდიდან ვერ წარმოედგინა.
--მარიამ იმდენი ვილაპარაკეთ მგონი ელო დაგვავიწყდა.
--არაფერიც არ დამავიწყდა,ჩემი ელო ჩემი ლამაზი დედიკო.ემწუთას მოვალ.მალე მარიამი დაბრუნდა ულამაზესი ცისფერი პენუარი,აბრეშუმის ხალათი და ლამაზი ქოშები მოიტანა პირსახოცი კბილის ჯაბრისი ,კბილის პასტა. ათასი წვრილმანი და ლამაზ ჩანთაში ჩააწყო. დათას გაეცინა .
--გოგო სად მოაგროვეასე უცებ ეს ყელაფერი მაღაზია გაქვს სახლში?
--ჩემს მზითევს მოვაკელი ხვედელიანო,იმედია არ მიწყენ.-გაეცინა მარიამს.დათამ ჩანთა ხელში აიღო და ოთახიდან გავიდნენ.
საავადმყოფოში მისულებს ლაშა დერეფანში დახვდათ,რომელიც მოსაცდელ სკამზე იჯდა და ისეთი საცოდავი სახე ჰქონდა მარიამს შეეშინდა.
--რა სახე გაქვს ,როგორ არის ბავშვი ელო.
--ელოც კარგად არის და ბავშვიც მაგრამ მე არ ვარ კარგად,ელოს ჩემი დანახვაც კი არ უნდა.-ისეთ ხმა ჰქონდა ლაშას ცოტაც და ხმამაღლა ატირდებოდა.
--დაწყნარდი ძმაო,რას მიქვია არ უნდა? ახლა აღელვებულია დაწყნარდება და ყველაფერი კარგად იქნება.
--დაუჩემებია უნდა წავიდეო, ეს ჩემი და იმის მაგივრად ,რომ მევდამეხმაროს მხარს უბავს და აქეთ მიტევს.
-- დაწყნარდი ახლა ასე თუ იმწუხარებ ცუდია,დავაცადოთ ნუ ავყვებით და ნუ გავანერვიულებთ ბავშვის გულისთვის .გვერდში მიუჯდა დავითი და მეგობრულად მხარზე გადახვია ხელი. მარიამმა
ორივეს გადახედა და გულში გაეცინა პატარა ურჩი დამნაშავე ბიჭებივით ისხდნენ და ერთმანეთს ამშვიდებდნენ .მეგობრები ერთმანეთს შეატოვა და პალატაში შევიდა,სადაც ლალი და ელისო ისე გულიანად ჭუკჭუკებდნენ თითქოს არაფერიც არ მომხდარიყო.მარიამი გოგოებს მიესალმა.
--აბა რა ხდება ,როგორ არის ჩვენი ბიჭი?
--რა იცი რომ ბიჭია?-იკითხა ლალიმ და მარიამს ისეთი ბედნიერი მომლოდინე თვალებით შეხედა მარიამს გაეცინა.
--გოგო,როგორ მიყურებმე ქირურგი ვარ ეხისკოპიის აპარატი კი არა.
--ეხოსკოპიის აპარატი არა, მაგრამ კარგი ჩამშვები ხარ .გაიბუსხა ელისო.
--გაჩუმდი ეხლა, ძალიანაც კარგი, ყველამაც უნდა იცოდეს ,მაგრამ როგორ მოიქცე შენი გადასაწყვეტია.
--მარიამი მართალია ელო შენი გადასაწყვეტია ,მაგრამ ბავშვის დამალვა ბოროტებაა.
--ხოდა მაინც წავალ და მეტიჩარა იაკოს ჩემს შვილზე ნაბიჭვარს არ დავაძახებინებ.-გაბრაზებულმა ჩაილაპარაკა ელისომ.
--გოგო იაკო ვინ გდია თვითონ აქვს ნაბიჭვრულად საქმე. ნეტავ კი ამის მერე ჩათვალოს ვინმემ ადამიანად ეგ ხომ ლაშასთვის უკვე დასრულდა.
--ლაშა არ მიხსენო მაგ კაცს არ ვცნობ დ საერთოდ არ დავინახო ჩემს გარშემო.
-ე.ი ორსულის ფობიები დაგეწყო,და ლაშა მოხვდა ამ ქარბორბალაში .ლაშას დანახვა არ გინდა.?შეშინებულმა გააქნია თავი ლალიმ.--მამიდა გენაცვალოს მე არ შემიჯავრო ბიჭო და არ დამღუპო.ხმაში ცრემლი გაერია ლალის .ელისომ და მარიამმა ერთმანეთს გადახედეს და ხარხარი ატეხეს.
გაგრძელება იქნება
P.s.-ჩემო მკითხველებო ძალიან გთხოვ რამდენიმე დღე მაპატიოთ, რადგან პატარა საქმე მაქვს მოსაგვარებელი და ,,შვებულებას ვითხოვ"-იმედია გამიგებთ. პატივისცემით. თ ა მ ა რ ე ლ ა.
Присоединяйтесь к ОК, чтобы подписаться на группу и комментировать публикации.
Комментарии 1