Предыдущая публикация
რწმენა,ოცნება,იმედი
წამალი გახლავთ სულისა.
სამივე,თუნდაც მცირედი,
გვაზღვევს ყოველგვარ ცუდისგან.
რწმენა აბრწყინებს,ალაღებს
სულსა და სხეულს სხვა შუქით.
მიზნის მიღწევას აჩქარებს,
დიდების კარსაც გაუხსნის.
ოცნება თუნდაც არ ახდეს
მაინც ტკბილია,საამო,
მისი მისიაც ის არის,
ლამაზ ფერებით დახატოს,
რასაც ეტრფი და ესწრაფვი,
რაცა სურს მაგ შენს გონებას,
თავის ბურუსში გაგახვევს,
დაგრჩება ტკბილ მოგონებად.
უიმედობით გუდამწვარს
ყოველთვის უნდა ახსოვდეს,
იმედით ცოცხლობს სუყველა
ის გვაძლებინებს,გვაცოცხლებს.
ნუ მოეშლება იმედი
ხალხს უკეთესი მერმისის,
იმედი სულის საზრდოა,
წამალიც შვება-ლხენისთვის.
რწმენა,ოცნება,იმედი
ყველა ერთ საქმეს მსახურებს,
სულსა და სხეულს ამხნევებს,
ქებასაც მით იმსახურებს.
/მანანა ბოჭორიშვილი/
Следующая публикация
Комментарии 2