Մարդու հոգևոր վիճակը ուղղակիորեն ազդում է ֆիզիկական առողջության և մարդու գործերի հաջողության վրա։
«Սիրելի՛ս, աղոթում եմ քո բոլոր հաջողությունների և քո առողջության համար, ինչպես քո հոգին է հաջողության մեջ։ https://www.bible.com/2329/3jn.1.2 .նվաա»
Գ Հովհաննես 1:2
Մի՜ լսեք հիվանդության ձայնին։ Լսե՜ք Աստծո ձայնին…
Աստվածաշունչն իր ձայնն ունի, որը կյանքի ձայնն է, և Նա ասում է չվախենաս…
Կա նաև մեկ այլ ձայն, որը փորձում է խլել քո հավատքը և այլ հավատք ներշնչել՝ ասելով, թե քեզ մոտ ոչինչ չի ստացվի, դու անհաջողակ ես, դու ոչ մեկին պետք չես ու նման շատ այլ սուտ մտքեր…
Եթե Աստված քեզ հետ է, ապա քեզ մոտ ամեն բան կստացվի։ Տեղիք չտա՜ս կասկածներին և քո կյանքի մեջ չնդունես թշնամու կրակոտ նետերը։
Պողոս Առաքյալն իր հիվանդության և անհուսության մեջ մե՜ծ հույս ուներ, քանի որ Նրա հոգին առողջ էր։
«Եղբայրնե՛ր, չենք ուզում, որ դուք տեղյակ չլինեք այն նեղությանը, որ մեզ պատահեց Ասիայում։ Այն մեր կարողությունից այնքան ծանր էր, որ նույնիսկ մեր ապրելու հույսն էինք կորցրել։ Մենք ինքներս ընդունել էինք մեր մահվան վճիռը, որպեսզի հույսը ոչ թե մեզ վրա դնեինք, այլ Աստծու, որ հարություն է տալիս մեռելներին։ https://www.bible.com/2329/2co.1.8-9 .նվաա»
Բ Կորնթացիներին 1:8-9
Ահա տեսնում ենք, որ և’ Պողոսը և’ իր հետ լինողները հաղթել էին իրենց կյանք այցելած մահվան սպառնալիքին։
Հիմնականում, հիվանդության մասին լուրը առաջին հերթին թուլացնում է մարդու հոգևոր վիճակը և ապա նաև սպանում մարդուն ո’չ թե ֆիզիկապես, այլ նախ իր մտքում՝ մտածելակերպի մեջ։
Հուսահատությունը, տխրությունն ու տրտմությունը գալիս են մարդու կյանք և թուլացնում մարդուն ներսից։
Շատ հաճախ մարդիկ դեռ կենդանի են, բայց մեռած են կյանքի և ապրելու համար։
Ինչպե՞ս հաղթել հիվանդությանը…
Ուզում եմ հորդորել բոլոր այն մարդկանց, ովքեր բախվել են տարբեր հիվանդությունների`
Հիշե՜ք, որ հիվանդությունը դեռ մահվան դատավճիռ չէ։
Առաջին հերթին, հիվանդությանը պետք է հաղթել մտքի ոլորտում։
Պետք է պատերազմ մղել հիվանդության վախի դեմ և հավատքով աղոթք ու խնդրանք բարձրացնել բժիշկների Բժիշկ և տերերի Տեր Հիսուս Քրիստոսին…
Եթե պարտվես հոգևորապես, դու չե՜ս կարող հաղթել մարմնավորապես։
Լինի դա մեծ, թե փոքր հիվանդություն, այն շատ նման է նավի առջև հանկարծակի բարձրացող փոթորիկի։
Որքան մեծ է քո նավի փոթորիկը, այնքան շատ պետք է մոտենաս Հիսուսին։
Չպարտվե՜ս քո հավատքի պատերազմը։
Հիվանդության փոթորկալի փորձության միջո՞վ ես անցնում կամ գուցե քո մտերիմներից որևե մեկն է հիվանդության մեջ, հիշի՜ր, որ ամենաապահով վայրը՝ Քրիստոսին շատ մոտ լինելն է…
Տեր Հիսուսի հետ հանդիպումն իր մեջ բազու՜մ հրաշքներ ունի։
Եկե’ք հաղթենք հիվանդությանը հավատքով և մեր անձերը խոնարհեցնելով։
Շատ ժամանակ, մարդու ֆիզիկական բժշկության արմատները թաքնված են հոգևորում…
Ներման մեջ բժշկություն կա, իսկ չներելու մեջ կա դառնություն։
Ներելը բերում է հաշտությու՜ն, խաղաղությու՜ն, անցյալի վերքերի բժշկություն և, սրանց հետ մեկտեղ, նաև ֆիզիկական առողջություն։
Մեր կյանք այցելած հիվանդության փորձությունը կարող է պատճառ հանդիսանալ, Աստծուն նորովի մոտենալու և Նրա զորությունը ճանաչելու ու բացահայտելու հարցում։
Եկե’ք մեր կյանքի ամե՜ն իրավիճակի մեջ սովորենք հաղթել…
Արման Մանուկյան
Սիրով ձեզ հետ կիսվում եմ «Ինչպե՞ս հաղթել հիվանդությանը» վերնագիրը կրող այս պատգամով։
Եղե՜ք օրհնված https://youtu.be/AkeJynhGvRk Եթե ունեք աղոթքի ու բժշկության կարիք, գրեք մեր էջին անձնական նամակով։
Մենք սիրով կաղոթենք Ձեզ համար։
Присоединяйтесь к ОК, чтобы подписаться на группу и комментировать публикации.
Комментарии 3