Предыдущая публикация
Мухаммад Юсуф...
Фарёд...
Кўрмай яшаб кетганлар бор бахтиёр,
Билмай яшаб кетганлар бор бахтиёр.
Биз сен билан қўл ушлашиб юргандик,
Айб мендами, айб сендами энди ёр?..
Кўришмасдик худойим тенг кўрмаса,
Кўриштириб сўнг наҳот ҳол сўрмаса.
Бахт берса-ю, аммо фарзанд бермаса,
Айб мендами, айб сендами энди ёр?..
Нетай шундай кенг дунёга сиғмасам,
Боламга деб ўйинчоқлар йиғмасам,
Тушларимда алла айтиб йиғласам,
Айб мендами, айб сендами энди ёр?..
Тун чўкса-ю, кўринмаса тонготар,
Қай томонга ёнбошласам тош ботар,
Онам олиб қўйган бешик бўш ётар,
Айб мендами, айб сендами энди ёр?..
Синовми бу ё синоат, билмадим,
Ё кўникдим, ё қаноат қилмадим,
Битта йўргак ювиб дорга илмадим,
Айб мендами, айб сендами энди ёр?..
Кўнглим ўксир қўйнимга зар тўлса ҳам,
Уйим агар Тожимаҳал бўлса ҳам,
Вой болам-а, туғилмаган жон болам!
Айб мендами, айб сендами энди ёр?..
Оллохим хеч кимни фарзандга зор килмасин.
Muhammad Yusuf ...
Faryod ...
Ko'rmay yashab ketganlar bor baxtiyor,
Bilmay yashab ketganlar bor baxtiyor.
Biz sen bilan qo'l ushlashib yurgandik,
Ayb mendami, ayb sendami endi yor?
Kõrishmasdik Hudoyim teng kõrmasa,
Ko'rishtirib sõng naxot hol sõrmasa.
Baxt bersa-yu, ammo farzand bermasa,
Ayb mendami, ayb sendami endi yor? ..
Netay shunday keng dunyoga siğmasam,
Bolamga deb õyinchoqlar yiğmasam,
Tushlarimda alla aytib yiğlasam,
Ayb mendami, ayb sendami endi yor? ..
Tun chõksa-yu, kurinmasa tongotar,
Qay tomonga yonboshlasam tosh botar,
Onam olib qõygan beshik bõsh yotar,
Ayb mendami, ayb sendami endi yor? ..
Sinovmi bu yo sinoat, bilmadim,
Yo kõnikdim, yo qanoat qilmadim,
Bitta yurgak yuvib dorga ilmadim,
Ayb mendami, ayb sendami endi yor? ..
Kõglim o'ksir qõynimga zar tõlsa ham,
Uyim agar Tojimahalda bõlsa ham,
Voy bolama, tuğilmagan jon bolam!
Ayb mendami, ayb sendami endi yor? ..
Ollohim hech kimni farzandga zor qilmasin.
Следующая публикация
Комментарии 3