Предыдущая публикация
ՔՐԻՍՏՈՍՆ ԱՍՏՎԱԾ Է
Պատմության մեջ որևէ այլ անձ այնպես չի ազդել մարդկության վրա, ինչպես Հիսուս Քրիստոսը: Որևէ այլ անձի այնպես չեն մեծարել ու երկրպագել, ինչպես Հիսուս Քրիստոսն, սակայն միևնույն ժամանակ ոչ մի անձ մարդկային մտքի համար այնքան հանելուկային չի եղել, որքան Նա: Բազմաթիվ պատմաբաններ Նրան մեծ առաջնորդ են համարել, իսկ շատ հասարակական բարենորոգիչներ` մարդկության մեծագույն ուսուցիչ: Նապոլյոնն իրեն հավասարեցնում էր Ալեքսանդր մեծին, Հուլյոս Կեսարին ու Կառլոս մեծին, սակայն խոստովանում էր, որ Հիսուսը իրենից վեր է կանգնած և ուրիշ դասի է պատկանում:
Սակայն արդյո՞ք Նազարեթցի Հիսուսը միայն մեծ առաջնորդ և մեծագույն ուսուցիչ է: Ո՞Վ Է ՀԻՍՈՒՍԸ: Սա Հիսուսի ծննդից ի վեր մարդկանց մեջ առաջացած մեծագույն հարցերից մեկն է:
Մի օր Հիսուսը որոշեց բացվել Իր աշակերտներին և նրանց մի տեղ տարավ, որ Փիլիպպեի Կեսարիա էր կոչվում և հեռու էր գտնվում Երուսաղեմից մի քաղաքից, հին հուդայական կրոնի մթնոլորտը իրենով լցրել էր մարդկային ցանկացած միտք: Փիլիպպեի Կեսարիայում Նա հարցրեց Իր աշակերտներին. «Մարդիկ ի՞նչ են ասում, Մարդու Որդին ո՞վ է»: Եվ նրանք ասացին. «Ոհմանք` Հովհաննես մկրտիչը, ուրիշներ` Եղիան, իսկ ուրիշներ էլ Երեմիան կամ մարգարեներից մեկը» (Մտթ 16:13-14):
Այդժամ Հիսուսը նրանց մեկ այլ հարց տվեց, որը որոշակիորեն ուղղված էր նրանցից յուրաքանչյուրին, և որին պետք է պատասխանենք մենք բոլորս. «...Իսկ դուք ի՞նչ եք ասում, Ես ո՞վ եմ» (խ.15): Հիսուսի աշակերտներից միայն մեկը` Պետրոսը, պատասխանեց. «Դու Քրիստոսն ես, կենդանի Աստծու Որդին» (խ.16): Ասելով, որ Քրիստոսն ես, կենդանի Աստծու Որդին է, Պետրոսը նկատի ուներ, որ Քրիստոսը Ինքը Աստված է (Հվհ 10:30, 33 , 5:18, 1:1, 20:28, Ա Հվհ 5:20, Փլպ 2:6, Եբր 1:8): Մեզ երկնային հայտնություն է անրաժեշտ, որպեսզի օրհնություն ստանանք` տեսնելու, թե ով է իրականում Քրիստոսը:
Հովհաննեսի Ավետարանը պատմում է Թովմաս անունով մի աշակերտի մասին, որը հրաժարվեց հավատալ մյուս աշակերտներին, որոնք պատմում էին նրան, թե տեսել են Հիսուսին Իր Հարությունից հետո: Ութ օր անց Հիսուսը կրկին հայտնվեց աշակերտներին, այս անգամ նրանց հետ էր նաև Թովմասը: Հիսուսը Թովմասին ասաց. «...Չհավատացող մի եղիր, այլ հավատացող: Թովմասը ի պատասխան Նրան ասաց. Տեր իմ և Աստված իմ: Հիսուսը ասաց նրան. դու հավատացիր, որովհետև Ինձ տեսար, երանելի են նրանք, ովքեր չեն տեսել և հավատացել են» (Հվհ 20:27-29): Թովմասն ազդարարեց իր հավատքի մասին, ասելով, որ Հիսուսն իր Տերն ու Աստվածն է:
Քրիստոնեական հավատքի կարևորագույն հիմքերից մեկը Քրիստոսին որպես Աստված դավանելն է: Քրիստոսը ուղղակի մեծ մարդ չէ,Նա Ինքն Աստված է: Երբ Քրիստոսի աշակերտներից Պետրոսն ասաց, որ Քրիստոսը կենդանի Աստծու Որդին է, նա հռչակեց տիեզերքի մեծագույն խորհուրդներից մեկը: Քրիստոնեական եկեղեցին Քրիստոսի անձի այս Աստվածային հայտնության վրա է հիմնված: Մեծ բարենորոգիչ Մարտին Լյութերն ասում էր. «Գիտակցեք, որ Հիսուսը մարդ է և կբացահայտեք, որ Նա Աստված է»:
Եթե ուզում եք իմանալ, թե ինչ մարդ է ձեր առջև կանգնած, պետք է հարցնեք իրեն: Պատմության ընթացքում ոչ մի փիլիսոփա, կրոնական առաջնորդ կամ իմաստուն չի հավակնել Աստված լինելու: Միայն Հիսուսն ասաց, որ Ինքն Աստված է:
Քրիստոնյան մեռած կրոնին չի հավատում: Նա հավատում է կենդանի Փրկչին: Հիսուս Քրիստոսը մեռել է երկու հազար տարի առաջ: Բայց այսօր Նա կենդանի է և ապրում է հավիտյան (Հյտ 1:18): Եթե մարդը կանչում է Նրա անունը ու հավատում է Նրան (Հռմ 10:9), Քրիստոսը որպես կենդանարար Հոգի մտնում է այդ մարդու մեջ ու փոխում նրա կյանքը: Մուհամեդը մեռավ, ու նրա դամբարանը նախկինի պես Մեքքայում է: Ալեքսանդր Մեծը մեռավ և նախկինի պես պառկած է իր գերեզմանում: Բոլոր համաշխարհային մեծ առաջնորդները մեռել և նախկինի պես գտնվում են իրենց գերեզմաններում ու դամբարաններում: Իսկ Հիսուս Քրիստոսը ապրում է, Նրա դամբարանը դատարկ գտնվում է Երուսաղեմում, իսկ Ինքը ապրում է Իր միլյոնավոր հավատացյալների մեջ: Եթե Ալեքսանդր Մեծին կանչեք,ապա պատասխան չեք ստանա,որովհետև նա մեռած է: Սակայ, եթե Հիսուսին կանչեք, Նա կմտնի ձեր մեջ և կփոխի ձեր կյանքը: Նա ձեր դատարկությունը իրականության կվերածի, ձեր խավարը` լույսի, ձեր անզորությունը` ուժի, ձեր վախը` համարձակության, իսկ ձեր տխրությունը` ուրախության: Յուրաքանչյուրը, ով կանչի Տեր Հիսուսի անունը, անկասկած կփրկվի (Հռմ 10:13):
Դուք այսօր կարող եք ապրել Նրան` հավատալով Նրան: Եթե ձեր սիրտը բացեք Նրան, Նա կմտնի ձեր մեջ և Իր թագավորությունը կհաստատի այնտեղ: Դուք դուրս կգաք խավարի թագավորությունից դեպի լույսի թագավորությունը (Կղս 1:13): Քրիստոսը ձեր ներսում նոր կյանք կդառնա (Կղս 3:4), և դուք կդառնաք նոր անձ Քրիստոսի մեջ (Բ Կրթ 5:17): Դրա համար աղոթեք այս պարզ աղոթքով.
Տեր Հիսուս, ես ընդունում եմ, որ մեղավոր եմ: Ես լսել եմ Քո մասին, սակայն մինչև այսօր դա անտեսել եմ: Տեր, ես ընդունում եմ, որ Դու Աստված ես և կարող ես ներել իմ բոլոր մեղքերը: Տեր այսօր ես հավատում եմ Քեզ և խնդրում եմ, որ մտնես իմ մեջ և դառնաս իմ կյանքը: Տեր Հիսուս Քո Աստվածային կյանքով լեցրու ինձ: Տեր Հիսուս ես սիրում եմ քեզ, Տեր՜ Հիսուս, Տեր՜Հիսուս
Եթե այս խոսքերը հետաքրքրեց, կարող եք զանգահարել կամ գրել մեզ:
Վահե (+374) 77 165585
Գերասիմ (+374) 93 853690
E-mail: gospelforkingdom@gmail.com
Следующая публикация
Нет комментариев