Адашдим, янтоқзор чўлларни кездим,
Сен асло кирмаган йўлларни кездим,
Бўғзимда кир, бадбўй қўлларни сездим,
Сўнг қайтдим, сен мени кечир, мухаббат,
Ёдимдан барини ўчир, мухаббат!
Узоқдан маёқдек чорладинг, билдим,
Қайтгин деб неча бор зорладинг, билдим.
Гуноҳларим учун хўрладинг, билдим,
Сўнг қайтдим, сен мени кечир, мухаббат,
Ёдимдан барини ўчир, мухаббат!
Ўзимни борсан деб обдон алдадим,
Хиёнат зарбидан букилди қаддим,
Мен нодон чин ишқнинг қадрин билмадим,
Сўнг қайтдим, сен мени кечир, мухаббат,
Ёдимдан барини ўчир, мухаббат!
Қайтадан дилимга жосан, минг шукр,
Мени беҳисларга бермади тақдир,
Сени соғиниблар кетганман ахир,
Сўнг қайтдим, сен мени кечир, мухаббат,
Ёдимдан барини ўчир, мухаббат!
Кечиру, жаннатдек юртинга кирит,
Дардларимни арит, ғамларни арит.
Балки ўз вақтида, балки бемаврид,
МЕН ҚАЙТДИМ!
СЕН МЕНИ КЕЧИР, МУХАББАТ!
ЁДИМДАН БАРИНИ ЎЧИР, МУХАББАТ!
ҚАЛБИМДА ХУДО БОР, СЕН БОРСАН ФАҚАТ,
КЕЧИР!
МУХАББАТ!
🌼🌹🌹🌹🌹🌼
Присоединяйтесь к ОК, чтобы подписаться на группу и комментировать публикации.
Нет комментариев