пойдор аст
Сад шукр, ки дар Тоҷикистон оромию амният пойдор аст ва кабутари сулҳ дар парвози доимӣ қарор дорад. Аммо як зумра таҳдидҳои сиёсӣ, фарҳангию иттилоотие, ки аз берун ба сӯйи кишвари мо равона шудааст, хатарҳои бузургеро низ ба миён овардааст. Аз ҷумла, идеологияи ифротии динӣ, ки заминаи асосии терроризми муосир аст, ба таври васеъ густариш ёфта, шеваи паҳншавии он низ ба як системаи муассири таблиғотию ташвиқотӣ табдил шудааст. Дар чунин шароит, хусусияти муборизаи идеологӣ ва иттилоотӣ талаб мекунад, ки дар баробари ниҳодҳои ҳифзи ҳуқуқу тартиботи мамлакат, дар он зиёиён ва аҳли илму адаб низ саҳми боризи худро гузоранд. Зеро имрӯз таҳдид на танҳо ҷониби ҳукумат аст, балки он бевосита ба мавҷудияти Тоҷикистон ҳамчун давлат нигаронида шудааст. Бинобар ин, ҳар зиёии огоҳи ин миллатро мебояд, ки дар баробари тӯфони азими таблиғоти манфию зарарнок бо тамоми иқтидори зеҳнию илмӣ истодагарӣ намояд. Чаро ки агар оташ афрӯзад тару хушкро бо ҳам месӯзад, ҷудо наменамояд, ки зиёӣ кисту ғайризиёӣ кӣ.
Ҳамчунин, набояд таблиғоти ҳадафмандона ва бошууронаи расонаҳои ба ном мустақили дохилиро нодида гирифт. Баъзе аз сомонаҳои ба ном мустақил бо афроди саршиноси фарҳангию ҷамъиятии мо мусоҳибаҳо анҷом дода, суолҳоро тавре матраҳ менамоянд, ки ғаразҳои дар дил доштаашон рӯ мезанад. Ин махсусгардонида шудааст, то ба мақсади асосӣ, ки ихтилофу иғвоангезист бирасанд. Аз ҳазорон ҷумлаи ба забоновардаи мусоҳиб танҳо чизеро сарлавҳа қарор медиҳанд, ки мувофиқ ба мақсадҳои хоҷагони хориҷиашон мебошад. Агар мусоҳиба пурра аз аввал то охир хонда шавад, мақсади ниҳоӣ дуруст дарк карда мешавад. Аммо, ин расонаҳои ба ном мустақил бо гузоштани титру сарлавҳаҳои иғвоангезона мухотабро маҷбур месозанд, ки вориди матн нагарадад ва онро то охир нахонад. Танҳо ҳамон сарлавҳаи муғризона ҳақиқати мутлақ қабул намояду халос. Инро бозӣ бо зеҳнӣ одамон мегӯянд, ки расонаҳои ба ном мустақил аз он хеле моҳиронаю маккорона истифода мебаранд.
Абдураҳмонов М,
таҳлилгар
Присоединяйтесь к ОК, чтобы подписаться на группу и комментировать публикации.
Нет комментариев