😔😔
Эшитганмисиз, шундай иборани?
Дил оғриғи нима ўзи?
У қандай бўлади? Бу оғриқ тананинг қаеридаги азобга ўхшайди? Буйрак оғриғигами ё юрак санчиғигами? Балки икки елканг остида турган куракдек ачишар. Йўқ, уни ҳеч қандай моддий оғриқ билан ифодалай олмаймиз. Бу шунақанги азобки, санчимай, оғримай, ачиштирмай азоблайди.
Дил оғриғи ёмон бўлади.
Икки кўксинг орасида нимадир узилгандек, гўё. Томоғингга тиқилган ютумни ютолмайсан ҳам, чиқаролмайсан ҳам. Қарғашни ҳам, жазо тилашни ҳам билмайсан. Муаллақ қотади хаёлинг... Қалб титрайди, холос. Қалбда эса Буюк Зотнинг нақши бор. Титрагани Аршга етади. Кимнидир билиб-билмай, мана шундай оғриққа дучор этган бўлсангиз, узрингизни сўраб қўйинг. Қаердадир кўнгилларга берилган ўкинчлар, албатта сизга ҳам қайтиб келиши мумкинлигини унутманг.
Бу дунё қайтар дунё...
Бу олам бумеранг қонуни бўйича ишлайди.
Қилганимизни қайтариб оламиз, албатта.
Присоединяйтесь к ОК, чтобы подписаться на группу и комментировать публикации.
Нет комментариев