Предыдущая публикация
Ухлаб уйғонмасам кечиринг мени,
Уйғониб топмасам кечиринг мени.
Якуни бўлади билсак ҳар нени,
Омонат дунёда омонатларим!
Сиз менга мен сизга омонат асли,
Шу билан гўзалдир ҳаётнинг фасли.
Одам ато Момо ҳавонинг насли,
Омонат дунёда омонатларим!
Ғам кўрманг, дард билманг соғлом яшанг сиз,
Фаровон ҳаётга қадам ташланг сиз.
Умрингиз шунчаки ўтмасин эссиз,
Омонат дунёда омонатларим!
Сизга тикан кирса оғрийди жоним,
Гўёки танамда музлайди қоним.
Сизларсиз борлиғим жону--жаҳоним,
Омонат дунёда омонатларим!
Ҳар бир отган тонгга шукрона айтиб
Дуолар қиламан , қайталаб қайтиб
Сиз борсиз юрипман, мен ҳам гердайиб
Оманат дунёда омонатларим!
Бирингиз синглимсиз, бирингиз опам
Бирингиз укамсиз, бирингиз акам
Сизни қўллаб юрсин Яратган эгам
Омонат дунёда омонатларим!
Следующая публикация
Комментарии 1
Ўқиб ёд ол Қуронни
Айтиб каломуллони
Қори бўлгин жон болам
Омонат билиб жонни
Қўлдан берма имконни
Дўст билиб сен Аллохни
Қори бўлгин жон болам
Умидларим сўндирмай
Шайтон билан дўст бўлмай
Кучада санғиб юрмай
Қори бўлгин жон болам!
Ҳаёт гоҳо бешафқат,
Барига этгин тоқат.
Умримиз ҳам ғаниймат,
Қори бўлгин жон болам!
Барча умидим сендан,
Уканг борар изингдан.
Рози бўлсин юрт биздан,
Қори бўлгин жон болам!
Ёд олиб ҳар оятни
Айтиб юр қироатни
Узоқ қил қиёматни
Қори бўлиб жон болам
Қаюмжон. Хайтубоев
31/01/2024