Предыдущая публикация
Она бугун қошинга келдим,
Ўша ҳовли жондек қадрдон.
Кўрпачангдек тўшалди кўнглим,
Юрагимдек ушатилди нон.
Ҳеч сўз демай бағринга ботсам,
Ҳаёт иси келади сендан.
Билсанг мени сенчалик маҳкам,
Ҳали ҳеч ким қучоқламаган.
Турмуш, рўзғор ғурбатларидан,
Паноҳ истаб келаман яна.
Ташвишларин кўксинга тўккан,
Мен нодонни кечир жон она.
Безиллайман тонг отишидан,
Керак пайти отмаган номард.
Сени ташлаб яна тонг билан,
Ташвишларга қайтмоқлигим шарт.
Яна тошдек отар мени тун,
Яна юугур яна чоп ҳар ён.
Ҳар замон бир йиғилиб келиш чун,
Онамни соғ асра Художон.
01:03
Следующая публикация
Нет комментариев