(Кыздын сыры. .7.Аягы.
Болот күндөгүдөй көнүгүлөрүн жасап бүтүп ,анан бир аз демин басып, эс алуу үчүн жаздыка башын коер менен,көкүрөгүн коргошундай салмак басып,ойлорун кусалык чырмады... Эмнегедир кийинки кезде, каникулду бат эле көп эстей берет?... Каникул күнү жакындаган сайын, сезими тынчыбай,көөдөнүн жарып кетичүдөй тиреп,көңүлүнө ченемсиз бүлүк түшүрүп, кайдан-жайдан “сагыныч” деген желмогуз конуп, сайдын ташындай жүрөгүнө кирип алып, көп түйшөлтөт... Жанын коерго жер таппай, жан дүйнөсүн азапка салчу болду…Мурун “ишенимдүү” жүрө берем десе; эми ал мүмкүн эместей сезилет? Кур кыялданып, кол жеткис нерсеге алданбайын , бир жолу такыр түнүлөйүн, унутайын,”- деген “кечөөку” чымырканып карманган, «Павкасынын» темирдей эрки алсызданып. «тагдырга моюн сунбасам болбойт!»?.. дегендей ойго алмашылып, кыялы ыдырап, бырын-чырыны түшүп, чоң толкунга кабылган кемедей талкаланып , океан түбүнө чөгүп жатат?... Куураган жүрөк, сааттын жебесиндей чыкылдап кирди . Өткөн жаркын элестер чубала берип,жан дүйнөсү кайра чекесинен козголот...Кийинки күндөрү уйкусу качып ,Сагын менен дагы “бир эле” жолугууну самап кирет.Анын күн төгүлгөн көзүн,кыткылыктаган назик күлкүсүн,күмүштөнгөн кирпигин,шабдалыдай жумшак төшүн, буруксуган сырдуу жытын искеп, жүрөгүнө дагы башын жөлөп алгысы келет!... Булактай шынгыр үнү,таза жаандай мукамдуу ыры, жан дүйнөсүн козголтуп дагы уккусу келет! “Анан өлсөм мейли!” тилечи болду!... Эми жолугар күн жакындаган сайын, чыдамы кете баштады ?… Мурун убакытка такыр кызыкчу эмес ; «күн-түн,айлар, мезгилдер ага сезилбей өтүп жаткан, убакытты билүүгө муктаждыгы да жоктой эле..”Күн ачылып,сары жарык шооласы терезеден шыкалап калат,же кеч бешимде бөлүм ичи иңир тартып, анан бир маалда лампочка күйөт,кайра өчүрүлөт, айланасынын баары бейкапар,дүйнө уктап калгандай сезилчи”… Кийинки күндөрү инилери каникулга чыкканын угуп,анан Бакболот борборго окууга өткөнүн, эми жакында окууга жөнөргө даярданып жатканы ого бетер жанын түйшөлтө баштады…Анткени Сагындын каникулга келер күндөрү баратты... Анан болжолдуу келер күнү өтүп киргенде, чыдамы чындап кетип кирди. Кээде таң калат,же шекшинет?..."эмне кечигет же бир зоокүр ала качтыбы?" Үйдөгүлөрдөн сурагандан өзү уялат.... Анткени аларга катуу эскертүү берип,Сагын менен байланышты- өзү “токтотуп” салганынан эстейт?... Келер күнү табышмак боло баштады?.. Аба салкындап, күздүн жыты сезилип калды. Булуттар тултуюшуп,узак ак жаан майда себелеп , айлана эми түнөрүп баратат?. Бүркөлгөн күндөр сөөктөрүн сыздатып , эми жанын катканга, “жер” табалбай калат... Ошондо ал оорудан алаксыш үчүн, тырышып; “Сагындын " элесине" карайлайт, көз алдына келтирет, таттуу кыялдарга жашынат. Жаңы жомокторду ойлоп чыгып:” Сагын менен бир аз жыргалга кирип кетет!”.. Бакболоттун окуусуна жөнөр маалы, сентябрь айы жетип келген. Мына эми байкеси менен коштошуу үчүн комнатасына кирди… Аны Болот сезип,акыркы чыдамы кетти;
-Бакболот! Сагындын кабарын биле алдыңбы? Ал быйыл эмне үчүн каникулга келбей калды?... Эмне болуптур-ыя?...
Байкаса, Бакболоттун өңү бузула түштү…Көзү алактап,бирдемеден чоочулап, ийни «селт» этип,секирип кетти...Укмаксан болумуш этип, жерди тиктеп , көзүн улам катат?…Калдалаңдап , каалганы улам карап коет? Бутун коерго жер тардык кылып, алмаштырат,унчукпайт,суу жутуп алгансып, бети тултуят...
-Эй,Бакболот! Мен сага кайрылып жатам! Тез жооп берчи алактабай... Бирдемени менден жашырып жатасыңбы-ыя? Эмне болуп жатат деги?...Бол жооп бер мага!...
Кулагы дүлөй болуп калгансып,жоопту созуп, бирөөдөн жардам күтүп, эки жакка элеңдейт? Аябай «жашырын» сырды катып жаткансып,телмирип мостоет…
Болот ичинен чоочулап кирди,бир нерсе тамагына тыгылып кеткенсиди...Тигинин түрүнөн өзү кайра корко баштады...Кроваттан устунга тартылган аркандын жардамы менен өйдө көтөрүлүп, бутун салаңдатып , эптеп тыкан отуруп жатып , ачуусу күчөп, кайра кайрылды,
-Эй,Бакболот! «Жакын кишиң өлсө деле, угузат экен!... Капырай десе!... Эмне эле «резинканы» чоюп жатасыңар-ыя? Айткын!-дейм!...Ага айкыра салды…
Акыры Бакболоттун айласы түгөндү... Адегенде ыйлап жиберип..,анан ыйламсыраган үн менен болдурады,
-Сагын эжем камакта!...
-Ой,сен жинди болуп турасыңбы?... Акылың ордундабы-ыя?... Каяктагы камак!...
-Киши өлтүрүп алып, камакта жатат…
Болоттун өңүнүн каны качып, кагаздай кубарып ,шамалда учкан шейшептей ордуна бир аз кулады.Денесин калтырак басып, ток ургандай катуу силкинип алды...Анан ачуусуна байкабай кроваттан денесин ылдыйга сыйгылатып жиберсе , эки буту полго жетип, таканчыктап, тизеси бүгүлбөгөн боюнча,бою кайкайып, теректей чайпалып калды…Өзү ачуусунан ,аны эч бир сезген жок,
-Эй,акмак! Сага ким айтты-ыя?... Сагын эч качан кишини өлтүрө албайт!... Жер жарылгандай айкырды!!!…
Бакболот болсо,өзү көргөн көзүнө ишенбей,байкесине көзүн чарайтып, кареги чыгып кетичүдөй бакырайят... Капыстан бутуна кайкайып туруп калган байкесине айран таң ?!... Бир маалда эсине келип;” байкеси кайра жыгылып кетпесин?” болуп, шашып,эки аттап жетип,белинен кучактап :”Канды көргөн букадай өкүрүп калды!”...Анан сүйүнгөнүнөн кыяга чыгып бараткан машинанын моторундай уңулдап, ыйлап кирди... Болот болсо,эси учун дагы эле жыйнай элек...Бакболоттун кучактаган салмак күүсүнө туруштук бере албай, кроватына чалкасынан кайра жыгылып калды ,ордунда жылалбай жатат. Боздоп ыйлап алган Бакболот , жыгылып жаткан байкесинин багелегин тизесинен өйдө түрө калып , жылаңач бутун өпкүлөп жатат… Капыстан чыккан катуу үндөн чоочулап, Сейил эже каалганы ачып алып,алда чоочуп кетти. Күмөн санап ийип; бир кокустукту ойлоп ийген эле,жүрөгү тыбырчылап кетти... Эми көргөн көзүнө алда ишенбей, алая карап, колу менен оозун басып алыптыр...Болот болсо бүгүнкү окуялардан ээси ооп,улам күрсүнүп коюп, эсине келиш үчүн көпкө жатты. Оюн жыйнай албай калдастайт…Адегенде Апасы сунган кызыл баркыт тыштуу китепти алып, жүрөгүнө басып алып, дагы соолуп жатат… Ал китепти Сагын, соттон өкүм чыккандан кийин,сиңдиси Жаркынга атайын айтып тапшырган эле,
-Жаркынтай! Үйдөгү менин сандыгымдын түбүндө кызыл баркыт менен тышталуу; «Болот кантип курчуду.»деген китеп бар.Ошол китепти Болоттун өзүнө гана, сөзсүз тапшырып кой!»
Жаркын аны алып барса, Болоттун апасы үйүндө экен,Асел эжеге эле тапшырып койгон.
Эмне кылыш керек? Сагын капаста!... Ким күнөлүү?...Буга жалгыз мен гана күнөлүү! Бул «китепда» кошо күнөөлүү!… Өзүм аз келгенсип, Сагынга да «Павканын» таасирин тийгизип,кулагына күндө куя берип ,жашоодо ал каарманды- “идеал” туттуруп жүрбөдүм беле?... Кесепети мына; "тайманбас болуп?”... Бир «акмакка» теңелип,кырсыкка чалынды!... Тагдырына, келечегине балта чабылды! Эми баары кантип өзгөрүлөт?... Жардамга ага эми кантип кол сунам?... Ага жетиш үчүн ,бул “өлүк» денеден кантип арылышым керек да?… «Өлүп тынайын!" Деген чечимимди - эми токтотуш керек ! ...”Сагын капаста жатса, мен «жеңил» жагын тандап, өзүмдүн өмүрүмдү кыйып салсам,анда аны даана талаада калтырам да?...Акмак болом? Ал капаска кабылган куштай канаты кыркылып, тырпырап тордо жатат.Тагдыры, келечеги терең тунгуюкта калды ?..Муну билип туруп, кантип «чыккынчылык» жасайм? ... Менден башка ,ага ким колдоо көрсөтөт, жашоого үмүтүн жандандыра алат?... Жок эми мен өлбөйм!.. Ага акыркы демимди, күч-кайратымды.., каным кашык калганча аракетимди жумшашым керек!...Бирок кантип?... Тунгуюктар?…
Бир гана чон үмүт бар дедим- ал жан какшаткан ооруга чыдап, жан алакет жасап ,сөзсүз бутума турушум керек!... Жаздыкты нечен жолу койгулап,өгүздөй өкүрдү,боздоп кирди… «Мен басышым керек!....Сөзсүз басышым керек!”… Желеге оролгон чымындай жан далбастап тыбырчылай баштады...Кара булуттай каптаган бул ойлордон бошоно албай,жанындагыларды да байкаган жок.... Жолборстой чамынып , «чаңырып» алды!... “Ушул кундөн баштап ,Сагын үчүн жанын сабап чыйралууга,баардык күчүн жумшоого бел байлады”… Бутуна туруш үчүн, өлөрчө, болгон күчүн жумшоого киришет!” Балким болуп кетер?!”...Эми акыркы үмүтү жалындады....
Апасынын, инилеринин, карандашынын,атасынын түйшүктөрүн да женилдетейин- деди …”Ал байкуштарым, эмне кылат? Менин тагдырыма алар күнөөлүү эмес да?... Аларды эмнеге мынча кыйнап жатам!...О,Кудай! Мага акыл бере гөр? Сабырдуулук бере гөр!...Кайрат-күч бере гөр!... Жок, эми өлүктөй жата берүү болбойт!... Сагындын бул китепти мага тапшырганы : «Биз ишенген келечекти унутпоону; тирүүлүк ,тагдыр менен күрөшүүнү суранып жатканы да!...
Түнү бою уктабай,устунга тартылган аркан менен кармашып чыкты...Эми жанынын кыймылдаса сыздаткан оорусу менен өжөрлөнүп күрөшүп жатат... Чоң үмүткө жетеленип , «айгышкан» күрөшкө- чындап чыкты. “Жеңиш гана керек,антпесем өлдүм!”... Арка-белинин сынып кетичүдөй талыганына карабай , чыдап бутуна таканчыктап тура баштады.Эки жыгач «балдак» алдырып келген.Адегенде бир айга чукул убакытты; жарым,анан минута,жана жүрүп отуруп -үч минутага жеткирди.Бирок “шилтеш” үчүн бутун көтөрүүгө али алы жетпей жатты…Анткени бутунун булчуңдары өлүк,жыгачтай жансыз болуп бараткан...Баарын кайра жандандыруу керек... Алты ай балакайдай болуп, жерден көкүрөгүн көтөрүп, бортоктоп жыла баштады.Бүт денесин кара тер басып, жайдын кара жаанындай агып турду...Тиштенип улам жылат… Бул аракетине бир жылдай аралыкты коротту.Эми эки бутун сүйрөөгө,бортоктоп, тизелеп жылууга жетишти. Тизелери жара болуп, эчкинин туягындай берч болду…Анан бир жылдан кийин туруп көрсө…Эки балдакттын жардамы менен буттарын кичине карыш жылдыра алды…Бирок нечен жылдар короду, жылыштары ченелүү жүрүп жатты…Сагын секунд сайын оюнан чыкпайт, кайрат-күч берет.Сагындан кабар алыш керек эле... Кат жөнөтөйүн болуп, иниси Асылбекти, Сагындын адресин алдыртайын деп, аларга жиберсе, анын апасы тосуп чыгып ,аябай шайын кетирип ажылдаптыр ,
-Адресин бере албайбыз!...Бул кылганы Болотко дагы жетишпей жатыптырбы-ыя?... Кызымдын башынан айлансын,эми !... “Өмүрү жанагы жаткан төшөгүнөн турбай калсын!”.. Болотуңар гана Сагындын түбүнө жетти! Темир торго ошол жексур, түшүрдү!...Бизди эл каратпай- жер каратты!»…Болбосо тиги өлгөн бала, элге төбөсү көрүнгөн кадырлуу кишинин; “тартиптүү өскөн , жогорку окуу жайдан билим алып жаткан эстүү баласын , Сагын сайбайт эле да?... Ошол Болотуңар үйүбүздү тегеректеп жүрүп, кызымды ыйман жолунан адаштырды?...
«Каргап», оозунан; “мышык кирип- ит чыгып...». Жулкунуп, кол сала жаздаптыр... Иним алардын үйүнөн араң качып чыгыптыр…
Ага карабай Болоттун чоң үмүтү дагы эле өчпөйт.Эми Сагындын өзүнөн кат күтө берчи болду…Бирок канча жыл өттү, кат келбеди... Үмүтүн бирок үзбөйт, “бутума турсам!» деген дегдөөсү күндө көкүрөгүндө жалындап, максатынан кайра кайтпайт.Бутуна турса,басып калса: Жер жүзүн чарк айланса да, аны табат!... Сагын менен гана бирге; келечегин, жашоосун,турмушун, максат-кыялдарвн- жүзөгө ашырат! Келечектеги бирге жашоому үчүн, Болот эми жанын аябайт, кармашат!”...
***********
Капыстан СССР кайраным ыдырап отуруп, кийинки жылы күз айы келээр менен кыйрады. Республикабыздын «Эгемендүүлүк» алганы үчүн «амнистия» деген мыйзам чыкты. Түрмөдөгү толтура камактагыларды эми жаш мамлекет бага албай калды. «Болбойм!» дегендерге деле карабай чыгарып жатышты. Меники дагы бир жыл кенен отурушум керек эле, чыкмай болдум. Айлам кетип, эч нерсе оюма келбейт,десең? Эркиндикке чыкканга такыр көңүлүм жок. Бирок мен бул жерде жалгыз каламбы? Араң дегенде чыгынып сиңдиме телеграмма жибердим: «Баланчасында эркиндикке чыгам.». Ага чейин ойлорум тунгуюк; « Эми эмне болот? Каяка барам? Кантип жашайм? Каяка убактылуу болсо да баш калкалайм?» Тим эле чимирилип куюндай чуркаган, чаташкан ойлордон башым тегеренет! Айылга барууга түк болбойт, ата - энемди анда жер каратам! Эми эмне кылышым керек? Тунгуюктар... Оор ойлорго ороном.
Эртең менен тамактан кийин, төшөнчү, жана сакталган төрт жыл мурунку кийим-кечегимди кийинип, ашканын көтөрүнүп,анан короого чыктым:Мына ошондо кызыктар башталды,десең?... Сыртка чыгып баш баксам эле башкача сезим келип, көз карашымды адаштырып жиберди... Кашка тартып калган асманды бүгүн эле жаңы көргөнсүп, кечке аңкайып карап калыптырмын?... Буга чейин дем албай жүргөнсүп;жумшак, кандайдыр жыты буруксуган башка абадан кере жутуп жатам. Анан ала кийиздей үзүк-үзүк түтүн өңдүү булуттарды бир аз байкап туруп, эмнегедир бүгүн жарык жашоодогу сыртты биринчи көргөн бөбөктөй, «кытыгым» келип, ичимен кубангансыйм, бирок кайсы арыма дейм да? Ах,жашоо,эркиндик! Көрсө адамга зарыл керек тура! Жок дегенде кашкаланган асманды, тегеректеген жашыл дүйнөнү, буруксуган жыттуу абаны эркин жутуп, бакка конгон чымчыктардын чыркылдаган үнүн угуп турсам деле, жашоо кызык тура! Тегеректеги айлана, андагы жашоо ушунчалык керемет болуп туруп алды! Кечеки ойлорум кагаздай айрылып, кара булут ойлорум заматта ачылып, бүгүнкүсүнө таң калып турам. Капастагы тордон кутулуп; кооз канатуу, сайраган кичинекей чымчыктай, бийик асманды улам карайм, канатымдын талпынганын сезе калып, учкум келет! Капырай? Дагы көрктүү жашоо бар эле турбайбы? Эмнеге мынчалык чөгүп жүрдүм? Адамдын ою кандай тез алмашат? Басканым жепжеңил, таманым жерге тийип-тийбей секирип калыпмын! Темир дарбазадан жаңы эле баш багып, алды жагымды карасам, ким турат дейсиңер!?
О-о,Кудайым! Жана кагылайын адамдарым! Дагы ойлогонго бир ирмемда убакытым болбойт эле? Анткени Болотум мени ансызда күтүп калды: таңкы күндөн асман жаңы жаркып, бийик тоодогу уясынан эми эле кылтыйып чыкансып, айлананы алтынга оротуп салыптыр! Күлүмсүрөгөн жүзү шумдук, күндөй тиктейт! Бир колун күмүш кылычтай кылып булгалап! Көзүнөн алтындай жаркырак нурлар чачырап, карегимди чагылтат,кирпигимди жумдурат! Бир колунда темир «таяк»,булгалаган колунда - чоң тутам кызыл гүл!
Анан мен чуркап жөнөдүмбү, же учуп жөнөдүмбү! Аны ким билсин?... Илгери 60 метрлик мелдештегидей, көзүмдү чылк жумуп, октой атырылып, бутум үзүлгөнчө чуркаган окшойм! Көз ирмемде эле Болоттун мойнуна, эки колум артылып калыптыр!!!
Присоединяйтесь к ОК, чтобы подписаться на группу и комментировать публикации.
Нет комментариев