Сен шуркуя вич жугуздуң,өмүрүмдү кыскарттың,сени жек көрөм деген күйөөм келсе,мага кыянат кылганын айтып,биротоло айылга кетейин деп ойлодум.Тилекке каршы күйөөм ошол түнү келген жок.Таң аткыча айыккыс ооруну каяктан жугузуп алдым, балам оорукчан төрөлөбү?Келечегим кандай болот,эмнеге мени сүйбагөн балага турмушка чыктым деп ыйлап чыктым.Күйөөмө чалсам, телефону өчүк.Ойношу менен жүрсө керек,таң атсын,билет алам, айылга кетем,экөө эмне болсо ошол болсун деп жатып уктап кетипмин.Бейтааныш номерден келген званоктун конгуроосу уйкумду бузуп,алоо деп телефонду көтөрсөм,саламатсызбы,мен адвокат болом,сиз ушул адамдын аялысызбы деп күйөөмдүн аты жөнүн айткан адамга,ооба, эмне болду тынчылыкпы десем,күйөөңүз полиция тарабынан кармалды,азыр полиция бөлүмүнө келсениз болот деп даректи айтканда,шашылып такси кармап жөнөдүм.Оюмда бирөөнү машинасы менен уруп кеткен окшойт деп шашып барсам, отделениеге киргизбей,адвокатка байланышканымда гана кирүүгө уруксат беришти.Күйөөм кайда,эмне болду, тынчылыкпы десем,күйөөңдү азыр ивске алып кетет,эртең сотто баш коргоо чарасы каралат,күйөөңө 105 статья менен иш козгошту, мындайча айтканда адам өлтүрүү,күйөөң бир кызды муунтуп өлтүрүп салган дегенин угуп шок болуп отуруп калдым.Кандай кызды,менин күйөөм өлтүрүшү мүмкүн эмес деп адвокаттан тактап сурасам,өзү менен жүргөн сүйгөнүн өлтүрүп койгонун адвокат мага айтканда,болушу мүмкүн эмес,мен ишенбейм десем,жашоодо бардык нерсе болот,мен мамлекет тарабынан берилген адвокатмын,мени менен иштейм десеңер келишим түзөлү,күйөөң менен жүргөн кыз бир жылдан бери вич оорусу менен ооруган.Аны күйөөңдөн жашырган,күйөөңө оору жугузган.Күйөөң ооруганын билип,сүйгөн кызына анализ тапшырууну сунуш кылганда,ал кыз вич менен бир жылдан бери учетто тураарын айтканда,күйөөң экөөнүн ортосунда жаңжал чыгып,күйөөң аны муунтуп өлтүргөн.Күнөө кызда болуп жатат,сотто күйөөңдү актап чыкса болот деген адвокаттын сөзүнө ишенип,250 миң рубльга келишим түздүм.Картада болгон 70 миң рублди адвокатка которуп,калган 180миңди бир жуманын ичинде таап бермек болдум.Эртен сага байланышам,сотко келесиң деген адвокаттын жанынан кетээрим менен кайниме телефон чалып, болгон окуяны айтып бердим.Агасынын адам өлтүргөнүн уккан кайним, апама кантип айтам,мен акча таап жиберем, адвокат чыгарам дептир го,агамдын адам өлтүргөнүн апама айтпай туралы,акыркы убакта давлениеси бат баттан көтөрүлүп атат деген кайниме макул болдум.Эртеси адвокат ватсаптан соттун дарегин жиберди.Түштө барып,кечке чейин сотту күттүм.Кечки саат алтыга жакын адвокат менен сот залына кирдим.Колуна кишен тагылган күйөөмдү алып келишкенде,мага кыянат кылганы аз келгенсип,оору жугузганына карабай, эмнегедир күйөөмдү аяп кеттим.Оор кылмыш менен айыпталып жатат,башка мамлекеттин жараны,тергөөдөн качып кетиши мүмкүн деп,баш коргоо чарасын сизодо өткөрүүнү суранган тергөөчү менен прокурордун сөзүн угуп,судья адвокат менен күйөөмө сөз берди.Ачуу үстүндө кылмышка барганын,тергөө убагында эч жакка качпай тергөөгө келип тураарын айткан адвокат, күйөөмдү үй камагына чыгарып берүүнү соттон суранды.Бардык тарапты уккан судья, күйөөмдү эки айга сизого камалсын деп чечим чыгарды.Кабатыр болбоңуз,эки айдан кийин сизди чыгарып алам,адвокат жалдадым деп күйөөмө айтсам,мени кечир дегенден башка сөз айта албай,жер караган боюнча конвойлордун коштоосунда сизого кетти.Ошол күндөн баштап,мен үчүн жашоо бүткөндөй,күнүм ый менен өтүп жатты.Кайним акча таап салды,ооруганымды жашырып,декретке чыккыча иштеп турайын,эки айдан кийин күйөөм сизодон чыкса,айылга кетебиз деп иштеп жүрдүм.Кайын энем телефон чалган сайын баласын сурайт,ар шылтоону айта берип, акыркы убакта кайын энеме жумуштамын деп жазып,званогуна жооп бербей койдум.Адвокат тергөөчүдөн уруксат алып бергендиктен, күйөөмө барып жолугуп келдим.Ортодо айнек тосуп турат,экөөбүз бири бирибизди көрүп,телефондон сүйлөшүп аттык.Сизодо керектүү дарыларды берди, мени кечир,баары менин айымдан болду,дарыңды убагында ич,сизодон чыксам эч качан кыянат кылбайм,мени таштабай, адвокат жалдап чыгарып алам дегениңе рахмат,мен акмак болгон экенмин деп өзүн күнөөлөп ыйлаган күйөөмө ай сайын тамак аш,кийим киргизип турдум.Билинбей эки ай өттү,күйөөмдү эч ким чыгарган жок.Тергөө бүтө элек деп улам сотту жылдырып атып, акыры күйөөм күнөөлүү деп табылып,сегиз жылга камалып кетти.Бул арада мен Москвада экинчи баламды төрөдүм.Баламды төрөгөндө вич экенимди врачтар эч кимге айтпаганы менен,ооругандар үчүн атайы палата бар экен.Төрөт үйүнөн таякемдин кыздары алып чыгышты.Өзүм вич болгонум менен балам куландан соо төрөлдү.Врачтын кеңеши менен эмизбей, смесь менен багып жаттым.250миңди алып,күйөөңдө күнөө жок,чыгарып берем деген адвокат кийин ар шылтоону айтып кутулуп кетти.Колумда жаш бала менен квартирада кыйналып,Кыргызстанга барып,баламды апама таштап келмек болдум.Күйөөм сегиз жылга камалып кеткенден кийин,кайын энеме угузганы аргасыз болдук.Канчалык жашырбайлы, күйөөмдүн камалганы айылга таркап,түрдүү ушактарды чыгарышты.Элдин оозунда элек жок экен,бирөөнү боюнда кылып,агалары коркутса,кызды өлтүрүп коюптур дешсе,кээ бири өлтүрүшү мүмкүн эмес,жалган жалаа жабылды дешти.Эң башкысы вич менен ооруганыбызды айылдагылар билген жок.Кайын энем менен апамдан башка эч кимге вич экенимди айткан жокмун.Элдер менден качып,туугандарым жийиркенишин,оорусу жугат деп айтуусун каалаган жокмун.Күйөөмдү ЛИУ кыргызча айтканда дарылануучу күчөтүлгөн абакка жиберишти.Балам эмбегенден кийин апама таштап,Москвага барып иштеп,күйөөмө тамак аш салып турайын деп Москвага учуп келдим.Тилекке каршы вич оорум аныкталганда роспотребнадзор тарабынан өмүр бою кара тизмеге киргизген экен, аэропорттон кайра Кыргызстанга кайтууга мажбур болдум.Мен Кыргызстанга баргандан кийин кайын энем,кайнимди Москвага жиберди.Азыр кайним күйөөмдөн кабар алып,керектүүсүн алып берип турат.Абысынымдын кээде жаш туруп күйөөм экөөбүз эки жакта жашайбыз,кайын агам камалбаганда кайниңиз үйдө болот эле,бул жакта деле иши жакшы болчу деп сүйлөнгөнүн угуп,тилимди тишиме басып, унчукпайм.Күйөөсүнүн жанына кетейин десе, колунда жаш баласы бар.Зынаанын аягы күйөөм экөөбүздү өмүр бою дары ичип өтө турган айыккыс ооруга,эки баламдын атасыз чоңоюшуна,кайын энемдин оорусунун күчөгөнүнө,бир кыздын өлүмүнө алып келди.Аялы бар туруп, менин күйөөмө окшоп кыянат кылган эркектер,менин күйөөмө окшоп,аялымдан сулуу деп аялынарга кыянат кылсаңар,менин күйөөмдүн тагдырын кайталашыңар мүмкүн, эже ушул окуяны жазыңыз сураныч,менин күйөөмдүн кетирген катасын кетирбесин деп буркурап ыйлаган келиндин айтканын жаздым,тыянак өзүңүздөр чыгарыңыздар!
Аягы.
Салтанат Митиева
#вич_элдик.
Салтанат айымга тайпанын окурмандарынын атынан ыраазычылык билдиребиз
Пикир жазыныздар....
Комментарии 13
Чыгарма учун чон рахмат ден -соолукта болунуз ишинизге ийгилик.
Админге чон рахмат ден -соолукта болунуз уйбулолук бакыт каалайм.
Салтанат кыздын калеми курчуй берсин