Предыдущая публикация
🧕Акылман аял
Аялдардын көбү өзүн акылдуу сезет. А бактылуу аял акылдуу болгондон көрө, акылман болууну жакшы деп эсептейт. Акылман деген сөз жароокерликти, сулуулукту, акылдуулукту, сыйкырлуулукту камтып турат. Эмнеге эркектер акылман аялды таштап кете албай, гүлгө конгон аарыдай айланчыктап турушат?
📍Биринчи: Акылдуу аял бир сөздөн түшүнөт. Акылман аял айттырбай билет.
📍 Экинчи: Акылдуу аял күйөөсүнүн катасын тапса, сөөмөйүн көзүнө такап, “Мен сага эскертпедим беле?” – деп зекийт. Акылман аял күйөөсүн колдоп, катасын оңдоого жардамдашат, кээде катасын байкамаксан да болуп коёт.
📍Үчүнчү: Акылдуу аял жашоону башкаруу жагын өз мойнуна алып, күйөөсүнө кандай жашашты үйрөтө баштайт. Акылман аял өзгөчө назиктик менен кеңеш берип, колдоп, турмуштун ачуу-таттуусун кошо тартат.
📍Төртүнчү: Акылдуу аял өз ишинде баарынан мыкты болуп, ката кетирбөөгө тырышат. Ошондуктан чогуу иштешкендери ага чочулап, сактана мамиле жасашат. Акылман аял өз чөйрөсүнө жылуулук менен ишенимдүү абалды түзө алат.
📍 Бешинчи: Акылдуу аял үй-жай күткөн балдарынын жашоосуна кийгилишип, өзүнө жаккан кеңештерин таңуулап, неберелерин кандай тарбиялоону үйрөтөт. Акылман аял балдарына жашоосун өздөрү чечишине мүмкүндүк берет. Ошол эле учурда колунан келген жардамын да аянбайт.
📍Алтынчы: Акылдуу аял кайненеден өз укугун талашып, кеңештерин кабыл албай урушууга чейин барат. Акылман аял кайнененин кеңешин жылмаюу менен үнсүз угат, макул болот. Ошол эле учурда өз көңүлүндөгү ишти өзү каалагандай дилгирлик менен жасай алат.
📍Жетинчи: Акылдуу аял чөйрөсүндөгү адамдарды өзүнө ылайык тарбиялагысы келет. Бүт адамдын жашоосун өзгөртүүгө аракет кылат. Акылман аял өзүн тарбиялап, сүйүктүү адамы кандай болсо, ошондой кабыл алат.
📍 Сегизинчи: Акылдуу аял ким туура, чынчыл болсо, ошол адам бактылуу деп ойлойт. Акылман аял, ким бактылуу болсо, ошол адамдын жашоосу туура деп эсептейт.
📍Тогузунчу: Акылдуу аялдын наркы – акылында жана чынчылдыгында. Акылман аялдын наркы – үй-бүлөсүндөгү жана чөйрөсүндөгү назик жана таза мамилесинде. Эркек дайыма өзүн түшүнө билген акылман аял менен бирге болууну каалайт. Өзү кандай болсо, ошол боюнча калгысы келет, аялы андан жардам, кеңеш сурап, ошол эле учурда керек кезде колдоп туруусун каалайт. Бир да эркек аялы өзүнөн акылдуу болуусун каалабайт.
Автор: Шермухаммед Ташматов.
📘"Сынба, чөкпө, түңүлбө" китебинен .
00:21
Следующая публикация
Комментарии 8
Акылман аял куйоосунун катаасын кормоксон болуп койсо кандай болот? Дайыма ката кетирсе алдаса аны да корбой койсо болобу?
Туура жолго бал тил менен сала турган ката болсо кечиримдуулук жакшы.
Жакшы эркектин артында акылдуу аял турат деген ата бабалардан калган соз бар