Хакасияның чайаачылар туразы Хакас тiлiнiң кӱнiне ӧнетiн чарыдылчатхан «Минiң тӧреен тiлiм» тiп марығда аралазарға хығырча.
Марығның ӧӧн пӧгiнi Хакас Республиканың чуртағҷыларының тӧреен хакас тiлiн ӱгренiп, тилiдерге, хакас чонының культуразын, тархынын iстезерге кӧңнiн паза хыниин тартарға, наа чайаачы аттар «азарға», чииттернiң хайиин тартарға.
Марығның номинациялары:
✅ Чайаачы хоос сӧс тоғыстар (литературные материалы);
✅ Кӧрiге суурылған тоғыстар (художественный видеоролик).
Читi час ас парған пiстiң республиканың парчан чайаачы оңдайлығ чуртағҷыларына Сӧбiре чылына чарыдылған «Минiң тӧреен тiлiм» тiп марығда араласчаң оңдай пирiл парды. Чайаачы тоғыстарны ӧнетiн темаларға тимнеп саларға кирек:
✅ «Минiң сӧбiремнiң (родымның) кибiрлерi» («Традиции и ценности моей семьи»);
✅ «Хакас хоос литературазында сӧбiре кибiрлерiн чарытханы» («Семейные традиции в произведениях классиков и современников»).
Араласчыларны частары хоостыра пiди ӧӧрлерге чар салғабыс:
✅ пастағы ӧӧр: 7 частаң 14 часха читiре;
✅ iкiнҷi ӧӧр: 15 частаң 23 часха читiре;
✅ ӱзiнҷi ӧӧр: 24 час ас парғаннар.
Чайаачы тоғыстарны пос оңдайнаң толдырарға кирек, полған на араласчы позының кӧңнiн паза позының чанын читiрзiн.
Полған на марығның араласчызына чиңiске чидiп алҷаң оңдай пирiлер. Иң артых тоғыстар аннаң андар тоғысха алыларлар, журналға алай киндеге кирерге ӧнетiн тимнелерлер. Анаң пасха, чиңiсчiлерге аарластығ пiчiктер читiрiлер, Хакасияның чайаачылар туразы сығарған кинделер сыйлалар.
Чайаачы тоғыстарны тимнепчетсе, марығның положениезiн ситкiп хығырып аларға кирек, алҷаастар пол парбазын. Парчан кирек пiчiктер, прайзына оой таап алар ӱчӱн, интернетте пу ссылкаҷа чыып салғабыс https://clck.ru/3BuFpk Марығда аралазар ӱчӱн ӧнетiн пiчiк (заявка) пазып, прай марыға тимнеен тоғысты пiр саңай mrykon@yandex.ru .электроннай адреске ызыбызарға кирек. Пiчiктернi орғах айының 18 кӱнiне читiре чыыпчабыс.
Сурығлар пар полза, сығдырадыңар: 8(3902) 22-53-78, Хакасияның чайаачылар туразы.
Присоединяйтесь к ОК, чтобы подписаться на группу и комментировать публикации.
Нет комментариев