Предыдущая публикация
ԳՐԻԳՈՐՅԱՆ
Երջանկությո՜ւն ճերմակ, խաղաղ, լուսավոր,
Կենցաղային հոգսերով լի խառնարան,
Չհեռանա՜ս հայ տներից, մնա, որ
Մանուկները առանց հայրիկ չմնան:
Խոհանոցում հացի բույրը տարածվի,
Եռա ճաշը համեմունքից թանձրահամ
Եվ նրբաոճ, ծաղկանկար սփռոցին
Ճաշի ժամին, դատարկ ափսե չմնա:
Որ սենյակը, կարոտի գույն չունեցող,
Իր պատերին ծով ու ծփանքներ կրի…
Եվ մայրիկը, հազար հոգսով թևածող,
Իր սենյակում լինի ինչպես թագուհի:
Երջանկությո՜ւն, ծիրանագույն, կարմրավառ,
Երկնաերանգ...մտիր ամեն ընտանիք,
Որ օրհներգեն մանուկները մեր կայտառ`
Մայ՜ր Հայաստան, ազա՜տ, հզո՛ր հայրենիք…
ՏԱԼԻԹԱ Ա. ԳՐԻԳՈՐՅԱՆ
Присоединяйтесь к ОК, чтобы подписаться на группу и комментировать публикации.
Комментарии 8