Яши Сайфутдин Авылы
Соседи
Предыдущая публикация
Укып карагыз әле , дуслар! 🤲🤲🤲❤️🙏
ГЫЙЛЕМ — ҖӘННӘТ АЧКЫЧЫ.
1) - Гарәп алфавитында ничә хәреф бар?
- 28
2) - Җир йөзендәге беренче кеше кем?
- Адәм
3) - Мөселманнар кайсы айда ураза тоталар?
- Рамазан
4) - Мөселманнар көнгә ничә тапкыр намаз укыйлар?
- 5 тапкыр
5) - Мөселманнарның соңгы пәйгамбәрнең исеме ничек?
- Мөхәммәд с.г.в.
6) - Мөселманнарның Китабы ничек атала?
- Коръән
7) - Ашар алдыннан нәрсә әйтергә кирәк? - Бисмилләһир-рахмәнир-рахиим
8) - Намазга өндәү ничек атала?
- Азан
9) - Төчкергәч, мөселман нәрсә дип әйтә?
- Әл-хәмдүлилләһ
10) - Мөселман кешесе кайсы кулы белән ашарга тиеш?
- Уң кулы белән
11) - Ислам динендә мохтаҗ кешегә булышу ничек атала?
- Сәдака
12) - Бәйрәмнәрдә һәм җомга көннәрендә мөселманнар җәмәгать намазын кайда укыйлар?
- Мәчеттә
13) - Мөселманнар нинди ризык ашыйлар?
- Хәләл
14) - Пәйгамбәребез с.г.в.-нең әнисенең исеме нинди булган?
- Әминә
15) - Пәйгамбәребез с.г.в.-нең әтисенең исеме нинди булган?
- Габдулла
16) - Коръәни Кәримдә ничә сүрә бар?
- 114
17) - Ислам динен ир-атлардан кем беренче булып кабул итә?
- Әбү Бәкер сиддыйк
18) - Ислам динен балалардан кем беренче булып кабул итә?
- Гали ибн Әбү Талиб
19) - Ислам динен хатын-кызлардан кем беренче булып кабул итә?
- Хәдичә
20) - Аллаһы Тәгалә Илчесе с.г.в. һәр эш башында нәрсә дип әйтә торган булган?
- Бисмилләһир-рахмәнир-рахиим
21) - Хәдис буенча кемгә су биргән өчен кеше җәннәткә эләгә?
- Эткә
22) - Кем беренче булып ураза тоткан?
- Адәм галәйһиссәләм
23) - Пәйгамбәребез с.г.в. ничә яшьтән намаз укый башларга кушкан?
- 7 яшьтән
24) - Кайсы Пәйгамбәр, Аллаһы Тәгалә ризалыгы белән, терелә алмый торган авыруларны һәм үлгәннәрне терелткән?
- Гайсә пәйгамбәр
25) - Кәгъбәтуллаһны төзегән пәйгамбәрнең исеме ничек?
- Ибраһим галәйһиссәләм
26) - Ислам диненең беренче мәчетен атагыз?
- Куба мәчете
27) - Ислам диненең икенче мәчетен атагыз?
- Мәдинә шәһәрендәге Пәйгамбәр мәчете
28) - «Фәтиха» сүрәсендә ничә аят бар?
- 7 аять
29) - Пәйгамбәребез хәдисе буенча “намаз ачкычы” булып нәрсә тора?
- Тәһәрәт
30) - Зәкят нәрсә ул?
Зәкят сүзе нәрсәне аңлата?
- Зәкят ул – мал-мөлкәттән (байлыктан) фәкыйрьләр, мохтаҗлар өчен бирелә торган билгеле бер күләмдәге акча.
- Зәкят сүзе "пакълану", "чистарыну" дигәнне аңлата.
31) - Үз гомереңдә ничә тапкыр хаҗга барырга кирәк?
- Бер тапкыр булса да.
32) - Йоклар алдыннан нинди кыска сүрәләрне укырга кирәк?
- «Ихлас», «Фәляк», «Нәс»
33) - Мөхәммәд пәйгамбәр с.г.в. нинди шәһәрдә күмелгән?
- Мәдинә шәһәрендә
34) - Хәләл һәм хәрәм нәрсәне аңлата?
- Хәләл – рөхсәт ителгән, хәрәм - тыелган нәрсә.
35) - Гөнаһ нәрсә ул?
- Аллаһы Тәгаләгә буйсынмау
36) - Тәһәрәт нәрсә ул?
- Чисталык
37) - Кем Адәм галәйһиссәләмгә сәҗдә кылырга теләмәгән?
- Иблис. Бу турыда Коръәндә әйтелгән ("Бәкара" сүрәсе, 34нче аять)
38) - Безнең мәзхәбебез нинди?
- Әбү Хәнифә мәзхәбе
39) - Хаҗ нәрсә ул?
Һәр кеше хаҗ кылырга тиешме?
- Хаҗ – Ислам дине нигезләренең берсе булган олуг бер гыйбадәт. Хаҗ ул — Мәккәи-Мөкәррәмәгә барып, шәригатьтә күрсәтелгән рәвештә билгеле бер гамәлләрне үтәү һәм Кәгъбәтулланы зиярат кылу була. Хаҗ бөтен гыйбадәтләрне үз эченә ала (җан, тән, мал гыйбадәтләре).
- Хаҗны мөмкинлеге булган кеше генә кылырга тиеш.
40) - Шайтан кем ул?
- Аллаһы Тәгалә юлыннан яздыручы
41) - Аллаһы Тәгалә Адәм белән Һаваны ни сәбәпле җәннәттән куган?
- Алар Аллаһның кушканын үтәмәгәннәр
42) - Кайчан тәүбә кылырга соң була?
- Үләр алдыннан
43) - Хәмер эчемлекләре булган табында мөселман кешесенә утырырга ярыймы?
- Юк, ярамый
44) - Мөселманнар бер-берсенә кем булалар?
- Мөселманнар бер-берсенә кардәшләр. Бу турыда Коръәндә әйтелгән ("Хөҗүрәт" сүрәсе, 10нчы аять).
45) - Мөселманнарны хурлаучы кеше кем була?
- Фасик
46) - Кыямәт нәрсә ул?
- Кыямәт ул - Аллаһ каршында кылган гамәлләребез өчен хисап бирү көне.
47) - “Рамазан” сүзе нәрсәне аңлата?
- Рамазан аена туры килгән эсселекне, кызуны
48) - Кыямәт көнендә кешегә биреләчәк беренче сорау?
- Көнгә биш вакыт намаз укыдыңмы?
49) - Мөхәммәд пәйгамбәр
с.г.в. күрсәткән өч билгеле могъҗизаны санагыз.
- 1) Коръәни Кәрим;
2) кешеләрне кул бармакларыннан су белән туендыра;
3) Йерусалимга сәфәр кыла (исра) һәм күккә күтәрелә (мигъраҗ)
50) - “Коръән” сүзе нәрсәне аңлата?
- Ике мәгънәсе бар:
1) Бертуктаусыз укыла торган китап;
2) Сүрә һәм аятләр, хәләл белән хәрәм кагыйдәләре җыентыгы.
51) - Җәннәттә кешеләр ничә яшьтә булачаклар?
- 33 яшьтә
52) - «Мәсжид» сүзе нәрсәне аңлата?
- «Мәсжид» сүзенең ике мәгънәсе бар:
1) сәҗдә кыла торган урын;
2) кешенең сәҗдә кылуда катнашкан әгъзалары.
Билгеле булганча, сәҗдә кылуда җиде әгъза катнаша.
Димәк, йөз, маңгай, борын, куллар, тезләр мәсҗид дип атала.
Бу турыда "Җен" сүрәсенең 18 аятендә әйтелгән.
53) - Ислам диненә билгеләмә бирегез.
- Ислам – Аллаһы Тәгаләнең хак дине буенча гамәл кылу дигәнне аңлата. Ислам сүзе гарәп теленнән буйсыну, бирелү рәвешендә тәрҗемә ителә
54) - Кемне иң беренче булып Әхмәд дип атаганнар?
- Пәйгамбәр Мөхәммәд с.г.в.-не
(Әхмәд - "мактауга лаеклы")
55) - «Бисмилләһир-рахмәнир-рахиим» дип беренче тапкыр кайсы пәйгамбәр әйткән?
- Сөләйман пәйгамбәр
56) - “Калькаля хәрефләрен” атагыз
- «Каф, Та, Бә, Җим, дәль»
57- «Сәҗдә-тилява» аятьләренә бетүче нинди сүрәләр бар?
- «Нәҗм», «Галяк», «Әграф».
58) - Пәйгамбәребез с.г.с.-нең балаларының кайсысы аңа йөреше белән һәм аскетлыгы белән охшый?
- Фатыйма
59) - Коръәни Кәримдә нинди фәрештәләр искә алына?
- Җәбраиль, Микаиль, Харут, Марут, Мәлик
60) - Нинди сүрәдә бер аять 31 тапкыр кабатлана?
- "әр-Рахмән" сүрәсендә
61) - Аллаһы Тәгалә турында гына тасвирлаган аятьне атагыз.
- Аятел көрси
62) - “Фәтиха" сүрәсе: Әл-хәмдү лилләәһи раббиль гәәләмиин» дип башлана. Тагын нинди сүрә шулай ук башлана?
- "Саффат" сүрәсе
63) - Намаз вакытларын атау өчен нинди сүрә исемнәре кулланыла?
- «Фәҗр» һәм «Гаср» сүрәләре
64) - Нинди сүрә “Коръәннең яртысы” дип атала?
- «Әз-Зәлзәлә» сүрәсе
65) - Укол кадау уразаны бозамы?
- Юк
66) - Ләә иләәһә илләЛлааһ Мөхәммәдәр-расүүлүллааһ сүзләре нәрсәне аңлата?
- Аллаһы Тәгаләдән башка гыйбадәткә лаеклы Илаһи зат һич юк. Мөхәммәд галәйһиссәләм Аллаһы Тәгаләнең колы һәм бәндәләргә дин өйрәтер өчен җибәрелгән илчесе.
67) - Җәннәт кемнәрнең аяк астында?
- Әниләрнең аек астында (хәдис)
68) - Мөселман кешесе куркак була аламы?
- Әйе, ләкин ялганчы була алмый (хәдис)
69) - Өстәмә намазларны көнгә ничә тапкыр кылырга ярый?
- Теләсә ничә тапкыр кылырга була
70) - Бер үк вакытта әниең дә, әтиең дә чакырса, кем янына беренче булып барырга кирәк?
- Әниең янына
71) - Мөселман кешесе ялганлый аламы?
- Юк, ул һәрвакыт дөресен генә сөйләргә тиеш
72) - Башка кешеләргә булышкан өчен савап язылачакмы?
- Әйе, игелекле гамәл сәдака булып исәпләнә.
73) - Намаз вакытында кычкырып көлсәң, нәрсә була?
- Намаз һәм тәһәрәт бозыла.
74) - Тәһәрәттә ничә фарыз бар?
- Тәһәрәттә дүрт фарыз бар:
1) бер мәртәбә йөзне юу;
2) бер мәртәбә терсәкләргә кадәр ике кулны юу;
3) бер мәртәбә башның чирегенә мәсих кылу;
4) бер мәртәбә тубыкларга кадәр ике аякны юу.
75) - Ислам динендә азанның урыны нинди?
- Азан әйтү - сөннәт гамәл
76) - Нинди вакытларда намаз укырга ярамый?
- Таң атканда, кояш баеганда һәм зенит вакытында.
77) - Авыру кеше намазны ничек кыла?
- Ничек кыла ала, шулай кыла
78) - Беренче пәйгамбәрнең исемен атагыз?
- Адәм галәйһиссәләм
79) - Нинди очракларда тәһәрәт алу мәҗбүри?
- Намаз уку өчен, таваф өчен һәм Коръәни Кәримне кулга алыр алдыннан.
80) - Азанны тәһәрәтсез әйтергә ярыймы?
- Ярый
81) - Мәчеткә барыр алдыннан ни сәбәпле суган һәм сарымсак ашарга ярамый?
- Авыздан килүче ис башка кешеләргә комачаулый.
82) - Аллаһы Тәгаләдән гөнаһыңны яшерергә буламы?
- Юк. Аллаһы Тәгалә барысын да белә һәм күрә.
83) - Кешеләрдән мөселманнар кемне күбрәк яраталар?
- Мөхәммәд пәйгамбәрне с.г.в.
84) - Адәмнән соң Аллаһы Тәгалә кемне яралткан?
- Һава анабызны
85) - Адәм белән Һава башта кайда яшәгәннәр?
- Җәннәттә
86) - Иблис (баш шайтан) нәрсә белән шөгыльләнә?
- Ул кешеләрнең дошманы. Ул аларны ислам юлыннан яздырырга тырыша, начар гамәлләр кылырга котырта.
87) - Мөхәммәд с.г.в. пәйгамбәр нинди телдә сөйләшкән?
- Ул гарәп булган һәм гарәп телендә сөйләшкән.
88) - Аллаһы Тәгалә каршында кайсы мөселман яхшырак: гарәп, татар әллә урысмы?
- Аллаһы Тәгалә каршында барлык мөселманнар да бертигез. Алар бары тик гыйбадәт кылуда, изгелектә генә бер-берсе алдында өстен була алалар.
89) - Аллаһы Тәгалә Пәйгамбәребезгә с.г.в. Коръәни Кәримне кем аркылы иңдергән?
- Җәбраиль фәрештә аркылы
90) - Фәрештәләр нәрсәдән яратылганнар?
- Нурдан
91) - Аллаһы Тәгаләнең ничә исеме билгеле?
- 99 исеме билгеле.
92) - Гыйдел Әдха (Корбан) бәйрәме нәрсәгә багышланган?
- Ибраһим пәйгамбәр үрнәге буенча Аллаһы Тәгаләгә шөкер итүгә багышланган. Бу изге көнне мөселманнар гает намазын укыйлар һәм корбаннарын чалалар.
93) - Мөселманнар кайсы тарафка карап намаз кылалар?
- Мәккәдә урнашкан Кәгъбәтуллаһ юнәлешендә
94) - Ураза вакытында авырып киткән һәм ураза тота алмаган мөселманга нәрсә эшләргә?
- Терелгәч, төшеп калган ураза көннәрен тулыландырырга.
95) - Онытылып, ашый башласаң, ураза бозыламы?
-Юк, бозылмый.
96) - Коръәни Кәрим нинди айда иңдерелә башлаган?
- Рамазан аенда, изге кадәр кичәсендә.
97) - Нинди сүрә аятьләре беренче булып иңдерелгән?
-"Галяк" сүрәсенең беренче биш аяте
98) - Аллаһы Тәгалә Коръәндә Мәккәне ничек атый?
- Бекка
99) - Пәйгамбәрләргә булышкан хайваннарны атагыз.
- Удод су табарга булышкан,
кырмыска гаскәрләрнең юнәлешен алыштырган,
кит пәйгамбәрне коткарган,
үрмәкүч мәгарәгә керү урынын пәрәвез белән каплый,
дөя бер халыкны сөт белән тукландыра
#динһәмәхлак#һәммәбезбелергәтиеш
🗣🗣АШКА КИЕНЕП
КИЛҮ ТУРЫНДА.
Киемгә килгәндә, ирләр гел шәригать кушканча киенә, ачык киемнән йөрми. Хатын-кызларга килгәндә, проблемалар күп. Мәҗлескә килгән кайбер хатын-кызларның итәкләре кыска, чәчләре чыккан, муеннары, колаклары, изүләре, куллары ачык, тырнаклары озын һәм буялган була.
--Күлмәк тубыктан өстә икән – кыска дигән сүз.
--Хатын-кызның чәче, колаклары, муены, беләзеккә тикле куллары, тубыкка чаклы аяклары – ГАУРӘТ санала.
--Әгәр берәрсенең гаурәт саналган җире ачык булса, бу мәҗлескә фәрештәләр килми. Фәрештәләр килмәгәч, без бик күп бәракәттән колак кагабыз дигән сүз.
--КОРЬӘН МӘҖЛЕСЛӘРЕНӘ ХАТЫН-КЫЗЛАРГА ЯБЫК КИЕМНӘН КИЛҮ – БИК КИРӘКЛЕ, САВАПЛЫ һәм МӘҖБҮРИ ГАМӘЛ.
🍀МАНИКЮР ТУРЫНДА.
Мөселман хатын-кызының тырнагы буялмаган булырга тиеш! Тырнагы үскән, буялган кешенең тәһарәте дә, намазы да дөрес булмый.
Пәйгамбәребез салләллааһү гәләйһи вә сәлләм:
Озын тырнак астында шайтаннар яши" – дип әйткән. Тырнак озынрак булган саен, аның астында шайтаннар да күбрәк була.
🍀МӘҖЛЕС ВАКЫТЫ.
--Һәрбер нәрсәнең үз вакыты була. Мәҗлескә соңга калмый килергә тырышырга кирәк, соңга калынса һафу үтенү күркәм гамәлдән санала. Мәҗлестән дә үз вакытында китә белергә кирәк. Хуҗа: "Ярар, китегез!" – дип, куып чыгара алмас бит. Шуңа күрә, вакыты җиткәч, матур итеп китеп бару – әдәп-тәртипкә керә торган әйберләр.
🍀СӘДАКА ТУРЫНДА.
Мәҗлесләрдә сәдака тараталар. Кайбер абыстайлар: "Сәдака таратырга кирәк түгел, бу – дөрес түгел", – дип тавыш чыгара башладылар.
️ Сәдака биргән кешегә беркайчан да каршы төшәргә кирәкми. Кешенең күңелендә бирү теләге бар икән, ничек инде син аңа: «Бирмә!» –дип әйтә аласың?! Килер бер көн, син тартып та ала алмассың ул кешеләрдән әйберне. Шуңа күрә үзләре бирәләр икән, алырга кирәк.
«Мин сәдакага мохтаҗ түгел», – дип, ризасызлык белдерүчеләр дә бар. Мохтаҗ түгелсең икән, тавышланма, ал да башка кешегә бүләк ит. Яныңда мохтаҗ күршең, туганың бардыр, юк икән, мәчеткә илтеп бир.
Кайбер мәҗлесләрдә сәдаканы тәлинкәләргә җыялар, аннан соң яки хуҗага, яки мәчеткә бирәләр. Бу да шәригатькә каршы килә торган әйбер түгел. Кулдан-кулга таратып йөргәнче, шул тәртиптә сәдакаларны бирергә була.
🍀СӘДАКА КҮЛӘМЕ.
«Сәдаканы биргәндә, күпме бирергә?» – дигән сүз дә бар. Әлбәттә, мөмкинчелектән чыгып бирелә. Монда инде «энә дә – бүләк, дөя дә – бүләк» – дигән сүз бар. Ләкин «энә дә – бүләк» – бу фәкыйрьләр өчен. Фәкыйрь кеше, «әз бит, әз!» – дип, бирергә оялмасын, чөнки аның мөмкинчелеге шулай. Ә бай кеше әз итеп бирүдән оялсын. Чөнки бай кешенең мөмкинчелеге күбрәк. Күбрәк бирсә, аңа савабы да зуррак була, дөресрәк тә була бу сәдака. Шуңа күрә, «энә дә – бүләк, дөя дә – бүләк» дигән сүздән чыгып, ЭНӘ – ФӘКЫЙРЬЛӘР ӨЧЕН, Ә ДӨЯ – БАЙЛАР ӨЧЕН дип әйтәсем килә. Менә шулай сәдака күләмнәре.
Сәдаканы сорап та алмыйлар, кемдер бирми икән – ул аның үз эше. Инде сәдака тараттылар икән, өстәмә бәракәт, өстәмә дога кылына шул сәдакаларга.
Ахмадулла хәзрәт Шарафуллин,, Ихлас" мәчете.
Калтай авылы.
04:50
vk.com
загрузка
Показать ещёЛевая колонка
О группе
- д. Сайфутдиново (Тоцкий район)
Фото из альбомов