Tojikiston 🇹🇯

МОДАР ЯКТОСТ, ТОҶИКИСТОН ЯКТОСТ!...

Ёрон ҳама ҷо, вале Ватан дар як ҷост,
Ҳар санги Ватан мисоли ҳайкал зебост.
Олам ҳама ҷо азиз, лекин бар ман,
Модар яктост, Тоҷикистон яктост.

МӮҲТАРАМ, МОДАРОН, АПАҲО, ХОҲАРОН ВА ҶУМЛА БОНУВОНИ МАРДУМИ ТОҶИКИСТОН!!

Шуморо аз самими қалб бо ин рӯзи шараф, ки иди модарон дар ҷаҳон машҳур аст, табрик гуфта ба шумо пеш аз ҳама тани сиҳат, хонаи обод, баракати кор, сарвати беандоза ва тамоми хушиҳои зиндагиро таманно менамоем.
Бигузор, то идҳои дигар хушҳолу хушбахт бошед ва бо ҷигарбандони худ дар ободии оилаву Ватани худ фаъол бимонед.

ИДАТОН МУБОРАК БОНУВОНИ АЗИЗ

РӮЗИ АРТИШИ МИЛЛӢ МУБОРАК, ҲАМВАТАНОНИ ГИРОМӢ

_____ Бо як эҳтироми рӯҳияи ватандустиву ватанпарастӣ тамоми мардуми шарафманди ба ору нанги тоҷикро ба Ифтихори солгарди Артиши Миллӣ шодбошу муборакод гуфта, баҳратон саодатмандӣ, садоқатмандӣ ва рӯзгори хубу осоиштаро тамано дорем.
_____ ИДИ АРТИШИ МИЛЛӢ МУБОРАК!
Надорам орзуи умри ҷовид,
Ватан бигзор монад ҷовидона.
Ҳамехоҳам ба ту баъди сари ман,
Ватан монад, Ватан монад нишона.
Гулрухсор

ВАТАН....

Аз лаби нонат, Ватан, ман қуввате пайдо кунам,
Дар лаби хонат, Ватан, хушсуҳбате барпо кунам.
Роҳаке кофӣ маро, то бар муроди дил расам,
Дар кафе хокат, Ватан, ман хешро дунё кунам.
Эй Ватан, гавҳораи дерини аҷдодони ман,
Покии рӯҳ, покии ҷон, покии виҷдони ман.
Рӯзи сахте бар сарат омад, манам дар хизматат,
Кӯрӣ беҳ, бошам, агар аз ғофилони қисматат.
Офате гардам, ба офат то, ки аз дӯшат фитад,
Медиҳам ҷону ҷаҳонамро ба ту бемеҳру хат.
Эй Ватан, гавҳораи дерини аҷдодони ман,
Покии рӯҳ, покии ҷон, покии виҷдони ман.
Дур афкан, борро, ман ҷони бебоки туам,
Посбоне рӯзу шаб дар хоку афлоки туам.
Чун чанорам бар сари хоки шаҳидонат, Ватан,
Хоки поки сарнавиштам, садқаи хо

"ЗАБОНРО НАФУРӮШЕД!"

Аз баҳри Худованд, забонро нафурӯшед,
Он боиси мавҷудии ҷонро нафурӯшед.
Бозор бароред, ҳар он чӣ ба бисот аст,
Аммо шарафу шаъну имонро нафурӯшед.
Гар рӯй битобед, шумо қотили хешед,
Ин лафзи дарӣ, рӯҳи равонро нафурӯшед.
Бо шеваи бегона чаро фахр намоед?
Ҳоло, зи сар он тоҷи каёнро нафурӯшед.
Аз одамият, гар ба шумо ҳаст нишоне,
Одамгарию ор ва шонро нафурӯшед.
Дар рӯзи ҷазо пеши Худованд чӣ гӯед?
Он лафзи хуши модари ҷонро нафурӯшед.

ВАТАН

#tojikiston

Қадамгаҳи хаёлҳои ман,
Ватан!
Қаламраҳи мақолҳои ман,
Ватан!

Намозгоҳи меҳр бастаам,
Ватан!
Ниёзгоҳи ҷони хастаам,
Ватан!

Замини кишти бору ҳосилам,
Ватан!
Ҳавову обу оташу гилам,
Ватан!

Баҳори боғи бехазони дил,
Ватан!
Диёри ҷовидон ҷавони дил,
Ватан!

Фасонаи алалдавоми ҷон,
Ватан!
Таронаи азалмақоми ҷон,
Ватан!

Зи моҳӣ то ба моҳи кишварам,
Ватан!
Зи кӯҳ то ба коҳи кишварам,
Ватан!

Чаҳор табъи аслхези ман,
Ватан!
Чу панҷ ҳисси ман азизи ман,
Ватан!

Зи шаш ҷиҳат мудом рӯйи ман,
Ватан!
Ватан, Ватан, Ватан, Ватан, Ватан,
Ватан !!!

СОЛИ НАВ МУБОРАК, ДӮСТОН

_____Муборак Соли нав дунёи дигар,
Нишоту орзу савдои дигар.
Ҳама бар мақсади дилҳо расонӣ
Худовандо, дар ин фардои дигар.

____Ҳаммаи шуморо ба фарорасии Соли нави мелодӣ табрику таҳният гуфта, ба шумо пеш аз ҳама саломатӣ, умри дарози бобаракат, хонаободӣ ва сарбаландиро орзу дорем.

ТОҶИКАМ МАН....

#tojikiston
Аз миллату аз забони худ ёд кунед,
Арвоҳи гузаштагони худ шод кунед.
То ҳарф занад, ба тоҷикӣ тифли шумо,
Дунёи варо тоҷикӣ обод кунед.