РӮЗИ ИСТИҚЛОЛИЯТИ ДАВЛАТИИ ҶУМҲУРИИ ТОҶИКИСТОН МУБОРАК, ЭЙ ҲАМВАТАН

Имрӯз мардуми шарафманду соҳибиқболи тоҷик, 33 – умин солгарди Истиқлолияти давлатии Ҷумҳурии Тоҷикистонро сарбаландона ҷашн мегиранд. Аз фурсати муносиб истифода бурда, маъмурияти гурӯҳ ҳаммаи шумоён -- азизонро табрику муборакбодӣ намуда, бароятон осмони софи беғубор ва тамоми хушиҳои рӯзгорро орзуманданд..

ШАҲРИ ЗЕБО - ДУШАНБЕ

__________________
Шудам имрӯз меҳмони Душанбе,
Бидидам рӯи тобони Душанбе.
Чу булбул масти ин гулзор гаштам,
Шудам ин дам газалхони Душанбе.
Тамошогоҳе беҳ аз ин набошад,
Яқинан мулки хубонӣ, Душанбе!
Умеди рӯзи фардои ҷавонон,
Ту доим бо ҷавононӣ, Душанбе!
Чу маҳтоб нур афшонӣ ҳама шаб,
Зи сар то по чароғонӣ, Душанбе!
Чу қалби Тоҷикистон зинда бошӣ,
Умедбахши ғарибонӣ, Душанбе!
Чу модар меҳрубонӣ менамоӣ,
Ту бо кулли ятимонӣ, Душанбе!
Парешон баҳри ту ҷуз ин нахоҳад,
Ҳамеша дар амон монӣ, Душанбе!
Manizhai 7 кӯлӣ

ТОҶИКИСТОНАМ...

Соҳиби ин Ватан, на меҳмонам,
Аз ҳама ҷойи Тоҷикистонам.
Ман зарафшонии Бадахшонам,
Ман бадахшонии Зарафшонам.
Ман зи хатлониёни Дарбандам,
Ман зи шуғнониёни Хуҷандам.
Пораҳои дили ман аз Рашт аст,
Гавҳари дидаи ман аз Ашт аст.
Истаравшан умеди равшани ман,
Исфара зодгоҳу маъмани ман.
Тулуи офтобам аз Лахш аст,
Гармии рӯзгорам аз Вахш аст.
Хонаам дар канори Ҷайҳун аст,
Нури фонуси ман зи Роғун аст.
Соғари дасти ман зи Саррез аст,
Аз зулоли ҳаёт лабрез аст.
Гар ба Фархор хонам, овозам
Мерасад то фарози Дарвозам.
Ман зи кӯлобиёни Файзобод,
Ҳафт пушту ҳазору як авлод.
Ҳар чанори Ватан бародари ман,
Буттаи наргисаш чу хоҳари ман.
Чун падар такядори ман кӯҳаш,
Офт