Ширин жони озори йўқ ул дардин билмас,
Қаҳротонин кўрмаганлар қиш сардин билмас,
Қўлни беринг меҳрга зор хонаси зорлар,
Онангизни қадрланг сиз онаси борлар...
Бир оҳ деса атрофида айланиб чарх дам,
Салобатли босилолмай қоларкан қадам,
Қадрга зор йиғламасин дунёда одам,
Йўл бўйида туриб қолманг донаси чорлар,
Онангизни қадрланг сиз онаси борлар...
Айтолмаймиз ҳаёт бўлса дилдаги сўзни,
«Ҳаёт-ку » деб тортамиза бурилиб ўзни,
Кетар чоғда ер муштлаймиз намлатиб кўзни,
Эгилармиш пинҳон бўлган ёнаси дорлар,
Онангизни қадрланг сиз онаси борлар...
Метин бўлиб кетар экан қалблар озурда,
Қайси ношуд ул зотсиз ҳам жони ҳузурда,
У одаммас, тўғрисини айтдим, узрда,
Мақтаганда керилармиш понаси торлар,
Онангизни қадрланг сиз онаси борлар...
Тўққиз ой сен яшагансан вужуди аро,
Сен тикилма, ўшқирмагин юраги яро,
Борида бир қадрла эй юзлари қаро,
Сочинг силаб тургувчи бир шонаси корлар,
Онангизни қадрланг сиз онаси борлар...
Ўғлим дея боридан ҳам кечгай бегумон,
Қизим дея сарпо еғиб кетар шу замон,
Саробларга алданмагин энди Шерзоджон,
Йиллар ўтиб кексайиб соч толаси қорлар,
Онангизни қадрланг сиз онаси борлар...
Аллох рози булсин ижодкордан. 7йил олдин сайтга жойлаган экан .
Присоединяйтесь к ОК, чтобы подписаться на группу и комментировать публикации.
Нет комментариев