Предыдущая публикация
Осмон йироқ,
Юрагим бўм-бўш.
Замин менинг кўнглимдек синиқ.
Кел,
Йиғлаймиз бирга, азизим,
Қалбимизни берамиз дардга.
Дунё,
Тўхта,
Кўзларимга боқ,
Ёмғир каби симиллар сим-сим.
Аҳир,
Ғамга туғмаган онам,
Тортиқларинг армон бир уюм.
Кел,
Муҳаббат,
Юрагим тингла,
Юлдуз бўлиб тўкилур руҳим.
Бу беш кунлик ҳаёт тоқида,
Кетмагайми кўзёшим увол?
Жим-жит олам.
Яна сукунат.
Оғриқ келар кўнглим оралаб.
Нигоҳларим тусар нигоҳинг,
Дарёларга ғарқ бўлур ишқим.
Кел,
Йиғлаймиз,
Бирга севгилим,
Булоқдек соф кўзёшларимиз.
Отмас ҳижрон замбараклари,
Юр,
Кетамиз,
Бирга азизим...
Присоединяйтесь к ОК, чтобы подписаться на группу и комментировать публикации.
Комментарии 1