Беғуборлик у бебошлик.
Кўзлар кулар, киприк ёшлик,
Роббим тамон кетмоқдаман.
Умр сойдек оқиб кетди,
Қадамлар ҳам манзил етди.
Кимлар келиб, кимлар кетди
Роббим тамон кетмоқдаман.
Қанча савоб қанча гуноҳ,
Билмас дилим сўрар паноҳ.
Тополмасдан тирик гувоҳ
Роббим тамон кетмоқдаман....
Керак эмас энди меҳр,
Бефойдадир қилманг сеҳр.
Улгурмайсиз бугун аҳир,
Роббим тамон кетмоқдаман...
Шошманг ёлғон кўз ёш тўкиб,
Узоқлардан қарғаб, сўкиб.
Яҳши денг, бир эртак тўқиб,
Роббим тамон кетмоқдаман...
Кечиргайсиз озорларим,
Соғинаман бедорларим...
Илҳақ бўлди мозорларим,
Роббим тамон кетмоқдаман...
Вақтим бўлди қанча завол,
Умрим эссиз бўлди увол..
Сўнги дамда берманг савол,
Роббим тамон кетмоқдаман...
Юмилмасин кўзим очинг,
Аҳир сизни кутмоқдаман...
Юзларимга тупроқ сочинг
Роббим тамон кетмоқдаман...
Улгурсангиз келинг тезроқ,
Бўсаларга кўминг, бироқ
Азроилмас менга ўртоқ,
Роббим тамон кетмоқдаман...
Ёдга олиб туринг аҳён,
Бўлсам ҳамки, яҳши- ёмон.
Тутманг энди менга осон,
Роббим тамон кетмоқдаман...
Дуо қилинг, бордир кимим,
Тинлар олсин ёнган жисмим.
Қабртошга ёзманг исмим,
Роббим тамон кетмоқдаман...
Кулиб қўйинг эслаб бизни,
Роббим тамон кетмоқдаман...
Ҳурларга ҳеч боқмай, сизни
Жаннатларда кутмоқдаман...
Присоединяйтесь к ОК, чтобы подписаться на группу и комментировать публикации.
Комментарии 2
Азиз бошиз омон булсин