Олов билан туташ ҳар оним.
Йўлларингда қолди кўзларим,
Сени ёмон соғиндим, жоним!
🍃🍃🍃🍃🍃🍃🍃🍃🍃
Ғурур чўкди тиззалардан паст,
Кўпирмоқда танамда қоним!
Ажиб туйғу ифоридан маст,
Сени ёмон соғиндим, жоним!
🍃🍃🍃🍃🍃🍃🍃
Ҳолим кўриб ҳайрон одамлар,
Унутаман кунларнинг сонин!
Жондан ўтди билсанг ситамлар,
Сени ёмон соғиндим, жоним!
🍃🍃🍃🍃🍃🍃🍃
Гирдоб каби ютар сенсизлик,
Қуршаб хажринг тўрттала ёним,
Юрак ва мен не кунга қолдик,
Сени ёмон соғиндим, жоним!
🍃🍃🍃🍃🍃🍃🍃
Йироқликда юлдузсан, нетай,
Етмоққа йўқ илинж, имконим.
Ўзим сендан ўргилиб кетай,
Сени ёмон соғиндим, жоним!
🍃🍃🍃🍃🍃🍃🍃🍃
Ҳаётимга нурсан, жилосан,
Бир ўзингсан жону-жаҳоним.
Сенсиз яшай олмайман!
Қасам!
Сени ёмон соғиндим, жоним!
🍃🍃🍃🍃🍃🍃🍃🍃
Яхшим менинг, ҳаммадан яхшим,
Ва бағримни ўртар “ёмоним”.
Пешонамга чизилган нақшим,
Сени ёмон соғиндим, жоним!
🍃🍃🍃🍃🍃🍃🍃🍃
Қийнамоқми азму-қароринг,
Пароканда кўр ҳону-моним!
Кўздан кетмас хусну-жамолинг,
Сени ёмон соғиндим, жоним!
🍃🍃🍃🍃🍃🍃🍃🍃
Раҳм солса кўнглинга Аллоҳ,
Юрагинга етсайди зорим!
Ва берсайдинг васлингдан паноҳ,
Ахир ёмон соғиндим, жоним!
Присоединяйтесь к ОК, чтобы подписаться на группу и комментировать публикации.
Нет комментариев