20 - 21 - 22 - қисм
МУАЛЛИФ ШАМСИНУР
Имтиҳонда ҳудди Интизор айтгандек исмлар ёзилди. Унгача эса Интизор шартларда кўрсатилганидек барча китобларни уйқу нима билмай ўқиб чиқди. Ўша кунгача тиним билмади.
Мақсад сари интилса Аллоҳ бермай қолмас экан. Бу аслида бир ҳомий инсонни ҳар йили муҳтож талабалардан бирига, ёинки билимлилардан бирига ёрдам тариқасида кўрсатиладиган ёрдами экан. Ректор ҳам бу ишга чин дилдан кўмаклашиб ташкиллаштириб берибди. Акмални жавоблари энг юқори бал тўплади. Сезганингиздек бу Интизорнинг жавоблари эди. Акмал контракт тўлаш муаммосидан, Интизорни ёрдами ила қутилиб қолганди.
***
-Кўзларингга соатлаб термулиб турсам.
-Мен ҳам...
Интизор уялибгина бош эгди. Уларнинг бирга дарс тайёрлашлари, ҳамфикр бўлишлари одатий ҳол эди. Аммо чегарани бирор марта бузишмасди. Интизорни олган тарбияси бунга сира ҳам йўл бермасди. Ҳаттоки қўл ушлашгада, руҳсат этилмасди.
-Сен ўзга олам вакилисан?
-Нега?
Интизор саволумиз қаради.
-Биз бошқа севишганларга ўхшамаймиз. Ўртада девор бор.
-Бу яхшимасми сизнинг наздингизда?
-Балки... Аммо ҳар доим эмас.
-Девордан кейин қизиқиш ўлсачи?
-Барибир бу деворни бир кун олиб ташлаймизку.
Дарс қилиб ўтирган столларида Акмал Интизорга яна ҳам яқин ўтирди. Интизор дарҳол ўзини нари олди.
-Жаноб бўлажак доктор, узоқроқ ўтиринг. Йўқса умрбодга кишанланасиз.
-Аллақачон кишанлаб бўлгансан.
Интизор дарҳол ўзини тутиб олиб китобни Акмал томон сурди.
-Дарсга қайтамиз.
Улар энг ажойиб жуфтлик эдилар.
***
-Ўғлим хотинингни ҳомиладорлик жуда толиқтирди. Эсон омон қўлига олса бу кунларни унутади.
-Жуда ҳам инжиқ бўлиб қолган.
-Ҳаммада бўлади бу ҳолат.
Онаси Улуғбекни юпатди.
-Бугун Акмал келаман деганди.
-Шу жияним жуда уддабурон чиқдида. Мен уни докторликка кириб кетади деб сира ўйламагандим.
-Нимасини айтасан болам. Холанг доим нолирди бир ишни бошини тутмайди деб. Мана ўзини кўрсатди. Ҳали катта доктор бўлиб кетади.
-Бизга доктор текин бўларканда кейин?
Она бола кулишиб ўтирганлари устига Акмал келиб қолди.
-Ассалому алайкум холаларни гўзали.
-Шу гапингни ҳеч қўймадингда. Болам яхшимисан?
-Рахмат яхши холажон. Ака сиз яхшимисиз?
-Рахмат яхши, бу дейман акам бор деб йўқламайсан ҳам?
-Мана келдимку, биласиз ўқишдан ортмаяпман.
-Сендан умидимиз катта.
Ўша куни алламаҳалгача хола жиян бўлиб гаплашиб туришди. Кетишида эса, Акмалга Улуғбек пул берди.
-Ака бу нима?
-Сенга керак ҳозирда. Қийналиб қолма.
-Йўғеэе одамни ҳижолат қилманг
-Олавер чин кўнгилдан.
***
Йиллар йилларни қувар, ҳаш паш дегунча уч йил ўтиб кетди. Бу йиллар Интизор ва Акмални севгисини янада мустаҳкамлаб борди.
21 -қисм
-Сени ҳар кун, ҳар соат, ҳар дақиқада кўришни истайман. Жингалак сочларингни силаб , ифорига тўйсам дейман.
-Ким айтади сизни медик деб?
Интизор ёйилиб кулади.
-Ишқ бу қалбга бесўроқ кириб келади. Ҳудди баҳор ҳавосидек тотли, ёқимли, ҳузурбахш.
-Мен жуда қўрқаман...
Акмал Интизорни жигарранг кўзларига термулди.
-Нимадан?
-Сизни йўқотиб қўйишдан.
-Ҳеч ҳам ғам чекма. Биз тоабад бирга бўламиз. Айрилиқ, ҳижрон бизга бегона.
-Илоҳим.
Уларнинг суҳбатини дарсга кирган домла бузди.
-Сизларга янгиликни айтмасам бўлмайди. Гуруҳ бошлиғи огоҳлантирмаган кўринади.
Талабалар жон қулоғи билан тинглай бошлашди.
-Амалиёт учун сизларни тақсимлаб чиқдик. Мана рўйхат шу бўйича касалхоналарга борасизлар. У ерда сизларга шифокорлар бириктирилади. Бирорта талаба амалиётни қолдирмасин. Бу сизлар учун жуда ҳам зарур.
***
Улуғбек бир оёғи калта бўлиб туғилган ўғлини ортидан бормаган доктори қолмади. Бахтига машина созлаш устахонасидан келадиган даромад чўғи баланд.
-Эртага Самарқанддаги табибга борамиз.
Ўғлини оқсаб юриши сабаб анчайин мунғайиб қолган хотинига сўз қотди.
-Бу гап қаердан чиқди? Қанақа табиб?
Нодира ўзини қизиқтирган саволни берди.
-Бир таниш акахон манзил берди. Болани оёғи тош осиб қўйиб, ўсишига ёрдам берар экан. Бир мунча оғриқли, қийин бўлмасин, эртага оқсаб одамлардан уялмай юрганида рахмат дейди.
-Дадаси тезроқ соғайиб кетса эди, рости болам бечора жуда қийналиб кетди.
-Сиқилма онаси, ҳали Рамзбек паҳлавондек йигит бўлсин, кўрган кўзни ҳаваси келсин.
-Илоҳим.
***
Интизор ва Акмал боғда сайр қилиб юришарди. Акмални кайфияти чоғ.
-Сизда бугун ҳаддан ортиқ хурсандчилик, боиси не?
Интизор қизиқсиниб сўради?
-Вақти келса биласан.
Акмал қизни юзидан чимдиб қўймоқчи эди, қиз ўзини орқага олди.
-Чегара!
-Уффф қачон тугайди бу чегаранг?
-Вақти келса...
-Ўша кунга муштоқман.
***
Дарс вақти Жасмин Интизорга доимгидан кўра беписанд нигоҳ ташлайдиган бўлиб қолганди. Жасминни турли туман «Туретский» кийимлари олдида Интизорни кийимлари ғариб кўринар, Жасминни шундай ҳисобларди.
-Интизор нега ўзингга мос кийим киймайсан? Бирор бир фирманикини олсанг бўлмайдими?
Аслида Интизорни кийими ўзига ярашиб турар, фақат бренд фирманики эмасди.
-Кийимимга нима қипти?
-Ҳеч нима, айтдим қўйдим.
Жасмин беписанд нигоҳларини телефонига қаратди. У ҳозирда аллақайси дўконни моделига айланиб, кийимларни кийиб расмларга тушиб берарди. Амалиётда эса Жасминни деярли ҳеч ким кўрмасди. Бугун негадир вақт топиб шифохонага ташриф буюрибди. Аммо Жасминни касаллар ҳам, шифохона ҳам қизиқтирмаслиги, юз кўзидан маълум эди.
22 -қисм
Интизорни назарида Жасмин бу даргоҳга адашиб ўқишга кириб қолганди. Аммо ўзини нега ёқтирмаслигини сира англаб етолмади.
***
Улуғбек тўёнани олиб холасини уйига йўл олди.
-Муаззам холаааа.
-Иее кел Улуғбек. Яхшимисан?
-Тўйлар муборак бўлсин.
-Қуллуқ. Опамни олиб келмадингми?
-Бироз қон босимлари кўтарилибди, шунга ўзим келақолдим.
Улуғбек ҳижолат бўлгандек гапирди.
-Келин, жиян яхшими?
-Шукр, муолажалар анча яхши таъсир қилди. Оқсоқлик деярли билинмаяпти.
-Аллоҳ шифо берсин.
-Амийн.
Улуғбек ҳовлига кўз югуртирди.
-Поччам, Акмал кўринишмаяпти?
-Ҳа уларми? Новвос олай деб кетишганди.
-Тўйгаям оз қолибди. Бу биздан кам бўлса ҳам.
Улуғбек холасини олдига анчагина сумма бўлган селофанга ўралган пулни суриб қўйди.
-Аллоҳ ўрнини тўлдирсин. Бирингга минг берсин.
-Рахмат, уйни ҳам зўр таъмирдан чиқарибсизлар. Буюрсин.
-Акмалжон анча тер тўкди бунинг учун. Болам меҳнатида жуда
-Доктор денг.
Кулди Улуғбек.
-Насиб, катта доктор бўлиб кетса, ортидан онасиман деб керилиб юрай.
-Бу дейман жуда баланд дордан келин қилгансизов?
Улуғбек онасини гапларини эслаб савол берди .
-Ҳа нимасини айтасан? Акмал ўламан саттор шундан бошқани олмайман деб турволса де.
-Кейин сизам дарров рози бўла қолдизми?
Улуғбек ҳазил қилди.
-Йўғааа, ўлибмабми, дарров кўниб? Обдон қизни суриштирдим. Иккови бирга ўқиркан. Обрўли оила. Аввалига бизни назарига илмай қизини бермайди деб ўйлагандим. Лекин мен кутгандек бўлмади. Қизни отасига жиянинг маъқул келибди.
-Бахтли бўлсин ёшлар, қани менга фотиҳа қилинг уйга борай. Ишларим бор .
***
Бугун Интизорнинг ўз-ўзидан кайфияти тушиб кетаверди. Негалигини ҳеч тушунолмасди. Дарсда ҳам ҳаёли паришон эди. Унинг ҳаёлларини қўлида алланималар кўтариб олган Жасмин бузди. У ҳаммага ширинлик тарқатарди. Бежиримгина қутичаларга солинган, ҳолва шоколадларни бутун гуруҳ талабаларига улашиб чарчамасди. Юзида эса таббасум, кайфияти чоғ.
-Ол Интизор, сенгаям насиб қилсин.
-Рахмат.
Интизор Жасмин узатган ширинликни қўлига олди.
-Бахтли бўл.
-Рахмат.
Жасмин Интизорга кўз қисганча бошқа курсдошлари олдига кетди.
-Жасмин куёв бола ким? Биз таниймизми?
-Яқинда билиб оласизлар.
Қиз сир бой бермади.
Яқин келиб қолган ўша кун, ҳамма нарсани остун устун қилди гўё. Ҳаммаси Жасминнинг таклифнома тарқатишидан бошланди.
Гуруҳдаги энг шўх йигит Ҳикмат таклифномани баралла ўқимагунча Интизор ёзувларга эътибор бермаганди.
-Сизни фарзандларимиз Акмалжон ва Жасминахонларнинг бахт ва никоҳ оқшомига таклиф қилиб Дамировлар ва Ҳолмирзаевлар оиласи. Тўйга тўрт кун қолибди.
Ҳикмат тантанали эълон қилди. Ана шу онда Интизор таклифномадаги исм ва фамилия Акмалники билан бир хил эканига эътибор қилди. Аксига олиб бугун Акмал келмаган, ва бир неча кундан бери у Интизор билан тузук қуруқ гаплашмаганди.
-Жас, бу ўзимизни Акмални исм фамилиясига ўхшарканми?
Гуруҳ сардори савол берди.
-Ўзигаям ўхшайди.
Жасмин садафдек тишларини кўрсатиб тиржайди.
-Оббо ичидан пишган писмиғеэе.
Қизлар ҳали униси, ҳали буниси Жасминни ўртага олиб савол бера кетди. Интизорни эса шу тобда қулоқлари том битиб қолди гўё. У ҳеч нарсани англамас, миясида фақат бир сўз айланарди.
«Бўлиши мумкинмас»
Интизор ортиқ хонада ўтиролмади, унга ачиниш кўзлари билан қарашларини истамади. Ўша куни қаерга йўл олди, нима қилди, билмайди. У буткул карахт ҳолатда эди. Акмалга қўнғироқ қилса рақами ўчиқ экан.
-У нега бундай қилди?
Афсус саволларига жавоб йўқ эди. Эртаси ҳам, индинига ҳам Интизор касалман деб баҳона қилиб дарсга бормади. Тунлари йиғлаб, кундузи бир нуқтага термулганча ўзини-ўзи **** битирай деди. Онаси қизини бу ҳолидан ҳавотирда. Учинчи куни дарсга борган Интизор хонада Акмални кўриб барча саволларига жавоб олишни вақти етганини қалбан ҳис қиларди.
Давоми бор...
#КЎКСИМДАГИАЛАНГА
Присоединяйтесь к ОК, чтобы подписаться на группу и комментировать публикации.
Нет комментариев