Предыдущая публикация
Азнакай ишегаллары төзекләнелә бара
«Безнең ишегалды» программасы буенча Азнакайның Болгар урамы 27 йорт һәм Нефтьчеләр урамы 28 йорт ишегаллары төзекләнелгән.
Биредә яшәүче азнакайлылар Россия Федерациясенең Дәүләт Думасы депутаты Руслан Гаджиевкә һәм район башлыгы Марсель Шәйдуллинга йорт тирәләренең матурлануына нихәтле шатланганнарын сөйләделәр.
- Мин ун еллап шушы йортта яшим. Бөек Ватан сугышында катнашучының тол хатыны, хезмәт ветераны булганга, дәүләт миңа фатир мәсьәләсендә бик нык ярдәм итте. Хәзерге вакытта йорт тирәсендәге үзгәрешләргә сөенеп туя алмыйм барысы да төзек, уңайлы, матур. Ишегалдыбызны гүзәлләндергән һәркемгә бик зур рәхмәт, – диде Валентина Подовалова.
Шулай ук депутатны Азнакайның горурлыгы булган ачык бассейны һәм ЗАГС бинасы белән дә таныштырдылар.
Тулырак «Маяк» газетасында укый аласыз.
Следующая публикация
Нет комментариев