Предыдущая публикация
Сен ёнимда бўлмасанг
Менга бу дам керакмас
Эрам боғи,чамани
Тоғу-дарё керакмас.
Сен ёнимда бўлмасанг
Баҳор-ёздан не фойда
Қор бўлмаса қишида
Ғирт аёздан не фойда.
Сен ёнимда бўлмасанг
Кўрарга кўзим нечун
Дард-у ,ҳасратга тўла
Айтарга сўзим нечун.
Сен ёнимда бўлмасанг
Ёлғон дунё не даркор
Ноласи йўқ куйида
Қўлимга тор не даркор.
Сен ёнимда бўлмасанг
Яшашнинг қизиқи йўқ
Кўнглим олсин мингтаси
Барибир тузуки йўқ.
Сен ёнимда бўлмасанг
Шомурод байт битолмас
То абад бирга бўлгин
Танҳо яшаб ўтолмас.
Присоединяйтесь к ОК, чтобы подписаться на группу и комментировать публикации.
Комментарии 5
Мени сев, назар сол, қўйма бир лаҳза,
Ўзинг шу йўлларга бошладинг ахир,
Дўстимку тушунгай, аммо ғанимнинг,
Хандаси оримни қилмасин таҳқир.
Мени сев, бир бора бошим кўтариб,
Боқмайман энг гўзал гулларингга ҳам,
Кўнглимни бермасман ўзингдан бўлак,
Кўнглидан жой берган қулларингга ҳам.
Мени сев осмонинг дорини эмас,
Бўйнимга ўрагин ҳурлар рўмолин,
Қалбимни ишқингга ёр қил ҳар нафас.
Йўлдош қил, дуолар, пирлар туморин.
Майсалик қилайин, тупроқлик қилай,
Пойингда кетайин майли эзилиб.
Худойим ўзгага зор этма фақат,
Омадлар қаршимда турсин тизилиб.
Энг эзгу ниятлар дилимда ҳаргиз,
Дард берсанг ҳикматинг, синовинг севгинг,
Мени сев, ғамимдан маҳзун онамнинг,
Қалбига қувончлар тўлдирсин кулгим.
Эй, кўнглим малаги, умрим ҳилоли,
Назарсиз қолдирма бир лаҳза бир он ,
Бахтлилар сафида Нилуфарни ҳам,
Севгингга арзитгин жоним Художон!
Мени сев...
НИЛУФАР ТОҲИР