Предыдущая публикация
Лайлидек мен майли бўлайин гадо,
Сиз менга берсангиз бўлди бир садо.
Аллохим этмасин бизларни жудо,
Сизга жоним фидо, сизга жон фидо.
Сиз бўлмасангиз менга тор дунё,
Мухаббатни дарди билинг бедаво.
Не десангиз майли, деманг алвидо,
Сизга жоним фидо, сизга жон фидо.
Мухаббат ўтида ёняпман гўё,
Ишқингиз дардида бўляпман адо.
Соғинсам фалакка айтаман нидо,
Сизга жоним фидо, сизга жон фидо.
Юрагимда бордир ишқ деган савдо,
Бу савдо дардига бормикан даво.
Сиз менга кераксиз гўё, сув, ҳаво,
Сизга жоним фидо, сизга жон фидо.
Юракда чалинар ишқий бир наво,
Юрагим бўлди-ку севгидан яро.
Севги мухаббатга тўлсин бу дунё,
Сизга жоним фидо, сизга жон фидо.
Следующая публикация
Комментарии 5