Жаннатни ўйлаб, сиз яхшилик қилинг,
Савобу дуолар—эзгулик билинг,
Ота-она сўзни насиҳат илинг,
Охират азобдан асрасин Аллоҳ.
Бизларни доимо қилсинда паноҳ.
Азобда қолмасин ширин жонингиз,
Ҳалол қилинг ҳар бир еган нонингиз,
Фарз, амал керак бўлар иймонингиз
Охират азобдан асрасин Аллоҳ.
Бизларни доимо қилсинда паноҳ.
Ранжитиб, дилозор бўлмангиз асло,
Тилингиз тийсангиз, келмайди бало,
Сиз яхшисиз билинг, энг зўри аъло,
Охират азобдан асрасин Аллоҳ.
Бизларни доимо қилсинда паноҳ.
Шайтоннинг ҳийласин сезсангиз қочинг,
Яхшилик уруғин ҳаммага сочинг,
Инсонлар бир кўриб, эшикни очинг,
Охират азобдан асрасин Аллоҳ.
Бизларни доимо қилсинда паноҳ.
Бир куни келганда қиёмат қойим,
Билинки, ҳаммани кетиши тайин,
Қўрқаман ҳар битта кун ўтган сайин,
Охират азобдан асрасин Аллоҳ.
Бизларни доимо қилсинда паноҳ.
Присоединяйтесь к ОК, чтобы подписаться на группу и комментировать публикации.
Комментарии 2