Предыдущая публикация
ДАРВЕШ
Таржимаси йўқдир дардларимни ҳеч,
Ўхшаши топилмас қайғуларимни.
Ўзни англаганман бўлса ҳамки кеч,
Гуллардан изламанг туйғуларимни.
Сочимни еллар-да оҳиста силар,
Ой тун кирмасидан ўқийди ғазал:
Ҳижронимга Мажнун ҳавасда ўлар,
Армонларим ҳатто беқиёс, гўзал.
Қўлимда асодир гул хотиралар,
Ўтмиш уммонида сақлайман оқ дур --
Ҳолимни энг сара тушунтиролар
Субҳи козиб чоғи пириллаган нур.
Баҳор қўйнида ҳам сочларим қор-қор,
Фақат Тангрим билар сирру асрорим.
Ҳеч ким эмасману, битта қадрим бор -
Излаб топиб бўлмас ҳеч-да такрорим.
Ҳайрулла Ҳамидов
Следующая публикация
Нет комментариев