МУҲАРРАМ ОЙИНИНГ АШУРО КУНИ.
Мўмин-мусулмонлар ҳам бир неча асрдан буён, ҳар йили “Ашуро” кунини эъзозлаб, у кун учун алоҳида аҳамият бериб, у кунда нафл рўза тутиб, савобидан ва ажридан умидвор бўлиб турадилар. Шунингдек, ушбу кунда оилаларига ният билан рўзғор қилишадилар.
عَنْ أَبِي هُرَيْرَةَ، أَنَّ رَسُولَ اللهِ صَلَّى اللَّهُ عَلَيْهِ وَسَلَّمَ، قَالَ: "مَنْ وَسَّعَ عَلَى عِيَالِهِ وَأَهْلِهِ يَوْمَ عَاشُورَاءَ وَسَّعَ اللهُ عَلَيْهِ سَائِرَ سَنَتِهِ". (رواه البيهقى في شعب الإيمان)
Абу Ҳурайра (розияллоҳу анҳу)дан ривоят қилинади:
“Расулуллоҳ (соллаллоҳу алайҳи ва саллам):
“Ким Ашуро кунида аҳли-аёлига кенглик қилса, Аллоҳ таоло унга йилнинг қолганини кенг қилади” дедилар”.
(Имом Байҳақий “Шуъабул-иймон” китобида ривоят қилган).
Пайғамбаримиз Муҳаммад (соллаллоҳу алайҳи ва саллам)нинг айтган ҳадиси шарифларига умматларининг нечоғлиқ амал қилиб, ҳаётимизда амалга тадбиқ этилаётганлигидан даракдир. Яратган Роббимиз умрларимизни охиригача шариъатга ва суннатга, давримиз талабларига амал қилиб бориш бахтига муваффақ қилсин.
عَنْ ابْنِ مَسْعُودٍ رَضِيَ اللهُ عَنْهُ قَالَ: قَالَ رَسُولُ اللهِ صَلَّى اللهُ عَلَيْهِ وَ سَلَّمَ: "مَنْ وَسَّعَ عَلَى عِيَالِهِ فِي النَّفَقَةِ يَوْمَ عَاشُورَاءَ وَسَّعَ اللهُ عَلَيْهِ سَائِرَ سَنَتِهِ". (رَوَاهُ رَزِين)
Абдуллоҳ ибн Масъуд (розияллоҳу анҳу)дан ривоят қилинади:
Расулуллоҳ (соллаллоҳу алайҳи ва саллам):
“Ким Ашуро куни аҳли-аёлига нафақада кенгчилик қилса, Аллоҳ унга йилнинг қолганини кенг қилади” – дедилар. (Имом Розийн ривоят қилган).
Присоединяйтесь к ОК, чтобы подписаться на группу и комментировать публикации.
Нет комментариев