Предыдущая публикация
Тӑван Ҫӗршыв геройӗсене халалланӑ каç
Районти культура Ҫурчӗнче Тӑван Ҫӗршывăн Геройӗсене халалланнă уяв иртрӗ.
Уявра ветерансен «Служу Отечеству» юхăмне хутшăнакансем, волонтерсем, отпускри Ятарлӑ ҫар операцине хутшӑннă çар çыннисем пулчӗç.
Культура Ҫурчӗн фойинче Наиля Крайнова ертсе пыракан "Аксубай егетлере" баянистсен ансамблӗ хăнасем валли ҫар маршӗсем вылярӗ, тӗрлӗ курав ӗçлерӗ.
Таврапӗлӳ музейӗ СВОра çапăçса вилнӗ ентешсене халалланӑ "Пирӗн вӑхӑтри Геройсем" куравпа паллаштарчӗ. Куравра вăрçă хирӗнчен илсе килнӗ экспонатсем те пулчӗç.
Ачасен искусство шкулӗ ӳкерчӗксен куравне хатӗрленӗ. Унта Художество уйрӑмӗн воспитанникӗсем картина ӳкерес енӗпе ӑсталӑх класӗ кӑтартрӗҫ.
Вӗренекенсем Украинăра çапăçакан салтаксене ҫӗнӗ ҫул ячӗпе ҫыру-открыткӑсем хăтларӗç.
Çамрăк армеецсем автомат салатса пуçтарас тӗлӗшпе ăсталăх кăтартса пачӗç.
Кукăркӳл шкулӗ Совет Союзӗн Геройӗ Григорий Романов ҫинчен калакан куравпа паллаштарчӗ. Çамрăксен «Первые " общество организацине хутшӑнакансем хӑйсен ҫитӗнӗвӗсене кӑтартса пачӗҫ. Районти волонтерсем маскировка тетелне сарса хучӗç. Унта кашниех хутшӑнма пултарчӗ. Кунтах боецсем валли волонтер хӗрарӑмсем çӗленӗ çар тумӗн куравӗ те пулчӗ.
Пысăк залра пушӑ вырӑн пулмарӗ.
Уява райӗçтăвком ертӳçи Алмаз Мингулов уçрӗ.
– Тӑван Ҫӗршыв Геройӗсен кунӗ паттӑрлӑх летопиҫне ӗмӗрлӗхех ҫырса хунӑ ҫынсене чӗререн хисеплени, - терӗ вӑл. – Ҫапӑҫу хирӗсенче хӑйне кӑтартнисене ҫеҫ мар, мирлӗ пурнӑҫра паттӑрла ӗҫсем тунисене те.
Геройсен паттӑрла ӗҫӗсем ҫинчен каланӑ май Алмаз Мингулов киле кӗске вӑхӑтлӑха отпуска килнӗ ентешсемпе паллаштарчӗ. Зал вӗсене ура ҫине тӑрса алӑ ҫупрӗ. Ертӳçӗ волонтерсем, ахаль граждансем, организацисемпе предприятисем неонацистсемпе кӗрешекен ентешсене пысăкран та пысăк, хакласа пӗтерме май çук пулăшу панине палăртрӗ. Ятарлă çар операцине хутшăннă ентешсене пулăшу парас ӗçе хастар хутшăнакан Татьяна Лодоркина, Галина Малькова, Надежда Сулбаева, Рамзия Сунгатуллина, Валерий Сидоркин, Гелюса Нургалеева, Галина Никитина, Александра Лаврентьева, Линар Мингалеева, Роман Сулейманкин, Раис Хуснутдинов волонтерсене Тав ҫырӑвӗсем парса чысларӗ.
– Волонтерсем вӗсем боецсен шанчӑклӑ тылӗ, эсир чӑн – чӑн геройсем, сирӗн хастарлӑхӑр хавхалантарать те пӗрлештерет,– терӗ Алмаз Мингулов. Р
Район Ӗҫтӑвкомӗн ертӳҫин Тав ҫырӑвне Кивӗ Ипрел, Тактала, Кивӗ Тимушкел, Анатри Паланлă, Савгачево, Этемшӳ, Емелькино, Ҫӗмӗртлӗ, Саврăшпуç, Кивӗ Мӑкшел, Щербень, Кивӗ Саврăш, Хӗрлӗшур волонтерӗсене те парса чысларӗç.
Культура çурчӗн сцени ҫинче вăрçăра çапăçакан ентешсене пулăшу парса тăнине хастар хутшăнакан Спорт шкулӗн коллективне, Аксу техникумне, вӗренӳ пайӗн, газ службин пайӗн, "Татавтодор" филиалӑн, районти больницӑн, Чистополь электричество валеçекен предприятин коллективӗсене, Феодосий Тотемскин чиркӗвне, культура пайне палăртрӗç.
Çар чаҫӗн командованийӗнчен Анатолий Скворцов, Флен Зайнуллин, Нияз Зангирова волонтерсене тав сăмахӗ пӗлтерчӗç.
Алмаз Мингулов Валерий Сидоркина, Станислав Авдеева, Людмила Данилована « Волонтер России» медаль парса чысларӗ.«За милосердие и гумсанитарную помощь" кăкăр паллипе Валентина Гурьянована чысларӗç.
Концерт программине чи ҫутӑ номерсем пулчӗç. Вӗсене официаллӑ саламлу сăмахӗсемпе ҫыхӑнтарчӗç.
Уява пынисене Православи чиркӗвӗн настоятелӗ Александр Качаев протоиерей тата район мухтасибӗн помощникӗ Равиль-хазрат Камалетдинов, Атăл тăрăхӗнчи Тӗп çар округӗн инспекторӗ Анатолий Молоствов генерал-майор ӑшшӑн саламларӗç. Район артисчӗсем вӗсене юрă-ташăпа савăнтарчӗç.
Паттӑрлӑх, Тӑван Ҫӗршыва хӳтӗлесе ятарлă çар операцинче пуç хунă ентешсем çинчен курав ролик кашнин чунне пырса тиврӗ.
Тӑван Ҫӗршывӑн геройӗсене шӑплӑх саманчӗпе чысларӗҫ
Следующая публикация
Нет комментариев