Предыдущая публикация
А.
С. Пушкин лемсэ ловнома кудосо ютась «Этнографиянь покш диктантось». Библиотекась кармась панжадо таркакс, ков састь весе сеть ломантне, конатнень ули мелест варчамс эсь вийтнень этнографиянь содамочитнесэ. Эряви меремс, диктантось ютакшны эрьва иестэ 2016-це иестэнть саезь сундерьковонть ушодкссо. Кодат кармить цетамотне, карми содавомо седе тов.
«Этнографиянь покш диктант» просвещениянь Раськеютконь акциянть ютавты Национальностнень тевтнень коряс Федеральной вейсэндявксось. Проектэсь топавтови «Реализация национальной государственной политики» государствань программанть лувсо. Мордовия республикасо диктантонть ютавты Финнэнь-угрань раськетнень культураст Равчирень куншкакурось.
Тедеде акциясь карми ютавтовомо Россиянь весе регионтнесэ сундерьковонь 1-це чистэнть саезь сундерьквонь 8-це чинть самс. Кить а сермадсызь диктантонть офлайн-режимсэ, сетенень мереви ютамс сонзэ miretno сайтсэ. Сеске ютамодо мейле эрьвантень сы электронной сертификат, косо кармить сермадозь кочказь баллтнэ.
Кода ветявсь, диктантсо максовить 30 кевкстемат. 20 эйстэдест – вейкетть весень туртов. Эйсэст кевкстневи Россиянь весе раськетнеде.
А вана кемень меельце кевкстематне – Россиянь эрьва региононть туртов эсест. Сынь сюлмазть регионтнесэ эриця раськетнень марто.
Эряви меремс, ванды, 11.00 чассто диктантонь сёрмадомань кона ёновгак а молиця площадкакс карми Ардатовань Культурань кудось.
Следующая публикация
Нет комментариев