Предыдущая публикация
100 - киза шачема шистонза мокшэрзянь крайса содаф писательти - Надежда Степановна Живайкинати.
Нльне стака лувомска, мзяра сон казсь эсь народонцты сединень токай азкста, стихта, статьяда. И кажнайти путнезе эсь седиень псинц, Шкайть мархта максф талантонц. Синь эздост няеви оцю кельгомась мокшэрзянь крайти, ломанти, оцю мяльса лездомс кажнайти.
Надежда Степановна шачсь 1924 кизоня Краснослободскяй райононь Колапа мокшень велеса. Кемзисемге кизоса кармась работама школаса начальнай классонь учителькс. Великай Отечественнай войнать аделамде меле шумордазе учительскяй институтть, а сяльде – Мокшэрзянь госуниверситетть. Сисем кизот семьясна эрясть Узбекистанца. Мрдамок Саранскяй, покодсь мокшэрзянь книжнай издательстваса редакторкс и сяка пингть ульсь рузонь кялень преподавателькс мокшэрзянь госуниверситетонь подготовительнай курснень эса. Сяда тов - рузонь кялень и литературань учителькс средняй школаса. Творческяй кинц ушедозе стихонь сермадомаса, конат печатлакшневсть «Мокшень правда» газетаса, «Мокша» журналса, а тафта жа «Од вайгяльхть « марстонь сборникса. Васенце книгац «Атязень уроконза», кона лемтьф шабатненди лиссь 1992 - це кизоня. Сяда тов фкя-фкянь мельге лисендсть книганза «Стака киза», «Казне», «Золотой панжемась».
Следующая публикация
Нет комментариев