Предыдущая публикация
Мен улғайиб, сиз эса сўлиб,
Юрибман шон-шуҳратга тўлиб,
Эҳ, ўзимча сал катта бўлиб,
Она, сизга вақт тополмадим.
Ярим тунда кўзингизда ёш,
Йўл кутасиз, коса тўла ош.
Мен бир нокас, мен бир бағритош,
Она, сизга вақт тополмадим.
Яшаябмиз дамни кўрмай эп,
Етмишда ҳам менинг ғамим еб.
Менчи ёрим, болам, чақам деб,
Она сизга вақт тополмадим.
Кабоб териб тилло кўрамга,
Қўйлар сўйиб хону тўрамга.
Дастурхонлар ёздим жўрамга,
Она сизга вақт тополмадим.
Присоединяйтесь к ОК, чтобы подписаться на группу и комментировать публикации.
Нет комментариев