Предыдущая публикация
Менга боқар хумор кўзларинг,
Нигоҳларинг юракни ўртар.
Ҳар бир айтган ширин сўзларинг
Ақлим олар, ўзига тортар.
Йўл юрамиз йўлимиз равон,
Қалбимизда яшнар муҳаббат.
Кўнгил сенга талпинар мудом,
Дийдорингдан излайди роҳат.
Ширин суҳбат, ширин лаҳзалар,
Алишмасман жаҳонларига.
Икки дилда икки ҳарорат,
Бўйсунаман фармонларига.
Ою йиллар шошилиб ўтар,
Мажнун кезган саҳролар бўйлаб,
Отабек ҳам Раъносин кутар,
Садоқатин юракка жойлаб.
Оҳ, нақадар гўзал бу ҳаёт,
Бахтимизнинг сарчашмасида.
Бизга берар ҳар ишда мадад,
Аллоҳ деймиз, ҳар гўшасида.
Яна аста уйга қайтамиз,
Янги режа, орзулар билан
Йўл - йўлакай, дуо қиламиз,
Иймон ва соф туйғулар билан.
Присоединяйтесь к ОК, чтобы подписаться на группу и комментировать публикации.
Комментарии 1