Экскурсія на Магілёўшчыну
Райкам прафсаюза работнікаў АПК арганізаваў у мінулую суботу для сваіх работнікаў паездку на Магілёўшчыну.
– Нас сабралася 20 чалавек, – расказала загадчыца складам ГЗМ СФГ «Раднік» Таццяна Усава. – Экскурсавод усю дарогу расказваў нам пра Магілёўшчыну, яе знакамітыя мясціны, легенды і пажаданні пра іх. Да глыбіні душы ўразіла наведванне мемарыяльнага комплексу «Памяці спаленых вёсак Магілёўскай вобласці», які знаходзіцца ў вёсцы Боркі. Падчас нашага прыезду сюды, 15 чэрвеня, тут быў жалобны мітынг – у гэты дзень у 1942 годзе вёску спалілі разам з 1880 жыхарамі. Гэта былі жыхары Борак і блізляжачых вёсак. Тут устаноўлены помнік у памяць загінуўшых, капліца ў гонар іконы Божай Маці.
Присоединяйтесь к ОК, чтобы подписаться на группу и комментировать публикации.
Нет комментариев