Қалбим ноласи

#Ҳадис_1221 Ибн Аббос розияллоҳу анҳудан ривоят қилинади: «Расулуллоҳ соллаллоҳу алайҳи васаллам Жаброил билан ўтирган эдилар. Юқоридан бир овоз эшитилди. Жаброил осмонга бурилиб қаради-да: «Бу осмоннинг эшикларидан бири, ҳеч очилмаган эди, бугун очилди. Ундан бир фаришта тушди. У бугундан бошқа ҳеч тушмаган эди. У салом берди ва: «Суюнчи, сендан аввалги Пайғамбарларга берилмаган икки нур сенга берилди, Фотиҳа сураси ва Бақара сурасининг охири. Улардан ўқиган ҳар бир ҳарфингга, албатта, (савоб ва жавоб) бериласан», деди». (Имом Муслим ривоят қилган). Шарҳ Бу ҳадиси шарифдан Фотиҳа ва Бақара сураларининг улуғ фазллари билан бирга, Расулуллоҳ соллаллоҳу алайҳи васалламнинг ҳузурларига Жаброил алайҳиссаломдан бошқа фаришта ҳам келиб туришини билиб олдик. Осмоннинг ҳеч очилмаган эшиги очилиб, ундан осмондан ҳеч тушмаган фаришта тушиб, Набий соллаллоҳу алайҳи васалламга Фотиҳа ва Бақара суралари фазли ҳақида хабар бериши бу сураларнинг улуғлигини, алоҳида илоҳий эҳтимомга сазовор бўлганини яққол кўрсатиб турибди. Имом Аҳмад ибн Ҳанбал ривоят қилган ҳадиси шарифда қуйидагилар айтилади:  «Убай ибн Каъб Пайғамбар алайҳиссалом ҳузурларида Фотиҳа сурасини ўқиди. Шунда у зот: «Менинг жоним тасарруфида бўлган Зот билан қасамки, Тавротда ҳам, Инжилда ҳам, Забурда ҳам, Фурқонда (Қуръонда) ҳам бунга ўхшаши туширилмаган», дедилар». Имом Ибн Ҳиббон Саҳл ибн Саъд розияллоҳу анҳудан ривоят қиладилар, Пайғамбар алайҳиссалом:   «Ҳар нарсанинг саноми–кўзга кўринган жойи бўлади. Бақара сураси Қуръоннинг саномидир. Ким уни ўз уйида кечаси ўқиса, уч кеча шайтон кирмайди. Ким уни кундузи ўқиса, уч кун шайтон кирмайди», деганлар. #Ҳадис_1222 Абу Ҳурайра розияллоҳу анҳудан ривоят қилинади: «Набий соллаллоҳу алайҳи васаллам: «Уйларингни қабрга айлантирманглар. Бақара сураси ўқилган уйга шайтон кирмайди», дедилар». (Имом Термизий ривоят қилган). Бу ҳадиси шарифлар ҳам Қуръони Каримнинг ва Бақара сурасининг фазлини яна ҳам бошқачароқ васф қилмоқда. Барча одамлар уйларининг обод бўлишига, қабристонга ўхшаб қолмаслигига ҳаракат қиладилар. Бу мақсадни амалга ошириш учун турли-туман ишлар, сарф-харажатлар қиладилар. Бу мақсадни амалга оширишнинг энг қулай, баракали ва арзон йўли ушбу ҳадиси шарифда баѐн қилинган экан. Ҳар  бир  мусулмон  киши  ўз  уйи  обод  бўлиши,  қабрга ўхшаб  қолмаслиги  учун  Бақара  сурасини  уйида  ўқиб  турса бўлди  экан. Кишилар  ўз  уйларини  омонлик  қўрғони  бўлишини жуда  ҳам  истайдилар.  Уйда  истиқомат  қилувчиларнинг барчаси  тинч-омон  ва  хотиржам  бўлишлари  учун  барча имкониятларни  ишга  соладилар.  Айниқса,  жину шайтонлар  ѐмонлигидан  эҳтиѐт  бўлишга  алоҳида  аҳамият берадилар. Бу  мақсадга  эришишнинг  осон  ва  қулай  йўли  ҳам  ҳар ким  ўз  уйида  Бақара  сурасини  ўқиб туриши  экан. Бунга  ўхшаш ривоятлар жуда  кўп. Мисол  учун, яна  бир ривоятни  келтирайлик: Абу Убайд ривоят қилади: «Бир  одам  намозда  Бақара  ва  Оли  Имрон  сураларини ўқибди.  Намозини  тугатганидан  кейин  ҳазрати  Каъб розияллоҳу  анҳу  унга: «Бақара»  билан  «Оли  Имрон»ни  ўқидингми?»  дедилар. . «Ҳа»,  деди. «Менинг  жоним  қудрат  қўлида  бўлган  Зот  билан қасамки,  бу  икковида  у  билан  дуо  қилса  мустажоб бўладиган  Аллоҳнинг исми  бор», дедилар.   «Менга  ўргатиб қўйинг»,  деди. Ҳазрати  Каъб  розияллоҳу  анҳу: «Йўқ,  ўргатмайман,  унинг  хабарини  сенга  айтсам, ўзингни  ҳам,  мени  ҳам  ҳалок  қиладиган  дуо  қилиб қўймагин», дедилар. Имом Бухорий  ривоят қиладилар: «Усайд  ибн  Ҳузайр  розияллоҳу  анҳу  кечаси  Бақара сурасини  ўқиѐтган  эди.  Яқинида  оти  боғлиқ  турар  эди. Бирдан  от  типирчилаб  қолди.  Қироатдан  тўхтаган  эди,  от ҳам  яна  тўхтади.  Яна  ўқиган  эди,  от  ҳам  типирчилади. Ўғли  Яҳѐ  яқинида  ухлаб  ѐтарди.  От  босиб  олмасин,  деб бориб,  уни  қўлига  олди  ва  бошини  осмонга  кўтарди. Тонг отгандан сўнг ҳодисани Пайғамбар алайҳиссаломга сўзлаб берди. У киши: «Ўқи, эй Ибн Ҳузайр», дедилар. «Эй Аллоҳнинг Расули, Яҳѐни босиб олмасин, деб қўрқдим, унинг яқинида эди. Бошимни кўтариб, унинг олдига бордим. Осмонга қарасам, булутга ўхшаш нарса, ичида чироққа ўхшаган нарсалар ҳам бор. Уларни кўрмай деб чиқиб кетдим», деди. Пайғамбар алайҳиссалом: «У нималигини биласанми?» дедилар. «Йўқ», деди. У зоти бобаракот: «Улар сенинг овозингга келган фаришталар, агар тонг отгунча ўқийверганингда одамлар уларга назар солса бўларди. Улар бекинмасдилар», дедилар».

АМРУ МАЪРУФ ВА НАҲИЙ МУНКАРНИНГ ФАРЗЛИГИ ------------ Аллоҳ пайғамбарларни нега юборган? Амри маъруф ва наҳий мункар ўтган умматларда ҳам мавжуд эди, Аллоҳ таоло у билан пайғамбарларни юборди, у билан китобларни нозил қилди. Маъруфнинг асли-асоси Аллоҳнинг тавҳиди ва Унга бўлган ихлосдир. Мункарнинг асли-асоси эса Аллоҳга ширк келтириш ва Ундан ўзгага ибодат қилишдир. Барча пайғамбарлар одамларни маъруфлар ичида энг улуғи бўлмиш Аллоҳнинг тавҳидига чорлаш ва мункарлар ичида энг каттаси бўлган Аллоҳга ширк келтиришдан қайтариш учун юборилганлар. Бану Исроил бу борада сусткашлик қилгач ва ушбу вазифани зое қилгач, Аллоҳ жалла ва ало улар ҳақида шундай деди: «Бану Исроил орасидан кофир бўлган кимсалар Довуд ва Ийсо ибн Марям тилида лаънатландилар. Бунга сабаб уларнинг қилган исёнлари ва тажовузкор бўлганларидир» (Моида: 78). Сўнг уларнинг бу исёнларини шундай изоҳлади: «Улар бир-бирларини қилган нолойиқ ишларидан қайтармас эдилар. Бу қилмишлари нақадар ёмон иш!» (Моида: 79). Буни уларнинг энг катта исёнлари ва тажовузлари деб атади ва юқоридаги оятни шу билан тафсир қилди. Бу эса мазкур вазифани тарк қилиш гуноҳи нақадар катта эканини англатади. Аллоҳ жалла ва ало улардан бир умматни бу борада мақтаб, Оли Имрон сурасида шундай деди: «Аҳли китоб орасида сажда қилган ҳолларида тунлари Аллоҳнинг оятларини тиловат қиладиган тўғри йўлдаги кишилар ҳам бор. (Ўша зотлар) Аллоҳга ва охират кунига иймон келтирадилар, яхши амалларга буюриб, ёмон амал­лардан қайтарадилар ва яхшилик қилишга шошиладилар. Ана ўшалар солиҳ бандалардандирлар. Улар қилган бирон яхшилик беркитилмайди (яъни зое бўлмайди). Аллоҳ тақводорларни билувчидир» (Оли Имрон: 113-115). Аҳли китобнинг бу тоифасига амри маъруф ва наҳий мункар ишини зое қилган кимсаларга етган нарса (яъни лаънат) етмади ва Аллоҳ таоло уларни мақтади. Қуръоннинг Тавба сурасидаги бир оятда эса Аллоҳ субҳанаҳу ва таоло амри маъруф ва наҳий мункарни намоз ва закотдан муқаддам қилди, бу ҳам унинг шаъни нақадар муҳимлигини англатади. /////////////////////////////////////////////////////// Юсуф (алайҳис-салом) дуоларининг фазилати ҳақида: Аллоҳ Таъоло Қуръони Каримда, Юсуф алайҳис-саломнинг қилган дуоларини зикр қилади. У зот алайҳис-салом мана бундай дуо килган эдилар: «Эй осмонлар ва Ерни яратган Зот, дунё-ю Охиратда Ўзинг Хожамдирсан. (Умрим битиб, Сен Ўзинг белгилаб кўйган ажалим етганда) мусулмон холимда жонимни олгин ва мени ҳам солиҳ бандаларинг қаторига қўшгин». (Юсуф: 101) Ушбу дуо тавхидга икрор бўлиш, парвардигорга таслим бўлиб унга мухтожликни изхор этиш, Аллоҳ Субҳанаҳудан ўзгани валий (хожа) килиб олишдан батамом сақланиш, мусулмон холда вафот топиш банданинг энг олий мақсади бўлмоғи ва албатта бу нарса банданинг эмас Аллоҳнинг қўлида эканлигини билиш, охират кунини эътироф этиш хамда саодатга эришган солиҳ бандалар қаторига қўшишлигини Аллоҳ Таъолонинг Ўзидангина сўрашни ўзида жамлаган муборак бир дуодир.

Расулуллоҳ соллаллоҳу алайҳи васаллам: "Мўмин банда (вафот қилгач) дунё машаққати ва озорларидан Аллоҳнинг раҳматига мушарраф бўлиб роҳатланади. Фожир банда (вафот қилгач) бандалар, шаҳарлар, дарахтлар ва жониворлар роҳатланади", деб айтдилар. (Имом Бухорий ва Муслим ривояти.) Ё Роббий , бизларни раҳматингга мушарраф айла! Мўмин бандаларинг қаторидан қил. ====================================== ​​Умар ибн Хаттоб розияллоҳу анҳу айтдилар: «Насиҳатгўй бўлмаган қавмда яхшилик йўқ. Насиҳатгўйни яхши кўрмаган қавмда ҳам яхшилик йўқ!» ====================================== Солиҳлардан бири: «Аллоҳнинг неъматларига қарши чиқманглар», деди. «Ким Аллоҳнинг неъматларига қарши чиқади?» дейишди. Шунда у зот: «Аллоҳ Ўз фазлидан ато берган кишиларга ҳасад қилувчилар Аллоҳнинг неъматларига қарши чиқувчилардир», дедилар. ====================================== Эй иймон келтирганлар! Сизга ҳаёт берадиган нарсага чақирганларида Аллоҳ ва Расулига лаббай деб жавоб беринг ва билинки, албатта, Аллоҳ киши билан унинг қалбини ажратиб қўяди ва, албатта, Унинг ҳузурида тўпланурсиз. Анфол сураси, 24- оят. ====================================== Имом Ҳасан Басрий дедилар: «Тақводорларни қуйидаги аломатлардан таниб олиш мумкин: 🌱 Рост сўзлаш. 🌱 Аҳдга вафо қилиш. 🌱 Қариндошларга силаи раҳм қилиш. 🌱 Заиф ва бечораларга раҳмдил бўлиш. 🌱 Одамлар учун кам мақтаниш. 🌱 Гўзал ахлоқ. 🌱 Аллоҳга яқинлаштирувчи нарсаларда халойиқнинг олийжаноби. Эй оламларнинг Робби! Бизларни тақво аҳлидан қил!

​​АЛҲАМДУЛИЛЛАҲ ибораси ҳақида нималарни биласиз? -------- 🌸 АЛҲАМДУЛИЛЛАҲ бу Аллоҳнинг энг суйган калимасидир. 🌸 АЛҲАМДУЛИЛЛАҲ бу Аллоҳни мақташлик улуғлашлик учун энг мукаммал бўлган калимадир. 🌸 АЛҲАМДУЛИЛЛАҲ бу Одам алайҳиссалом айтган илк сўздир. 🌸 АЛҲАМДУЛИЛЛАҲ бу Қуръондаги биринчи калимадир. 🌸 АЛҲАМДУЛИЛЛАҲ бу энг афзал дуо ва зикрдир. 🌸 АЛҲАМДУЛИЛЛАҲ бу Қиёмат кунидаги энг афзал одамлар айтадиган сўздир. 🌸 АЛҲАМДУЛИЛЛАҲ бу Жаннатнинг кўчатидир. 🌸 АЛҲАМДУЛИЛЛАҲ бу Хурсандчиликда ҳам, хафачиликда ҳам – ҳар бир ҳолатда айтиладиган жумладир. -- Буни ўқишлик неъматини бергани учун яна бир марта АЛҲАМДУЛИЛЛАҲ денг -- АЛҲАМДУЛИЛЛАҲ биз сизни Аллоҳни ўн марта зикр қилиб, мақташингизга, жаннатда ўнта дарахт ва бу калима учун ваъда қилинган савобларни қўлга киритишингизга сабабчи бўлдик. Сиз ҳам яқинларингизнинг ҳамд айтишига сабабчи бўлинг! 

79-боб.Адолатли бошлиқнинг фазилати ҳақида. _______________ Аллоҳ таоло: «Албатта, Аллоҳ адолатга ва чиройли амаллар қилишга... буюрур» (Наҳл сураси, 90-оят), «(Мудом) адолат қилинглар! Зеро Аллоҳ адолат қилгувчиларни севар» (Ҳужурот сураси, 9-оят), деб айтган. 658/1. Абу Ҳурайрадан р.а. ривоят қилинади. Расулуллоҳ с.а.в. : «Аллоҳ таоло етти тоифа кишига соя йўқ кунда ўз соясидан (Қиёмат ҳароратида Аршнинг соясидан) паноҳ берур: 1) одил подшоҳ; 2) Аллоҳнинг ибодатида ўсган йигит; 3) масжидга қалби муаллақ (боғлиқ) бўлган киши, яъни масжиддан чиқиб, то унга қайтгунича қалби боғлиқ бўлувчи; 4) Аллоҳ йўлида дўст бўлувчи икки биродар шахс, улар Аллоҳ йўлида жам бўлиб, Унинг йўлида ажраладилар; 5) бир кишини ҳусну жамолда тенгги йўқ аёл (ёмон ниятда) ўз нафсига чақирса, у киши Аллоҳдан қўрқаман, деб жавоб қилса; 6) бир киши бирор садақа қилса, ўша берган садақасини шу даражада махфий қилсаки, ўнг қўли билан берганини чап қўли сезмаса; 7) бир киши холи ҳолда Аллоҳни эслаганида, кўзидан ёш оқса», дедилар. Имом Бухорий ва Муслим ривоятлари. 659/2. Абдуллоҳ ибн Амр ибн Оссдан р.а. ривоят қилинади. Расулуллоҳ с.а.в. : «Адолатли бўлган (бошлиқ)лар учун Аллоҳ ҳузурида нурдан бўлган минбарлар бордир. Яъни у бошлиқлар ҳукм чиқаришда, ўз аҳллари ва ўз вазифаларига адолатли бўлишади», дедилар. Имом Муслим ривоятлари. 660/3. Авф ибн Моликдан р.а. ривоят қилинади. Расулуллоҳ с.а.в. : «Сизларнинг яхши ҳокимларингиз шундай кишиларки, сизлар уларни яхши кўрасизлар. Улар ҳам сизларни яхши кўришади. Сизлар улар ҳаққига дуо қиласизлар. Улар ҳам сизларнинг ҳаққингизга дуо қилишади. Ёмон ҳокимларингиз шундай кишиларки, сизлар уларни ёмон кўрасизлар. Улар ҳам сизларни ёмон кўришади. Сизлар уларни лаънатлайсизлар. Улар ҳам сизларни лаънатлашади», деганларида, биз: «Эй Аллоҳнинг Расули, ундоқ бўлса, улар билан урушайликми?» деганимизда, у зот: «Модомики намоз ўқишар экан, урушманглар», деб айтдилар. Имом Муслим ривоятлари. 661/4. Иёз ибн Ҳимордан р.а. ривоят қилинади. Расулуллоҳ с.а.в. : «Уч тоифа киши жаннат аҳлидир: 1. Адолатга муваффақ бўлган подшоҳ; 2. Қариндошлари ва мусулмон биродарларига раҳмли ҳамда қалби юмшоқ киши; 3. Болалари кўп ва ўзи муҳтож бўласа-да тиланчилик қилмайдиган киши», дедилар. Имом Муслим ривоятлари.

НАФСИНГ ҲИДОЯТ ЙЎЛИГА ЮРМАСЛИГИ. ----------- Аллоҳ субҳанаҳу ва таоло Мусо алайҳис-саломни қавми тарбияси борасида итоб қилиб шундай дейди: Унинг учун лавҳларга (яъни Таврот варақларига) ҳамма нарсани — панд-насиҳат ва барча нарсаларнинг тафсилотини ёзиб қўйдик ва: «Уларни маҳкам ушлагин ҳамда қавмингни у панд-насиҳатларнинг энг гўзалларини олишларига буюргин» (дедик). Энди сизларга итоатсиз кимсаларнинг диёрини кўрсатурман. (Аъроф сураси, 145-оят). Нафси-ҳафо йўлини кесишнинг биринчи қадами шу ердан бошланади. Нафсингиз иштаҳа қилган ҳар нарса кетидан юрманг. Ҳамма сўраган нарсасини муҳайё қилманг. Масалан, нафсингиз тоат ибодатларга узоқ чидай олмайди. Сизга: - кел еб олгин, ёки фалончини зиёратига борайлик, деб xолингизга қўймайди. Сиз бўлса: "йўқ аввал Қуръондан кундалик вазифамни ўқиб олай, кейин борамиз" денг. Унга бўйсунмасангиз ва унинг истакларини инкор қилиб қайта-қайта уни синдираверсангиз уни бўйсундириб оласиз. Ана шунда ҳимматингиз олий бўлади. Иродаси кучли инсонга айланасиз. Муслима синглим, бу сўзлар сизга ҳам тегишли. Агар нафсингиз: дугонанг билан гаплаш, телефон қил!- деса. - Йўқ қачонки мен шу сурани ёдламас эканман ҳеч айтганингга кирмайман. Ёки эрталабки ва ё кечки зикр-дуоларни қилмагунча бунга йўл йўқ! - денг. Ёки бўлмаса авввал юз марта: "ла илаҳа иллаллоҳу ваҳдаҳу ла шарика лаҳ, лаҳул мулку ва лаҳул ҳамду ва ҳува ала килли шайъин қодиир" -деб айтай кейин шундай қиламан, денг. Мубоҳ ишларни қилишдан олдин ўзингизга шундай шартлар қўйинг. Чунки нафсингиз биринчи босқичда сизни ҳаромлар у ёқда турсин макруҳ нарсаларга ҳам чақирмайди, балки мубоҳ нарсалар билан машғул қилади. Кимки нафси хоҳлаган ҳамма нарсаларни қилаверса ҳалок бўлади. Шунинг учун ҳам Аллоҳ азза ва жалла нафси ҳавосига қарши чиққан кишилар ҳолини баён қилган: Эндиким(ҳаёти-дунёдалик пайтида Қиёмат Куни маҳшаргоҳда) Парвардигорининг (ҳузурида) туриши(ва У зотга ҳисоб-китоб бериши)дан қўрққан ва нафсини ҳавойи хоҳишлардан қайтарган бўлса. У ҳолда фақат жаннатгина (унинг учун) жой бўлур. (Назиат сураси, 40, 41оятлар) Нафснинг моҳиятини эса бундай сифатлайди: Чунки нафс — агар Парвардигоримнинг Ўзи раҳм қилмаса — албатта барча ёмонликларга буюрувчидир. Дарҳақиқат, Парвардигорим мағфиратли, меҳрибондир. (Юсуф сураси, 53-оят). Нафс инсон сезмаган ҳолда ибодат қилинадиган Тоғутга ҳам айланиши мумкин. . (Эй Муҳаммад), ҳавойи нафсини ўзига «илоҳ» қилиб олган ва Аллоҳ уни билган ҳолида йўлдан оздириб, қулоқ ва дилини муҳрлаб, кўз олдига парда тортиб қўйган кимсани кўрганмисиз? Бас, уни Аллоҳ (йўлдан оздиргани)дан сўнг ким ҳидоят қила олур?! Ахир эслатма-ибрат олмайсизларми?! (Жосия сураси, 23- оят). Ҳавога эргашиш залолат сабабидир. Энди агар улар сизга жавоб бера олмасалар, бас, билингки улар фақат ҳавойи нафсларигагина эргашурлар. Аллоҳ томонидан ҳидоятланмаган ҳолда ўз ҳавои нафсига эргашган кимсадан ҳам йўлдан озганроқ ким бор?! Албатта Аллоҳ бундай золим қавмни хидоят қилмас. (Қасас сураси, 50-оят). Эй роббим ўз фазлинг билан бизни ҳидоятли бандаларингдан қил, офият бер, нафсларимиз ёмонлигидан асра, раҳматларинг билан бизни буркагин!

❄️ Кимдир декабрнинг сўнгги кунини интизор кутади, кимдир Рамазоннинг сўнгги кунларини… . ❄️ Кимдир инсонлар томонидан белгиланган кунларни байрам қилади, кимдир Аллоҳ байрам қилиб берган кунларни… ❄️ Кимдир янги йил кечаси тонггача хурсандчилик қилади, кимдир Қадр кечаси тонггача ибодат… ❄️ Кимдир ўтган йил қанчалик омадли келганини сарҳисоб қилади, кимдир ўтган умр қанчалик тўғри яшаганини… ❄️ Кимдир келгуси йилдаги орзулари ушалишини сўрайди, кимдир қолган умрида хайрни… ❄️ Кимдир арча атрофида айланиш билан завқланади, кимдир Каъба атрофида айланиш билан… ❄️ Кимдир фарзандига қорбобога айтиб бериши учун шеър ёдлатади, кимдир Аллоҳ розилиги учун Қуръонни ўргатади… ➖Бир-биридан тубдан фарқли икки жиҳат бир инсонда жамланмайди. ➖Қалбдаги икки хилликдан бири, албатта, иккинчисини сиқиб чиқаради!

------- БУГУН ЖУМА ------------------------ Пайғамбаримиз Мухаммад саллаллоху алайхи васалламга САЛАВОТНИ купайтиринг ▪▪ Аллох Таоло деди : Албатта, Аллоҳ ва Унинг фаришталари Набийга саловот айтурлар. Эй иймон келтирганлар! Унга саловот айтинг ва салом йўлланг. ​​ҚИСҚА САЛАВОТЛАР اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ. 💫 Ўқилиши: “Аллоҳумма солли ъалаа муҳаммадив-ва ъалаа аали муҳаммад”. 🌹🍀... Маъноси: “Ё Аллоҳ, Муҳаммадга, Муҳаммад оиласига салавот йўлла”. صَلَّى اللهُ عَلَى مُحَمَّدٍ. 💫Ўқилиши: “Соллаллоҳу ъалаа муҳаммад”. 🌹🍀... Маъноси: “Аллоҳ Муҳаммадга салавот йўлласин”. صَلَّى اللهُ عَلَيْهِ وَسَلَّمَ. 💫Ўқилиши: “Соллаллоҳу ъалайҳи ва саллам”. 🌹🍀... Маъноси: “Аллоҳ Муҳаммадга салавот ва салом йўлласин”. أَللَّهُمَّ صَلِّ وَسَلِّمْ وَبَارِكْ عَلَيْهِ. 💫 Ўқилиши: “Аллоҳумма солли ва саллим ва баарик ъалайҳ”. 🌹🍀... Маъноси: “Ё Аллоҳ, у зотга салавот ва салом йўлла, баракангни давомли қил”. اللَّهُمَّ صَلِّ عَلَى مُحَمَّدٍ وَعَلَى آلِهِ وَسَلِّمْ. 💫 Ўқилиши: “Аллоҳумма солли ъалаа муҳаммадив-ва ъалаа аалиҳий ва саллим”. 🌹🍀... Маъноси: “Ё Аллоҳ, Муҳаммадга, у зот оиласига салавот ва салом йўлла”. صَلَّى اللهُ وَسَلَّمَ عَلَى نَبِيِّنَا مُحَمَّدٍ وَعَلَى آلِهِ وَأَصْحَابِهِ أَجْمَعِينَ. 💫 Ўқилиши: “Соллаллоҳу ва саллама ъалаа набиййинаа муҳаммад, ва ъалаа аалиҳий ва асҳаабиҳий ажмаъийн”. 🌹🍀... Маъноси: “Аллоҳ Пайғамбаримизга, у зот оила аъзоларига, барча саҳобаларига салавот ва саломлар йўлласин!” 🥀Соллаллоҳу алайҳи васаллам 🥀Соллаллоҳу алайка я Росулаллоҳ. 🥀Аллоҳумма солли аъла Муҳаммад. 🥀Аллоҳумма солли аълаа саййидина Муҳаммад. 🥀Аллоҳумма солли ва саллим ъалaа ҳабибина Муҳаммад. 🥀Аллоҳумма солли аълаа Муҳаммад ва ъалаа аали Муҳаммад иннака ҳамидум мажид. 🥀Аллоҳумма барик ъалаа Муҳаммад ва ъалаа али Муҳаммад иннака ҳамидум мажид. Расулуллоҳ соллаллоҳу алайҳи ва саллам айтдилар: «Ким менга бир маротаба саловат айтса, Аллоҳ унга ўн маротаба саловат айтади ва ундан ўнта ҳатони ўчиради.»(Имом Бухорий). Ҳабибимизга ﷺ қисқа салавотларнинг айтилиши • صَلَّى اللهُ عَلَيْهِ وَسَلَّمَ Ўқилиши: "Соллаллоҳу ъалайҳи васаллам". Маъноси: "У зотга Аллоҳнинг салавот ва саломи бўлсин!" • عَلَيْهِ السَّلَامَ Ўқилиши: "Алайҳиссалом". Маъноси: "У зотга салом бўлсин!" • عَلَيْهِ الصَّلَاةُ وَالسَّلَامَ Ўқилиши: "Алайҳиссолату вассалам". Маъноси: "У зотга салавот ва салом бўлсин!" • صَلَّى اللهُ عَلَى مُحَمَّدٍ Ўқилиши: "Соллаллоҳу ъалаа Муҳаммад". Маъноси: "Муҳаммадга Аллоҳнинг салавоти бўлсин!" ⠀ • أَللَّهُمَ صَلِّ وَسَلِّمْ وَبَارِكْ عَلَيْهِ Ўқилиши: "Аллоҳумма солли васаллим ва баарик ъалайҳ". Маъноси: "Аллоҳим! У зотга салавот ва салом йўлла, баракангни давомли қил!" • أَللَّهُمَ صَلِّ عَلَى مُحَمَّدٍ وَعَلَى آلِ مُحَمَّدٍ Ўқилиши: "Аллоҳумма солли ъалаа Муҳаммадив ва ъалаа аали Муҳаммад". Маъноси: "Аллоҳим! Муҳаммадга, Муҳаммаднинг оиласига салавот йўлла!" • أَللَّهُمَ صَلِّ عَلَى مُحَمَّدٍ النَّبِيِّ الأُمِّيِّ وَعَلَى آلِ مُحَمَّدٍ Ўқилиши: "Аллоҳумма солли ъалаа Муҳаммадинин набиййил уммиййи ва ъалаа аали Муҳаммад". Маъноси: "Аллоҳим! (Бирон кишидан) ўқиш-ёзишни ўрганмаган набий Муҳаммадга, Муҳаммад оиласига салавот йўлла!" • أَللَّهُمَ صَلِّ عَلَى مُحَمَّدٍ وَعَلَى آلِهِ وَسَلِّمْ Ўқилиши: "Аллоҳумма солли ъалаа Муҳаммадив ва ъалаа аалиҳий васаллим". Маъноси: "Аллоҳим! Муҳаммадга, у зот оиласига салавот ва салом йўлла!" • صَلَّى اللهُ وَسَلَّمَ عَلَى نَبِيِّنَا مُحَمَّدٍ وَعَلَى آلِهِ وَأَصْحَابِهِ أَجْمَعِينَ Ўқилиши: "Соллаллоҳу ва саллама ъалаа набиййинаа Муҳаммад, ва ъалаа аалиҳий ва асҳаабиҳий ажмаъийн". Маъноси: "Пайғамбаримизга, у зот оила аъзоларига, барча саҳобаларига Аллоҳнинг салавот ва саломлари бўлсин!"

Пайғамбаримиз саллаллоҳу алайҳи васаллам айтадилар: ------- [Саҳифасида кўп истиғфор топилган кишига Тубо (шодлик, жаннат) бўлсин] Истиғфорнинг фазилатлари: 1. У Аллоҳ азза ва жаллага тоаът демакдир 2. У гунохларни кечирилишига сабаб бўлур 3. (Баракотли) Ёмғирлар келишига сабаб. 4. Фарзанд ва бойликлар берилишига сабаб 5. Жаннатларга киришга сабаб. 6. Қувват маъносини ичига олган барча нарсада зиёдалшишга сабаб {Истиғфор айтинглар, Қувватингизга қувват зиёда қилади} оятига биноан. 7. Дунё матоларини яхшилари берилишига сабаб {Роббингизга истиғфор айтинг, сўнгра унга тавба қилинглар. (Шунда) У зот сизларни маълум муддатгача яхши роҳатлар ила баҳраманд қилур ва хар бир фазл эгасига фазлини берур..} [Ҳуд-3-оят] оятига биноан. 8. Балоларни даф бўлишига сабаб {Аллоҳ уларни истиғфор айтучи бўлган ҳолларида азоблагучи эмасдир} оятига биноан. 10. Бандалар истиғфор айтишга энг эҳтиёжи катта бўлганлардир,…чунки улар кеча-ю кундуз хато қиладилар агар истиғфор айтсалар Аллоҳ мағфират қилади. 11. Истиғфор Аллоҳдан раҳмат ёғилишига сабабдир. {Аллоҳдан мағфират сўрасангиз-чи?! Шояд раҳим қилинсангизлар} [Намл-46-оят] оятига биноан. 12. Мажлисга каффорот бўлур 13. Уни айтиб юриш Пайғамбаримиз алайҳис саломни суннатларига эришиш демакдир. У зот хар куни 70 баъзига ривоятларда 100 бора истиғфор айтганлар.

Силаи раҳм (қариндошлар билан алоқа қилиш) ҳақида _______________ Абу Ҳурайра розияллоҳу анҳудан ривоят қилинади: Расулуллоҳ соллаллоҳу алайҳи ва саллам айтдилар: «Аллоҳ таоло бутун мавжудотни яратиб, фориғ бўлгач, қариндошлик алоқаси ўрнидан туриб: «Мен алоқани узишдан Сендан паноҳ тиловчи мақомида турдим», деди. «Жуда яхши, сени боғлаган одамни (Ўзимга) боғлашимга ва сени узган одамни (Ўзимдан) узишимга рози бўласанми?!», деди. «Ҳа, эй Роббим!», деди. «Унда шу нарсани сенга ато этдим», деди. Сўнг Расулуллоҳ соллаллоҳу алайҳи ва саллам айтдилар: «Истасангиз ушбу оятни ўқинглар: «Агар(иймондан) юз ўгирсангизлар, яқин-ки, сизлар Ерда бузғунчилик қилурсизлар ва қариндош-уруғларингиз (билан ҳам алоқаларингиз)ни узурсизлар! Ундай кимсаларни эса Аллоҳ лаънатлагандир, уларнинг (қулоқларини панд-насиҳат эшитишдан) кар, кўзларини эса (Тўғри йўлни кўра олмайдиган) кўр қилиб қўйгандир. Ахир улар Қуръон ҳақида фикр юритмайдиларми?! Балки дилларида қулфлари бордир, (шунинг учун у дилларга Қуръон нури етмаётгандир)?!» (Муҳаммад: 22-24) (Муттафақун алайҳ). Абу Ҳурайра розияллоҳу анҳудан ривоят қилинади: Мен Расулуллоҳ соллаллоҳу алайҳи ва салламнинг шундай деганларини эшитганман: «Ким ризқи мўл-кўл қилинишини ва умри узайтирилишини истаса, силаи раҳм (қариндошлари билан алоқа) қилсин!» (Имом Бухорий ривояти). Абдуллоҳ ибн Амр розияллоҳу анҳумодан ривоят қилинади: Расулуллоҳ соллаллоҳу алайҳи ва саллам дедилар: «Ҳақиқий силаи раҳм қилувчи киши қариндошлари тарафидан унга қилинган алоқага жавоб тариқасида (борди-келди) алоқа қилаётган одам эмас, балки улар тарафидан алоқа узилган пайтда уларга алоқани боғлаган одамдир» (Имом Бухорий ривояти). Абу Ҳурайра розияллоҳу анҳудан ривоят қилинади: Бир киши: «Ё Расулуллоҳ, менинг қариндошларим бор, мен уларга алоқа қиламан, улар мендан алоқани узишади. Мен уларга яхшилик қиламан, улар менга ёмонлик қилишади. Мен уларга ҳалимлик қиламан, улар менга қўполлик қилишади», деди. Расулуллоҳ соллаллоҳу алайҳи ва саллам дедилар: «Агар ўзинг айтаётганингдек бўлсанг, гўёки сен уларга қайноқ кул едиряпсан экан (яъни, улар оғзига чўғ солинган одам каби алам-оғриққа дучор бўлишади) ва модомики шу ҳолда давом этар экансан, улар қаршисига Аллоҳ тарафидан бир ёрдамчи сен билан бирга бўлаверади» (Имом Муслим ривояти). ️Шарҳ: Ислом қариндошларни бир-бирлари билан алоқа қилиш ва меҳр-мурувватли бўлишга ундайди, мусулмонлар ўртасида бир-биридан узилиш ва юз ўгириш каби салбий ҳолатлар бўлишини қоралайди. Шунинг учун Аллоҳ таоло силаи раҳмга буюрган ва уни узган кишиларга азоб бўлиши билан огоҳлантирган. Расулуллоҳ соллаллоҳу алайҳи ва саллам ҳам силаи раҳмга тарғиб қилганлар ва у умрнинг узун, ризқнинг кенг-мўл бўлишига сабаб эканини хабар берганлар. /////////////////////////////////////////////////////// БИР ДАҚИҚАДА. "Фотиҳа" сурасини қироат билан беш марта уқишимиз мумкин ("Фотиха"ни бир маротаба уқиганда 1400савоб беришини хисобга олсак,Беш марта уқиб 7000савобга эга бўламиз). Ўн марта "Иҳлос " сурасини уқиса бўлади (Бу сурани уч марта уқиш Қуръонни бир марта хатм қилишга тенг.Демак,кунига бир дақиқамизни "Ихлос" уқишга ажратсак,ойига 300,йилига 3600марта "Ихлос" уқиган бўламиз.Бу эса 1200марта Қуръонни хатм қилиш дегани). Қуръони каримдан бир сахифа ўқиш мумкин. Қисқароқ битта хадис,қисқа оят ёдлаб олиш имкони бор. 30марта тавхид калимасини айтсак бўлади. 100маротаба "Субҳаналлоҳи ва биҳамдиҳи"ни такрорлаш мумкин (Ушбу зикрни мунтазам айтиб юрган кишининг гунохлари денгиз купигичалик бўлса-да,кечирилиб юборилади). 40марта "Ла ҳавла ва ла қуввата"ни айтиш мумкин (Мазкур зикрни қанча куп айтилса,Жаннатга кириш имкони шунчалик яқин келишликни ифодаси). 60марта "Астағфируллох ал-азим"ни кайтарса булади (Бу зикр ортидан Роббимизнинг афвига умид қилишимиз мумкин). 25маротаба саловат айтиш имкони бор (Бир марта саловат келтиришда 250савоб мавжуд.Куп саловат айтиш орқали Расулуллох (с.а.в.)нинг шафоатларига ноил булишимиз мумкун )