Предыдущая публикация
Да рабіны неяк раз зімою
Яркагруды гіля прыляцеў.
На галінку тонкую прысеў
І лісліва ён гаворыць з ёю:
–Я ляцеў не дзень і не гадзіну,
У мясцінах розных пабываў,
А такую стромкую рабіну
Я яшчэ нідзе не сустракаў.
Белы снег на вас, нібы сукенка,
Ягады, як пацеркі гараць.
Вы дазвольце, пекная паненка,
Гэтых бубак мне пакаштаваць.
Клюнуў раз, другі, чацвёрты, шосты,
То з адной галінкі, то з другой.
Ці то ўніз павісне галавой,
Ці на верхавіну скокне проста.
Наглытаўся гіля з галадухі
Мёрзлых ягад аж да гаркаты
І памчаў у гушчу завірухі,
Што трапала рэдкія кусты.
…На марозе колкім дрэва стыне,
Лопаецца крохкая кара.
Нібы тыя грудзі снегіра
Разгарэлісь гронкі на рабіне.
Присоединяйтесь к ОК, чтобы подписаться на группу и комментировать публикации.
Нет комментариев