37-қисм
МУАЛЛИФ ШАМСИНУР
-Шу одам жуда ғалати. Ёки менга шундай туюлсами? Хотининг қандай чидаса экан сени феълингга?
Интизор индамай йўлида давом этди. Бўш қолди дегунча Фазлиддин уни олдига келиб оларди.
-Интизор яхшимисиз? Менсиз зериккансиз деб келавердим
-Рости ўйлаб тургандим нега кўринмаяптилар деб.
-Хахаха кўнгилни бирлигини қаранг, билгандек келибман а?
-Шуни айтинг
-Беморлар кам эди, ўтиравериб зерикдим. Телефон титкилаб ўтириш менга эмас. Ундан кўра жонли суҳбатдош яхши.
-Нимасини айтасиз.
-Ҳуллас уч кун дам олдизми?
-Тахмин қилингчи.
Фазлиддин ўйланиб қолди.
-Ҳм... Сизни ёшизда совчи келган бўлиши мумкин. Аммо мени юрагимни яралаб шу ҳақиқатни айтманг,- қизга ёлғондакам пўписа қилди.
-Ҳатто ҳақиқатга яқин ҳам келмадингиз.
-Йўғеэе, унда кўнглим бир мунча хотиржам тортди. Ичимни қиздирмасдан айтинг.
Интизор телефонини олиб медаль тақилаётган видеони қўйиб берди. Фазлиддин эса мум ютгандек жимиб қолганди. Бироздан сўнг тилга кирди.
-Наҳотки... Шокдаман. Нима дейиларди? Шу вақт тилимга сўз келмаса денг. Ҳуллас мен ҳайратнинг юқори чўққисидаман. Интизор ишонинг бу... Бу ажойиб.
-Қўйсангизчи, оддий каратэ ҳолос.
-Ўта камтарлик ҳам манманликка киради. Лекин бир томондан хурсандман.
-Нима учун?
-Энди ҳеч кимдан қўрқмайман. Биров менга гап отса бориб абжағини чиқарасиз хўп.
Фазлиддин кулиб қош учирди. Уни самимий кулгуси Интизорга ҳам юқиб кулиб юборди.
-Гапниям бопладиз, тентак,- бояги асаббузарликдан асар ҳам қолмаганди.
***
-Уч кун бўлди, қачон кетасан?
-Кетмайман ойи.
Жасмин оёғини чўзиб ўтирганча ўзини расмга олаётганди.
-Қачон шу даҳмаза матоҳдан қутиласан?
-Ойи сизга оғирлиги тушяптими? Сира тушунмайман сизни. Замон талаби бу. Инстаграмда мени қанча одам кузатади биласизми?
-Шу одамлар сени чидаб бўлмас феълингни билса нима деркан?
-Хахахаааа ким айтиб ўтирибди уларга?
-Сен аҳмоқ гапга кирмайсан. Тур ашқол-дашқоммарингни йиғда жўна. Мехмонни иззати уч кун.
-Ойи мени ўз уйимдан ҳадяпсизми?
-Сени уйинг эрингни уйи энди. Биламан айб сендан ўтган. Турда уйингга кет,-қизини чидамсизлиги Сожида опани асабини бузарди.
-Ойи мен билан ишингиз бўлмасин, йўқса дадамга айтаман
-Эе айтсанг катта кўча. Менга фарқи йўқ.
-Ойи мен олиб кетмагунча кетмайман.
-Ялиниб келармиди?
-Келаси, бошқа гўргаям борармиди?
Жасмин шубдай деганча инстаграмга кириб спнгги расмидаги изоҳларни ўқий бошлади.
«жуда гўзалсиз»
«Бундай гўзаликка эга чиққан инсонга ҳавасдаман»
«вай буни асаллигини»
«жонидан бирор кун кўришайлик, ҳажрингизда адо бўлдимку»
«қайси сўтакка теккансан, рашки йўқ ҳезалак экан»
Ҳушомадли изоҳлар билан, дилни хира қилувчилари ҳам топилиб қоларди. Жасмин эса эридан хабар кутарди. Акмал ҳамон жим.
38-қисм
-Аблах, нега жимиб кетди бу? Ўламан , куяман деганлари ёлғонмиди ҳали?
Жасмин яна уч кун ота уйида тургач қайнонаси олиб кетиш учун келди.
-Қизим ёш сизлар, қизиққонлик қилиб оилани ўйинчоқ қилманглар.
Муаззамхон ўтирган столларида бироз ноқулайлик ҳис қилди. Ўзини одмигина хонтахтасига ўрганиб қолган экан. Бундайин ҳашаматни сира ҳам кутмаганди.
-Ойи ўғлингиз... Мени тушунишни истамайдилар. Доим ўзларини ҳақ деб ҳисоблайдилар.
-Эркак киши озгина баланд келганда, аёл киши бир поғона паст кетмаса, оилани тинчлиги бузилади.
-Йўқ бормайман.
-Қани кийининг, ойизгаям айтдим олиб кетаман деб. Мен ташқарида кутаман.
Сожида опа қизи ва қудаси гаплашиб олсин учун хонага кирмай турганди. Қудаси чиққач дарҳол олдига борди.
-Гаплашдингизми?
-Ҳа, кийимларини олсин, олиб кетаман. Ҳар бир оилада бўлади бунақа ҳолат. Ёшлик қилишганда
-Нимасини айтасиз.
Аммо Жасминни отаси бундай ўйламасди. Қизини кўкарган йизи учун Акмал жавоб зарбаси тайёрлаб қўйганди. Тавбасига таянтирош йўлларини чизиб чиққанди.
Жасмин хўмрайибгина сумкасини олиб эшикдан чиқди.
-Ана бу бошқа гап. Қани олдинга тушингчи.
***
Интизорни таътили тугашига саноқли кунлар қолганди.
-Интизор ҳар кун келишингга ўрганиб қолган эканман.
Гулмира опа астойдил куйиниб гапирди.
-Ҳафтада бир келаман энди.
-Бечора Фазлиддин қийналади сенсиз..
-Опа қўйсангизчи, биз фақат дўстмиз. Ундан ортиғи эмас.
-Фазлиддинни кўзларида сенга нисбатан севгини аллақачон пайқаганман.
-Биз дўстмиз. Тамом, бу борада ортиқча гапга ўрин йўқ.
Интизор гапни қисқа қилди. Аслида Фазлиддин севги борасида гапирмайди. Икки дўст яхши суҳбатдош бўлиб фикр алмашишади.
-Биз барибир ҳамкорлик қилмасак керак.
-Нега ундай деяпсиз?
-Геникологияда ҳам сизга мурожаатни айтишади, яна бир қанча маҳсус докторлар сизга юборишади. Эндокрин тизимида бузилиш бўлгандир деб. Лекин биз операция қиламиз. Бориб буқоққа даволан демаймизда.
-Нега энди? Касалликни асосий сабабини эндокрин безлари ҳам ишлаб чиқарган бўлади. Бунинг учанам барибир бизга мурожаат қиласизлар.
-Менда кўпинча томоқ оғриғи безовта қилади. Бу шамоллашми? Ёки сизларга тегишлими?
-Ютинганда томоқда оғриқ, қичишиш, нарса тиқилгандек бўлиши, овоз тембрининг ўзгариши кузатилади. Бундай ўзгаришлар шамоллаш билан боғлиқ бўлмаса, тез-тез қайталанса, мунтазам кўринишга ўтса, бу қалқонсимон без патологияси бўлиши мумкин. Безнинг катталашиши ёки унда тугунчалар пайдо бўлиши ён атрофдаги тўқималар, нерв толаларининг сиқилишига олиб келади ва натижада шундай белгилар пайдо бўлади.
-Балки текшириб кўрарсиз?
-Майли, хонага юринг.
Интизорни бўйни орқали ультратовуш аппарати билан, Фазлиддин текшира бошлади.
-Сизда жиддий бирор ҳасталик, шиш, без кўрмадим. Ҳаммаси жойида. Лекин битта ҳақиқат, сиз ҳаддан ортиқ муздек сув ичасиз. Бу вақти келиб ангинага салбий таъсир қилади
-Яхши ўзлаштирибсиз. Мен сизни бу даражада билимли деб ҳисобламагандим.
-О ишонч ҳосил қилдим денг
-Шунақароқ.
39-қисм
-Қўлимга тушиб қолманг дуо қиламан.
Фазлиддин яна кулиб қўйди.
-Амин
Интизор шодон ҳолатда ўз хонасига бориб ўтирди.
-Интизор Файзиевга мана бу ҳужжатларни киритиб бер.
-Уфф шу совуқ докторизни жуда севаманда,-Интизор энса қотирди.
-Унақа доктор кам, у ҳалол одам. Бирор марта пора олганини кўрмаганмиз. Жиддийлиги энди, бу ҳам бир феъл атворда.
-Ҳм, ўргилдим.
Интизор ёқар -ёқмас, дафтарларни олиб Файзиевни хонаси томон юриб кетди. Эшиги олдига етгач, бостириб кирмай тақиллатди. Аммо жавоб бўлмади. Яна тақиллатди, жимлик. Кейин эшикни оҳиста очиб ичкарига кирди. Кирганда кўрган ҳолатидан ҳайратда эди. Файзиев намоз ўқиётган экан. Уни ўқиб бўлишини , эшик олдида кутиб турди. Файзиев ўрнидан туриб жоҳнамозни йиғиб олгач Интизорга савол назари билан юзланди. Интизор довдираб сўзини унутди. Нима дейишни билмади..
-Кирсам майлими?
-Кириб бўлиб рухсат сўрайсизми? Олиб келинг қўлиздагиларни.
Усмон столида ўтирганча Интизорни имлади.
-Мана.
-Ҳаммаси шу эканми?
-Билмадим, менга шуни бериб юборишди
-Бўшсиз.
Файзиев дафтарларни олгач, ҳиссизгина шу гапни айтди. Интизор ҳам ҳудди ўзи сингари совуқлик билан хонани тарк этди.
-Негадир шу одамни башараси ёқмайди. Тушунмайман,- қиз тўнғиллаганча ўз жойига бориб ўтирди. Сўнгра доим ўзини хурсанд қилувчи гапларни кўзгусига қараб айтишни бошлади:
-Ҳаётнинг мақсади барча ниятларни амалга ошириш эмас, балки ҳаёт йўлидаги ҳар бир қадамдан завқланиш. Мени кайфиятимни, муз ҳам, бўрон ҳам, тўфон ҳам бузолмайди. Олғааа Интизор.
Ўзига табассум ҳадя этиб кўнглини кўтарди.
-Ўзингизга гапирадиган одатингиз ҳам борми?
Қўққисдан келиб гапирган Файзиевни кўриб Интизор уялиб кетди.
-А? Ҳалиги, сиз бу ерда...
-Адашиб бошқаларга тегишли дафтарларни ҳам олиб борибсиз. Сизда ишга бўлган лоқайдлик кучли. Билмадим бу кетишда қанақа доктор бўласиз? Операция вақти унутиб бирор нима қолдирасизми беморни ичида.
-Сиз ўзингизга юқори баҳо берманг. Мен билан ишингиз бўлмасин.
-Аҳа анча дадилсиз.
-Мени камситишингизга жим қараб турмайман. Сизни огоҳлантирдим
- Пўписами бу?
Усмон Интизорга яқинроқ келиб гапирмоқчи эди Интизор кескин ўзини ортга олди.
-Нима истайсиз мендан? Мен оддий амалиётчи бўлсам, сизга нима ёмонлик қилдим тушунолмадим.
-Менга ишини уддайлай олмайдиган, одобсизлар ёқмайди.
Файзиевни бу гапи Интизорни босилиб турган ғазабини ташқарига чиқаришига сабаб бўлди. Вулқон портлади. Лекин илк бора қиз кутган натижа бўлмади.
40-қисм
Интизор тепишга кўтарилган оёғи мўлжалга етиб бормаганидан таажубда эди.
-Чаккимас.
Интизор силтаганча оёғини Усмонну қўлларидан озод қилди.
-Жахлингни бошқаришни ўрган
-Бу билан ишингиз бўлмасин. Сиздақа одамлар атрофидагиларни энергиясини сўриб яшайди. Бир оғиз яхши гап айтишга ярамайсизуу. Ҳа қаердадир ўқигандим, шу гап айнан сиз ҳақингизда. Сизни ҳамма ёмон кўради. Фақатгина даволаган беморлариздан бошқа.
Интизор зарда қилганча отилиб чиқиб кетди. У бу одамни тушунмади, тушунолмади.
-Мен билан нима иши бор? Унга ёмонлик қилмаган бўлсам, ҳеч зарарим тегмаса. Тезроқ ўқиаҳ бошлансин, шуни турқ-тароватини кўрмай ҳам, куймай ҳам.
Телефонини олиб Гулмира опага қўнғироқ қилмоқчи бўлди, аксига олгандек телефони ҳам столи устида қолибди.
-Жин урсин.
Ўриндиқда ўтириб тинчланиб олгач, яна хонасига борди. Бу гал Файзиев кўринмади.
***
-Ака даромад зўр бўляпти.
Улуғбек кассани ҳисоблай бошлаганида Акмал хурсанд бўлганча гапирди
-Ишни кўзини биласиз. Менам юрибманда медик бўламан деб. Унга ўқиш керак. Мана сиз ўқимай туриб ҳам яхшигина даромад эгасисиз.
-Укам сени ўрнингда бўлсам бу гапларни айтмасдим. Мени қўлловчи одам бўлмаган. Имконинг борида ўқиб ол.
-Ўқияпман ака. Ёрдамиз билан ўзимни тиклаб ҳам олдим.
-Ўзингни ҳаракатинг бу. Келинойингни ҳам қўли анча келишиб қолди савдога. Сен ёрдам берасан кўнглим тўқ. Борингга шукр ука.
Акмал уйга қайтганида хотини кўриб ажабланди.
-Келиб қолибсиз.
-Нима келмайми?
-Йўқ келаверинг. Сизга ҳамма нарса мумкин .
-Акмал ҳалитдан бошламанг.
-Оёғимга сув олиб кел. Ювиб олай. Иссиқда красовкада ҳидланибди.
Жасмин ҳушламайгина сув олиб келишга кетди. Сув олиб келгач эса Акмал яна буйруқ берди.
-Қани хотинжон эрингни оёғини ювчи. Жаннати хотинлар эрини оёғини ювганлар экан.
-Чала мулла.
Жасмин иложсиз эрини оёғини ювишга тушди.
-Ох қандай маза гуруҳимиз маликаси, қўл етмас юлдуз. Каминайи камтаринни оёғини ювиб қўйди. Бравоооо. Ўзимга балли
-Йиғиштиринг майнавозчиликни.
-Ҳа хотинжон ҳақиқат ёқмадими?
Акмал кулишда давом этди.
-Ичволдизми нима бало?
-Эеэ ишда бўп туради. Ҳамма ухлаган вақтда келганим яхши бўпти. Сени соғингандим. Қани кирайлик уйга.
Акмал гандираклаб кетмаслик учун оғирлигини Жасминга ташлади.
-Мунчаа оғирсиз, йиқиламиз ҳозир. Ўзизни тутсангизчиии.
Акмал краватга узала тушиб ётганча хуррак отишга тушди
***
Интизор кетиш олдидан бир икки ҳамшираларга аёллар парвариши ҳақида маслаҳатлар берарди.
-Юзиз жудаям тиниқда, росса ҳавас қиламан.
-Сиздаям шунақа юз бўлиши мумкин.
-Йўғеэ?
Клара ишонқирамади, ўзининг бироз ажин босиб, ҳуснбузарлари бор юзини силади.
-Ҳа албатта. Салитсил мази билан синафланни ҳар кеч юзга сурсангизам натижа зўр бўлади. Ёкида энг арзон восита наъматак сотиб олинг ичида йигирма пакет бўлади. Дорихоналарда тиқилиб ётибди. Бир пакетчасини ўзизга қулай идишга солиб ҳар кеч юзизга сепинг кейин натижасини айтасиз. Гепарин маз ва синафлан ҳам юзни оқартиради.
-Шуларни ёзиб олайлик. Албатта қилиб кўрамиз.
-Мени товоним жуда кўп ёрилади. Бунга нима қилай?
Нозигул ийманибгина сўради
-Ҳммм, энг осон йўли Мокко деган педикур учун восита бор, ҳатто ичида ўзини қирадиган таёқчаси бор. Ўша биттага битта таъсир қилади. Сизларга синалган усулларни тавсия қиляпман.
-Рахмат Интизор, сиздан кўп нарса ўрганса бўларкан.
-Ўзингиздан вақтингизни қизғонманг. Бу эрта қаришни олдини олади.
Давоми эртага
Присоединяйтесь к ОК, чтобы подписаться на группу и комментировать публикации.
Комментарии 6