Sizni juda yaxshi ko‘raman...
Ona... Sizni juda yaxshi ko‘raman,
Ishqim bayoniga qog‘oz yetmaydi...
Men sizga shundayin qalqon bo‘laman,
Anduhlar qalbingiz vayron etmaydi...
Ona... Sizni juda yaxshi ko‘raman,
Beshigimni quchgan tuningiz haqqi...
Biroz hayallasam havotir olib,
Ostonada o‘tgan kuningiz haqqi...
Ona... Sizni juda yaxshi ko‘raman,
Boshimda tojimsiz jannatsiz menga...
Boshqa birovlarga tushmaydi ishim,
Hammadan ham ko‘proq keraksiz menga...
Ona... Sizni juda yaxshi ko‘raman,
O‘zga sevgilarning barchasi yolg‘on...
Beminnat mehringiz jonimga huzur,
Duoingiz asrab yuribdi hamon...
Ona... Sizni juda yaxshi ko‘raman,
Hech kimsa sizdayin tinglamas nolam,
Zarra mehringizga arzib qolar deb,
Nomingizni kuylab yuribman Onam...
Ona... Sizni juda yaxshi ko‘raman,
Himmatda o‘rnaksiz butun dunyoga...
Siz borsiz men shunday she’rlar yozaman,
Tuganmas ilhomsiz Zohid Ziyoga...
Ona... Sizni juda yaxshi ko‘raman...
📝Muallif: Zohid Ziyo...
Присоединяйтесь к ОК, чтобы подписаться на группу и комментировать публикации.
Нет комментариев