Бугун ҳам ўтди,
Бугун ҳам топмади сабрим сўнгини.
Тунларим умидла ёришиб кетди,
Бир лаҳза кўргандек тушлар ўнгини.
Бугун ҳам келмадинг...
Бугун ҳам шу ҳол,
Бир тутам юракнинг буюк оғриғи.
Мен жавоб излаган ўша бир савол,
Дунёга таратиб кетар довруғин.
Бугун ҳам келмадинг,
Бугун ҳам сенинг,
Юрак музларингда эриш бўлмади.
Яна зулмларинг, яна қасдларинг,
Мени қийнайвериб кўнгли тўлмади.
Бугун ҳам келмадинг,
Бугун ҳам якун,
Шунча олисмиди сен қурган ватан.
Мен ҳам ҳудди сендек тош ютиб бугун,
Кутмай қўйсаммикин сени эртадан.
Бугун ҳам тугади,
Унинг сўнгида,
Оромлар баландлаб олар нархини.
Умидим соғинчнинг совуқ қўйнида,
Менга қарз беради яна ҳар куни...
Бугун ҳам келмадинг,
Бугун ҳам ўтди...
Малика Тавфиқ
Присоединяйтесь к ОК, чтобы подписаться на группу и комментировать публикации.
Нет комментариев