Предыдущая публикация
Қўрқманг!
Сизга асло тушмайди юким,
Ўзимдан ортмайди бошимдаги қор.
Мен энди қадримга йиғламай қўйдим,
Барига қўл силтаб қўйганларим бор!
Сиз юрган кўчага босмайман қадам,
Сиз ўтар йўлларнинг менга боши берк.
Телбавор тентирар эканман билсам,
Онасин йўқотиб қўйган бўтадек.
Фурсатим оз менинг, юмушим ҳирмон,
Қарзим кўп Сарвари Олам олдида.
Сизга сиғинибман мен сўқир,нодон.
Тавба-тиловотлар увол бўлдида...
Қўрқманг,
Сизга асло тушмайди юким,
Қараб тураверинг,узатманг мадад.
Оллоҳдек меҳрибон бўлолмас ҳеч ким,
Мен уни сизчалик суймабман фақат.
Сиз деб гуноҳларга ботаверсаму,
Икки дунёйимдан кечсаму,эсиз,
Роббим карам этиб бандам десаю,
Битта ҳатойимни кечирмаган Сиз!
Қўрқманг!
Энди сизга тушмайди юким,
Тезроқ ҳаётимдан кетинг илтимос.
Ёлғизлар ёрининг ёнига кетдим,
У мени бандам деб суя олса бас!
Малика Салимова
Следующая публикация
Комментарии 1
Õz õziga yetadi dardi..
Yuragini oğritmang bõldi..)