Предыдущая публикация
Սիրտս արդեն շա՜տ վաղուց,
Անկանոն է բաբախում,
Այրվում եմ քո սիրուց,
Քեզ տեսնել եմ ես ուզում։
Թափառում եմ օրերով,
Հեռվից քեզ կանչում անվերջ,
Սիրտս լի է քո սիրով,
Համբույրդ կրակ է անշեջ։
Տեսել եմ քեզ մեկ անգամ,
Սիրահարվել խենթի պես,
Կուզեմ սրտիդ սերն զգամ,
Դու` ինձ համար մի կյանք ես։
Ապրում եմ ես լոկ քեզնով,
Վաղուց տիրել ես սրտիս,
Քո լուսաշող աչքերով,
Միայն սեր ես ինձ տալիս։
Չեմ թաքցրել իմ սերը,
Լոկ քեզ համար եմ պահել,
Քեզնով ապրող իմ սիրտը,
Քո սերն է միշտ որոնել։
Անգին գիշեր է նորից,
Քեզ եմ տեսնելու իմ սեր,
Որ քեզ սիրող իմ սրտից,
Ես ասեմ թանկ ջերմ խոսքեր։
Գուսան եմ դարձել անգին,
Երգեր ունեմ քեզ համար,
Հավերժ մնա իմ կողքին,
Չդառնա սիրտս խելագար։
Ասա, որ դու՞ էլ ինձ պես,
Սիրահարվել ես անգին,
Որ քահանան ինձ ու քեզ,
Արժան անի սուրբ պսակին։
ԳՅՈՒՄՐԵՑՈՒ_____ՁԵՌԱԳԻՐ_____ՄԿՐՏԻՉ_____ԳՅՈՒՄՐԵՑԻ_____19______07______2024______ԹՎԱԿԱՆ
Следующая публикация
Нет комментариев