Журналдың ғинуар һанында уҡыусыларҙы Башҡортостандың халыҡ яҙыусыһы Мар. Сәлим йылмайып-көлөп ҡаршы ала. Билдәле сатириктың тормошо һәм ижады хаҡындағы үҙенең мәҡәләһе лә бик мауыҡтырғыс.
“Сәсмә әҫәрҙәр” рубрикаһында Башҡортостандың халыҡ шағиры Гүзәл Ситдиҡованың “Антоновка еҫе” тигән повесы менән танышырға мөмкин. Әйткәндәй, яҙыусының был тәүге күләмле проза әҫәре. Шулай уҡ күренекле әҙибә Мәүлиҙә Әхмәтйәнованың бик мауыҡтырғыс сюжетлы “Мәскәү ҡыҙы” романы ла тәҡдим ителә.
Шағирәләр Гөлназ Ҡотоева, Зилә Ғәлләмова иһә серле шиғриәт донъяһына саҡыра.
Филология фәндәре кандидаты, ғалимә Гөлнара Абдрафиҡова-Ғарипованың мәҡәләһе бөйөк мәғрифәтсе Ризаитдин Фәхретдиновтың бай ижади мираҫына арнала.
Присоединяйтесь к ОК, чтобы подписаться на группу и комментировать публикации.
Нет комментариев